རྒྱ་ཆེའི་རྒྱུགས་སྤྲོད་སློབ་མར་བག་ཕེབས་ཁུ་སིམ་གྱི་ཡིག་རྒྱུགས་ཁོར་ཡུག་ཅིག་གཏོད་ཆེད། 2022ལོའི་མཐོ་རྒྱུགས་གཏོང་བའི་མཚམས་འདིར། རང་སྐྱོང་ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས《བོད་རང་སྐྱོང་ལྗོངས་ཀྱི་2022ལོའི་མཐོ་སློབ་དཀྱུས་མའི་སློབ་བསྡུའི་ཡིག་རྒྱུགས་རིང་སྒྲའི་ཁོར་ཡུག་གི་སྤུས་ཚད་ལྟ་ཞིབ་ཚད་ལེན་ཇུས་གཞི》དུས་ཐོག་ཏུ་བཀོད་པ་དང་འབྲེལ། རང་སྐྱོང་ལྗོངས་སྐྱེ་ཁམས་ཁོར་ཡུག་ཐིང་གི་ལྟ་ཞིབ་ཚད་ལེན་ཁྲུའུ་ཡིས་གྲོང་ཁྱེར་དང་ས་གནས་7གྱི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་དང་ལྗོངས་ཡོངས་ཀྱི་སྤྱི་ཚོགས་ཞིབ་དཔྱད་ཚད་ལེན་སྒྲིག་གཞི་12སྒྲིག་འཛུགས་བྱས་ཏེ། “འཛེར་སྒྲར་ལྟ་ཞིབ་ཚད་ལེན་བྱེད། ལྗང་མདོག་མཐོ་རྒྱུགས་ལེགས་པར་སྲུང”ཞེས་པའི་ཁོར་ཡུག་ལྟ་ཞིབ་ཚད་ལེན་གྱི་སྤྱི་ཕན་བྱེད་སྒོ་སྤེལ་བ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོ་དེ་ཟླ་6ཚེས་7ཉིན་ནས་འགོ་ཚུགས་པ་དང་ཟླ་6ཚེས་9ཉིན་མཇུག་འགྲིལ་རྒྱུ་རེད། ལྗོངས་ནང་ཁུལ་གྱི་ཡིག་རྒྱུགས་གཏོང་ཡུལ་37དང་འབྲེལ་བ་ཡོད། མཐོ་རྒྱུགས་གཏོང་རིང་ཉིན་རེའི་ཡིག་རྒྱུགས་དུས་ཚོད་ཀྱི་དགོས་མཁོ་ལྟར་འཛེར་སྒྲར་ལྟ་ཞིབ་ཚད་ལེན་བྱེད་པ་དང་། ཡིག་རྒྱུགས་གཏོང་མཁན་ལ་ཤུགས་རྐྱེན་ཐེབས་པའི་ཁྲིམས་འགལ་སྒྲིག་འགལ་གྱི་འཛེར་སྒྲའི་བྱ་སྤྱོད་སྣ་ཚོགས་དུས་ཐོག་ཏུ་གཏན་འགོག་བྱས་ཏེ། ཡིག་རྒྱུགས་གཏོང་རིང་འཛེར་སྒྲ་ཆེན་པོ་མི་ཐོན་པའི་འགན་ལེན་བྱས་ཡོད།