ཆུ་འཛིན་ལང་ལོང་འཁྲིཌ་པའི་རྫ་འདབས་སུ༎
འུར་རྡོ་དགུང་ལ་གཡུག་པའི་གཤིས་བཟང་མ༎
རྫི་གླུ་ངག་ལ་ལེན་པའི་དབྱངས་ཅན་མ༎
འབྲོག་པའི་བུ་མོ་ཁུ་བྱུག་སྔོན་མོ་ཡིན༎
ཆུ་ཕྲན་གྱ་གྱུར་བཞུར་བའི་ཆུ་གཞུང་དུ༎
ཆུ་ཟོམ་སྐེད་ལ་འཁུར་བའི་ལུས་ཕྲ་མ༎
ནོར་ཕྱུགས་སྒོ་ཁར་བཀྲམ་པའི་ཡིད་འོང་མ༎
འབྲོག་པའི་བུ་མོ་སྦྲ་ནག་བདག་མོ་ཡིན༎
དུ་ཞག་མཁའ་རུ་འཕྱུར་བའི་སྦྲ་ནག་ཏུ།།
འོ་ཞོ་བརྩེ་བས་དཀྲོག་པའི་བཞིན་བཟང་མ།།
དཀར་ཆུའི་ལས་ལ་སྤྲོ་བའི་བརྩེ་ལྡན་མ།།
འབྲོག་པའི་བུ་མོ་མཛངས་མའི་ཁྱུ་མཆོག་ཡིན།།
ཁྲ་ཚོམ་མེ་ཏོག་བརྒྱན་པའི་རྩྭ་ཐང་སྟེང་།།
གཡང་དཀར་ལུག་ཁྱུ་འཚོ་བའི་ཡིད་འཕྲོག་མ།།
ལྡེམ་ལྡེམ་གར་སྟབས་འགྱུར་མཁས་གར་མཁན་མ།།
འབྲོག་པའི་བུ་མོ་རིགས་བཟང་མཛེས་ལྡན་མ།།