འདི་ལོ་ཚུན། ཉིང་ཁྲི་གྲོང་ཁྱེར་རྫ་ཡུལ་རྫོང་གིས“མཉམ་འབྲེལ་ལྔ་དང་སྲ་བརྟན་ལྔའི”བྱེད་སྒོ་བརྟན་དུ་གཏོང་རྒྱུ་གོ་སྐབས་སུ་བྱས་ནས“མཉམ་འབྲེལ་ལྔ་དང་སྲ་བརྟན་ལྔའི”བྱེད་སྒོའི་ནང་དོན་མུ་མཐུད་རྒྱ་བསྐྱེད་ཐོག་རྒྱལ་གཅེས་རིང་ལུགས་དང་རྒྱལ་གཅེས་སློབ་གསོར་དམིགས་ནས། གཞོན་ནུ་ལོ་ཆུང་ཁྲོད“ལོ་ཆུང་གདོང་ལེན་རུ་མིའི་མཐའ་སྟོབས་ཀྱི་སྦྱོང་བརྡར་འཛིན་གྲྭ”གཉེར་ཏེ། “ཀློག་པ་དང་། ཉན་པ། སྦྱོང་བ”བཅས་ཀྱི་སྒོ་ནས་སློབ་གྲྭ་འབྲིང་ཆུང་གི་སློབ་མར་གུང་ཁྲན་རིང་ལུགས་ཀྱི་དད་སེམས་བརྟན་དུ་དང་རྒྱལ་གཅེས་རིང་ལུགས་ཀྱི་བརྩེ་སེམས་ཟབ་ཏུ་གཏོང་རྒྱུར་ཁྲིད་སྟོན་བྱས་པ་རེད།
གསར་བརྗེའི་དཔེ་དེབ་ཀློག་ཏུ་བཅུག་ནས་བསམ་གཞིག་གི་ནུས་པ་འཕེལ་བར་བྱས་ཤིང་། སློབ་གྲྭ་འབྲིང་ཆུང་གི་སློབ་མའི་ཆུ་ཚད་དང་ཟུང་འབྲེལ་བྱས་ནས། 《ཀྲུང་ཧྭའི་སྔོན་གཤེགས་དཔའ་བོའི་མི་སྣའི་གཏམ་རྒྱུད་གཅེས་བསྡུས》སོགས་གསར་བརྗེའི་བརྗོད་དོན་གཙོ་བོའི་རིམ་སྤེལ་དཔེ་ཚོགས་གཞི་རྩའི་དཔྱད་གཞིར་བཟུང་སྟེ་བརྗོད་དོན་གཙོ་བོའི་དཔེ་ཀློག་བྱེད་སྒོ་ཐེངས་1སྒྲིག་འཛུགས་བྱས་པ་དེས་བྱེད་སྒོའི་ཁྲོད་སློབ་མ་ཚོར་སྦྱངས་ནས་བསམ་བློ་གཏོང་བ་དང་། སྦྱངས་ནས་གོ་རྟོགས་སད་པ། སྦྱངས་ནས་འབྲས་བུ་ཐོན་པ་བཅས་དངོས་འབྲེལ་བྱུང་ནས། རང་གིས་རང་ལ་ངོས་འཛིན་ཟབ་ཏུ་སོང་ཡོད། རིམ་རྩིས་བྱས་ན། མིག་སྔའི་བར་སློབ་མ་800ལྷག་ཙམ་ལ་སློབ་གསོ་ཐེབས་ཡོད་པ་རེད།
རྒྱལ་གཅེས་མཐའ་བརྟན་གྱི་སློབ་ཚན་ཞིག་ཉན་དུ་བཅུག་ནས་འགན་འཁྲིའི་འདུ་ཤེས་ཟབ་ཏུ་བཏང་ཞིང་། བཅའ་སྡོད་དཔུང་སྡེའི་དཔོན་དམག་གི་འཐུས་མིས་སློབ་གྲྭའི“ཏང་འཛུགས་སྐྱོང་གི་ཟུར་འཁྲིད་པའི”འགན་འཁྲི་འཁུར་རྒྱུར་མུ་མཐུད་སྐུལ་འདེད་བཏང་བ་དང་། དཔུང་སྡེའི་དཔོན་དམག་གདན་དྲངས་ཏེ་སློབ་མ་ཚོར་ཤའོ་སི་ཡོན་དང་ཁྲེན་ཞང་རུང་སོགས་མཐའ་སྲུང་དཔའ་བོའི་བྱས་རྗེས་བརྗོད་པ། “རང་ཉིད་ཀྱི་ལྷག་བསམ་ཀྲུང་གོར་བཅངས་ལུགས”གསལ་འགྲེལ་བྱས་ཡོད། རིམ་རྩིས་བྱས་ན། མིག་སྔའི་བར་འབྲེལ་ཡོད་བྱེད་སྒོ་ཐེངས་5སྤེལ་ནས་མི་ཐེངས་1300ལྷག་ཙམ་ལ་སློབ་གསོ་ཐེབས་ཡོད་པ་རེད།
ལུས་སྦྱོང་སྦྱོང་བརྡར་ནང་ཞུགས་སུ་བཅུག་སྟེ་མཐའ་སྲུང་གི་ཐུན་མོང་ངོས་འཛིན་གཅིག་མཐུན་ཡོང་བ་བྱས་ཤིིང་། “དམག་སྒར་སྒོ་དབྱེའི་ཉིན་མོ”དང་ཟུང་འབྲེལ་བྱས་ནས་གཞོན་ནུ་ལོ་ཆུང་སྒྲིག་འཛུགས་བྱས་ཏེ། “མཐའ་སྲུང་དཔའ་བོར་གུས་འདུད་ཞུ། དཔའ་བོའི་སྙིང་སྟོབས་རྒྱུན་འཛིན་བྱེད”ཅེས་པའི་བརྗོད་དོན་གཙོ་བོའི་ལྟ་སྦྱོང་དང་སྦྱོང་བརྡར་བྱེད་སྒོ་སྤེལ་ནས་ཕྲུ་གུ་ཚོར་རུ་སྟར་སྒྲིག་སྟངས་སོགས་ཀྱི་སྦྱོང་བརྡར་སྤྲས་ཏེ། སློབ་མ་ཚོར་བདེ་དུས་ཉེན་ཟོན་གྱི་རྒྱལ་སྲུང་འདུ་ཤེས་ཆགས་རྒྱུའི་སློབ་གསོ་བཏང་བ་རེད། མིག་སྔའི་བར་སྦྱོང་བརྡར་བྱེད་སྒོ་ཐེངས་1སྤེལ་བར་གཞོན་ནུ་ལོ་ཆུང་300ཞུགས་ཡོད་པ་རེད།