ཉེ་ཆར། ཉིང་ཁྲི་མཐའ་མཚམས་དོ་དམ་ཉིང་ལག་རུ་ཁག་གནས་ལུང་མཐའ་མཚམས་མངགས་གཏོང་ཁང་གིས་ཁོངས་གཏོགས་ཁུལ་གྱི་སློབ་ཆུང་དུ་བསྐྱོད་དེ། “དཔེ་དེབ་ཀྱི་དྲི་བསུང་སློབ་ར་ཡོངས་སུ་འཐུལ”ཞེས་པའི་དཔེ་ཀློག་མཉམ་སྤྱོད་བྱེད་སྒོ་སྤེལ་བ་རེད། སློབ་མ་ཚོའི་སྤྲོ་སེམས་འཁོལ་བའི་དགའ་འབོད་ཀྱི་ཁྲོད་དུ། མི་དམངས་ཉེན་རྟོག་པས་སློབ་མ་ཚོ་དང་མཉམ་དུ་དཔེ་ཀློག་གི་མྱོང་བ་མཉམ་སྤྱོད་བྱས་པ་མ་ཟད། སློབ་མ་ཚོར་སློབ་སྦྱོང་ཡག་པོ་བྱས་ནས་ཉིན་བཞིན་ཡར་རྒྱས་ཡོང་བར་བྱས་ཏེ། སྤྱི་ཚོགས་རིང་ལུགས་ཀྱི་འཛུགས་སྐྲུན་པ་དང་ཤུལ་འཛིན་པ་ཡག་པོ་ཞིག་བྱེད་དགོས་པའི་སྐུལ་ལྕག་ཀྱང་བྱས་པ་རེད།
འདི་ནི་གནས་ལུང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་སློབ་མ་ཚོ་དང་མཉམ་དུ་དཔེ་ཀློག་གི་མྱོང་ཚོར་མཉམ་སྤྱོད་བྱེད་བཞིན་པ།