འདི་ནི“2021ལོའི་ལོ་ཆུང་བྱིས་པ་བདེ་ཐང་ངང་འཚར་ལོངས་ཡོང་བར་སྲུང་སྐྱོང་བྱེད་པའི”ཆེད་དོན་བྱ་སྤྱོད་ཀྱི་བྱེད་སྒོ་སྤེལ་ཡུལ་ཡིན་པ།

འདི་ནི“2021ལོའི་ལོ་ཆུང་བྱིས་པ་བདེ་ཐང་ངང་འཚར་ལོངས་ཡོང་བར་སྲུང་སྐྱོང་བྱེད་པའི”ཆེད་དོན་བྱ་སྤྱོད་བྱེད་སྒོ་སྤེལ་རིངསློབ་མ་ཚོས་གྱང་ལྡེབས་སུ་མིང་འབྲི་བཞིན་པ།

སློབ་གྲྭའི་ཉེ་འཁོར་གྱི་སྤྱི་ཚོགས་རིག་གནས་ཁོར་ཡུག་སྔར་བས་ཡག་ཏུ་བཏང་ནས་ན་སོ་དར་ལ་མ་བབས་པའི་མིའི་བསམ་བློ་ཀུན་སྤྱོད་འཛུགས་སྐྱོང་ལ་སློབ་གསོའི་ཐོན་ཁུངས་ཡག་པོ་ཞིག་བསྐྲུན་ཏེ། ཤེས་བྱའི་བདག་དབང་དང་། ན་སོ་དར་ལ་མ་བབས་པའི་མི་བདེ་ཐང་ངང་འཚར་ལོངས་ཡོང་བར་སྲུང་སྐྱོང་བྱེད་པའི་རིག་གནས་རྣམ་པ་བཟང་པོ་ཞིག་ཤུགས་ཆེན་གཏོད་ཆེད། ཉེ་ཆར། འབྲི་རུ་རྫོང“འཆལ་རྡུང་ལོག་སེལ”གཞུང་དོན་ཁང་གིས་རྫོང་ཞིབ་དཔྱོད་ཁང་དང་། སྤྱི་བདེ་ཅུས། ཁྲིམས་འཛིན་ཅུས། སྡེ་ཚོགས་རྫོང་ཨུད། རྫོང་དུས་རབས་གསར་པའི་ཤེས་དཔལ་ལག་ལེན་ལྟེ་གནས་སོགས་ཀྱི་ཁོངས་གཏོགས་ཚན་པ་དང་མཉམ་དུ་རྫོང་སློབ་འབྲིང་གཉིས་པ་དང་སློབ་ཆུང་གཉིས་པར་བསྐྱོད་དེ“2021ལོའི་ལོ་ཆུང་བྱིས་པ་བདེ་ཐང་ངང་འཚར་ལོངས་ཡོང་བར་སྲུང་སྐྱོང་བྱེད་པའི”ཆེད་དོན་བྱ་སྤྱོད་སྒྲོག་འགྲེལ་གྱི་བྱེད་སྒོ་སྤེལ་བ་རེད།

དྲིལ་བསྒྲགས་སྤེལ་ཡུལ་དུ་དང་བླངས་ཞབས་ཞུའི་རུ་ཁག་གིས་རིགས་པའི་གཞུང་ལུགས་སྒྲོག་འགྲེལ་དང་བརྡ་ཁྱབ་འགྲེམས་སྟོན་སོགས་བྱས་ནས“རྒྱལ་སྲུང་སློབ་གསོ”དང་། “དྲ་རྒྱའི་བདེ་འཇགས་ཤེས་བྱ” “ན་སོ་དར་ལ་མ་བབས་པའི་མི་སྲུང་སྐྱོང་བཅའ་ཁྲིམས” “ན་སོ་དར་ལ་མ་བབས་པའི་མིའི་ཉེས་གསོག་སྔོན་འགོག་བཅའ་ཁྲིམས”སོགས་ཀྱི་ནང་དོན་ལ་དམིགས་ཏེ་སྒྲོག་འགྲེལ་བྱས་པ་མ་ཟད། སློབ་མ་ཚོར་དེབ་འཛར་སྔོན་མོ་900དང་དྲིལ་བསྒྲགས་དཔྱད་ཡིག་1000ལྷག་ཙམ་སྤྲད་པ་རེད།