ས་གནས་ས་ཐོག་གི་སྨན་བཅོས་མྱུར་སྐྱོབ་དོ་དམ་ལ་ཤུགས་སྣོན་རྒྱག་པ་དང་། ས་གནས་ས་ཐོག་གི་སྨན་བཅོས་མྱུར་སྐྱོབ་བྱ་སྤྱོད་ཚད་ལྡན་དུ་གཏོང་བ། ས་གནས་ས་ཐོག་གི་སྨན་བཅོས་མྱུར་སྐྱོབ་ཀྱི་ཞབས་ཞུའི་ཆུ་ཚད་མཐོ་རུ་གཏོང་བ་བཅས་ཀྱི་ཆེད་དུ། རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ལྷན་གྱི་རྒྱབ་སྐྱོར་ཤུགས་ཆེན་འོག ཉེ་ཆར་བོད་ལྗོངས་མྱུར་སྐྱོབ་ལྟེ་གནས་ཀྱིས་བོད་རང་སྐྱོང་ལྗོངས་མི་དམངས་སྨན་ཁང་དོས་ཕྲག་ཚན་ཁག་དང་མཉམ་དུ་2022ལོའི་ས་གནས་ས་ཐོག་གི་མྱུར་སྐྱོབ་གསོ་སྦྱོང་འཛིན་གྲྭ་གཉེར་བ་རེད།
ངོ་སྤྲོད་བྱས་པར་གཞིགས་ན། ས་གནས་ས་ཐོག་དུ་མྱུར་སྐྱོབ་བྱེད་སྐབས་འཕྲད་པའི་ནད་པ་ཚང་མ་ནི་དོས་ཕྲག་ཆེ་ལ་ཉེན་ཁ་ཆེ་བའི་ནད་པའི་ཚབས་ཆེན་ཤ་སྟག་རེད། ནད་པ་དེ་རིགས་མྱུར་སྐྱོབ་བྱེད་པའི་དུས་ཚོད་ཡག་ཤོས་ནི་ནད་གཞི་ལངས་རྗེས་ཀྱི་སྐར་མ་ཁ་ཤས་ནང་ཡིན་པས། ས་གནས་ས་ཐོག་གི་མྱུར་སྐྱོབ་ལས་དོན་ཡག་པོ་བསྒྲུབས་ཚེ་ནད་པ་ཤི་ཚད་དང་དབང་སྐྱོན་ཆགས་ཚད་ཇེ་དམར་གཏོང་ཐུབ། དེའི་ཕྱིར་ས་གནས་ས་ཐོག་ཏུ་མྱུར་སྐྱོབ་བྱ་རྒྱུའི་ལས་ཀ་དེ་ལྷག་པར་དུ་གལ་འགངས་ཆེན་པོ་ཞིག་རེད། ད་ཐེངས་ཀྱི་གསོ་སྦྱོང་ནང་ལྷ་ས་དང་། གཞིས་རྩེ། མངའ་རིས་སོགས་གྲོང་ཁྱེར་དང་ས་གནས་ཀྱི་རྫོང་རིམ་པའི་མི་དམངས་སྨན་ཁང་ཁག་གཅིག་གི་སྨན་དོན་མི་སྣ་20ཞུགས་ཡོད་པ་རེད།