འཆམ་མཐུན་གླུ་རུ་ལེན་པའི་སྤྱི་ཚོགས་ནང་།།
མི་རྣམས་བདེ་སྐྱིད་འཚོ་བའི་དཔལ་ལ་རོལ།།
དྲོ་སྐྱིད་ལྡན་པའི་གཡང་ཁྱིམ་དྲོན་མོ་འདི།།
བཟང་བཟང་གུང་ཁྲན་ཏང་གི་བཀའ་དྲིན་ཡིན།།
ཕུན་ཚོགས་མངའ་ཐང་རྒྱས་པའི་ཞིང་ཁམས་འདིར།།
ལོངས་སྤྱོད་ཀླུ་ལ་འགྲན་པའི་ཕ་ཡུལ་ཆགས།།
ཞི་མཐུན་ཉི་མ་སྤྲིན་བྲལ་མཁའ་ལས་འཚེར།།
མ་འོངས་ཕུགས་འདུན་སྙེགས་པའི་གོམ་སྟབས་མྱུར།།
མང་ཚོགས་མགོན་དུ་བཀུར་བའི་དམ་བཅའ་བརྟན།།
དམངས་དོན་སེམས་སུ་འཆང་བའི་ཆོད་སེམས་ཀྱིས།།
དབུལ་སྒྲོལ་འགག་སྒྲོལ་རྒྱལ་ཁ་ཕུ་ཐག་བཅད།།
ལྷག་བསམ་གཙང་མའི་མཇལ་དར་ཏང་ལ་འབུལ།།
བཟང་པོའི་ལེགས་བྱས་ཏང་གི་བཀའ་དྲིན་ཡིན།།
བསྟོད་པའི་གླུ་དབྱངས་ནམ་ཡང་ཏང་ལ་གྱེར།།
བློ་བརྟན་འགྱུར་མེད་ཏང་གི་རྗེས་སུ་འབྲངས།།
ཏང་གི་བྱ་གཞག་དོན་དུ་འབད་འབུངས་བསྐྱེད།།
ཉ་ཆུ་བཞིན་གྱི་མཐུན་ལམ་བཟང་པོ་སྐྱོངས།།
དགེ་བའི་ལས་ལ་རྟག་གུས་བརྩོན་པ་བསྟེན།།
ཨ་ཕ་ཨ་མའི་སྙིང་གི་གཅེས་ཕྲུག་ཚོ།།
ལེ་ལོ་སྤངས་ནས་ཕུགས་འདུན་སླད་དུ་འབུངས།།