ཉེ་ཆར། ཉིང་ཁྲི་གནས་ལུང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་ཤང་ལྟེ་བའི་སློབ་ཆུང་དུ་སློབ་གྲྭ་འབྲིང་ཆུང་གི་སློབ་མ་ཚོར་སྣ་མང་ཕུན་སུམ་ཚོགས་པའི་ཁྲིམས་སྐྱོང་སློབ་གསོའི་འཆད་ཁྲིད་བྱས་པ་རེད།

འཆད་ཁྲིད་བྱེད་རིང་། མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་མིག་སྔའི་ན་སོ་དར་ལ་མ་བབས་པའི་མིའི་བཅའ་ཁྲིམས་དང་བདེ་འཇགས་ཀྱི་འདུ་ཤེས་ཟབ་པོ་མེད་པའི་ཁྱད་ཆོས་ལ་གཞིགས་ནས་ཉེ་འགྲམ་གྱི་དཔེ་མཚོན་དངོས་འདྲེན་པ་དང་། གྱོད་དཔེ་དྲངས་ནས་ཁྲིམས་ཤོད་པ། ཁྲིམས་ལ་བརྟེན་ནས་གནས་ལུགས་ཤོད་པ་བཅས་བྱས་པ་བརྒྱུད། ཕྲུ་གུ་ཚོར་གོ་བདེ་ཤེས་སླའི་ཐབས་ཤེས་ཀྱི་ཐོག་ནས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ན་སོ་དར་ལ་མ་བབས་པའི་མིའི་སྲུང་སྐྱོང་བཅའ་ཁྲིམས》ནང་གི་ཤེས་བྱ་གསལ་འགྲེལ་བྱས་ཏེ། སློབ་མ་ཚོར་ཁྲིམས་སྐྱོང་གི་འདུ་ཤེས་དང་བཅའ་ཁྲིམས་ཀྱི་འདུ་ཤེས་ཟབ་ཏུ་བཏང་ནས་བཅའ་ཁྲིམས་སྤྱད་དེ་རང་ཉིད་སྲུང་སྐྱོང་བྱེད་དགོས་པའི་སློབ་གསོ་ཁྲིད་སྟོན་བྱས་པ་རེད།

མཇུག་ཏུ་མཐའ་མཚམས་མངགས་གཏོང་གི་མི་དམངས་ཉེན་རྟོག་པ་སློབ་མ་ཚོའི་ཁྲོད་དུ་བསྐྱོད་དེ་ཁོང་ཚོར《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ན་སོ་དར་ལ་མ་བབས་པའི་མིའི་སྲུང་སྐྱོང་བཅའ་ཁྲིམས》དང་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ན་སོ་དར་ལ་མ་བབས་པའི་མིའི་ཉེས་གསོག་སྔོན་འགོག་བཅའ་ཁྲིམས》ཀྱི་འབྲེལ་ཡོད་དཔྱད་ཡིག་སྤྲད་དེ། སློབ་མ་ཚོར་ཁྲིམས་སྦྱོང་དང་། ཁྲིམས་རྟོགས། ཁྲིམས་སྤྱོད་བཅས་བྱས་ནས་བཅའ་ཁྲིམས་ཀྱི་ཤེས་བྱ་རང་འགུལ་ངང་རྒྱུན་གཏན་འཚོ་བའི་ནང་སྤྱོད་དགོས་པའི་འབོད་སྐུལ་བྱས་པ་རེད།

འདི་ནི་གནས་ལུང་མངགས་གཏོང་ཁང་གི་མི་དམངས་ཉེན་རྟོག་པས་སློབ་མ་ཚོར་ཁྲིམས་ལུགས་ཁྱབ་གདལ་གྱི་དཔྱད་ཡིག་སྤྲོད་བཞིན་པ།