ལོ་གསར་པ་གཡང་དྲུང་རི་མོ་ཡིན།།
ཚིག་ནེམ་ཤ་ཅན་ཞིག་སྒྲིག་ནས་ཡོད།།
ལོ་གསར་པ་བཀྲ་ཤིས་རྟགས་བརྒྱད་ཡིན།།
དབྱངས་སྡེབ་ཁ་ཅན་ཞིག་སྒྲིག་ནས་ཡོད།།
ལོ་གསར་པ་སྨོན་པའི་དྭངས་མ་ཡིན།།
ལས་སྨོན་ལམ་སྟག་སེང་ཁ་སྤྲོད་ཡིན།།
ལོ་གསར་པ་མཐུན་སྒྲིལ་མགོ་མ་ཡིན།།
གཡང་མཐུན་པ་སྤུན་བཞི་འཁོར་ནས་ཡོད།།
ལོ་གསར་པ་ཆུ་ཆེན་ཆུ་ཆུང་ཡིན།།
ཆུ་དྭངས་མོའི་འབྱུང་བ་འཕྲོད་ནས་ཡོད།།
ལོ་གསར་པ་དགུང་གི་སྐར་ཚོགས་ཡིན།།
ཁྲ་ཆིལ་ལེར་དུང་ཟླ་བསྐོར་ནས་ཡོད།།
ལོ་གསར་པ་ཕོ་གཞོན་འཛུམ་མདངས་ཡིན།།
ཁ་དུང་སོ་སུམ་ཅུ་ཀྱུག་གེར་ཡོད།།
ལོ་གསར་པ་མོ་གཞོན་ལན་བུ་ཡིན།།
སྐྲ་ལན་ཆེན་ལན་ཆུང་ཤམ་སེ་ཡོད།།
ལོ་གསར་པ་བཀྲ་ཤིས་གཡང་ལོ་ཡིན།།
ནོར་གཡང་ར་སྒོ་བཞི་འཛོམས་ནས་ཡོད།།
ལོ་གསར་པ་སྐྱིད་ཀྱི་གཞི་མ་ཡིན།།
ལས་བསོད་ནམས་རང་བཞིན་སྒྲིག་ནས་ཡོད།།
ལོ་གསར་པར་ལྷན་རྒྱས་ཁ་དྲོ་ཤོག །
ལས་ཅི་བྱས་བར་ཆད་མེད་པར་སྨོན།།
ལོ་གསར་པར་འཛམ་གླིང་བདེ་ལེཌ་ཤོག །
མགོན་གང་བཀུར་སྙིང་ནས་སྲུང་བར་སྨོན།།