ལྷན་སྐྱེས་དབང་སྐྱོན་འགོག་བཅོས་ཇི་ལྟར་བྱེད་དགོས་སམ།
རང་རྒྱལ་གྱིས་རིམ་པ་གསུམ་གྱི་སྔོན་འགོག་བྱེད་ཐབས་སྤྱོད་ཀྱི་ཡོད་པ་སྟེ།
རིམ་པ་དང་པོའི་སྔོན་འགོག་ནི་གཉེན་སྒྲིག་མ་བྱས་གོང་དང་། མངལ་མ་སྦྲུམ་གོང་། མངལ་སྦྲུམ་མ་ཐག་བཅས་ལ་བདེ་ཐང་སློབ་གསོ་དང་། ལེགས་བཙའི་བརྟག་དཔྱད། བློ་འདྲི་མཛུབ་ཁྲིད་བཅས་བྱས་ཏེ་ལྷན་སྐྱེས་དབང་སྐྱོན་མི་ཐོན་པ་བྱེད་ཀྱི་ཡོད།
རིམ་པ་གཉིས་པའི་སྔོན་འགོག་ནི་མངལ་འཁོར་རིང་ཕྲུ་གུ་མ་སྐྱེས་གོང་གི་གྲལ་བཤེར་དང་མ་སྐྱེས་གོང་གི་བརྟག་དཔྱད་བྱས་ཏེ་ལྷན་སྐྱེས་དབང་སྐྱོན་རྐྱེན་པས་ཕྲུ་གུ་ཤི་ཚད་དང་ལྷན་སྐྱེས་དབང་སྐྱོན་ཚབས་ཆེན་སྐྱེ་ཚད་ཉུང་དུ་གཏོང་གི་ཡོད།
རིམ་པ་གསུམ་པའི་སྔོན་འགོག་ནི་ཕྲུ་གུ་དམར་འབྱར་ལ་ལྷན་སྐྱེས་ཀྱི་ནད་ཡོད་མེད་གྲལ་བཤེར་དང་བརྟག་དཔྱད་དང་། ལྷན་སྐྱེས་དབང་སྐྱོན་སྨན་བཅོས་བྱས་ནས་དྲག་སྐྱེད་ཡོང་བ་བྱས་ཏེ་བྱིས་པ་དབང་སྐྱོན་ཉུང་གཏོང་དང་བྱིས་པ་ནད་པ་གསོན་ཚད་མཐོ་རུ་གཏོང་གི་ཡོད།
ཉེ་བའི་ལོ་ཤས་རིང་། རྒྱལ་ཁབ་ཀྱིས་རིན་མེད་ངང་མངལ་མ་སྦྲུམ་གོང་གི་ལེགས་བཙའི་བརྟག་དཔྱད་དང་། ལོ་མའི་སྐྱུར་རྒྱུ་ཁ་གསབ། ས་དབུས་རྒྱ་མཚོའི་ཟུངས་ཁྲག་ཉམས་པ་སྔོན་འགོག་དང་ཚོད་འཛིན། ཕྲུ་གུ་དམར་འབྱར་གྱི་ནད་རིགས་གྲལ་་བཤེར་སོགས་ལྷན་སྐྱེས་དབང་སྐྱོན་འགོག་བཅོས་ཞབས་ཞུ་དེ་རྒྱལ་ཡོངས་ཀྱི་གཞི་རྩའི་སྤྱི་པའི་འཕྲོད་བསྟེན་ཞབས་ཞུའི་རྣམ་གྲངས་ཀྱི་ཁོངས་སུ་བཅུག་ནས། ལྷན་སྐྱེས་དབང་སྐྱོན་འགོག་བཅོས་ཀྱི་སྤྱི་ཚོགས་དྲིལ་བསྒྲགས་དང་བདེ་ཐང་སློབ་གསོ་རྒྱ་ཆེར་སྤེལ་བ་དང་། བྱིས་པའི་ལྷན་སྐྱེས་ཀྱི་སྙིང་ནད་དང་ས་དབུས་རྒྱ་མཚོའི་ཟུངས་ཁྲག་ཉམས་པ་སོགས་ལྷན་སྐྱེས་དབང་སྐྱོན་སྨན་བཅོས་དེ་ནད་ཆེན་འགན་ལེན་དང་ནད་ཆེན་ཆེད་དོན་སྐྱོབ་བཅོས་ནང་བཅུག་སྟེ་ལྷན་སྐྱེས་དབང་སྐྱོན་ཕྱོགས་བསྡུས་འགོག་བཅོས་བྱས་པ་བརྒྱུད་དབང་རྩའི་ལྷན་སྐྱེས་དབང་སྐྱོན་དང་། ས་དབུས་རྒྱ་མཚོའི་ཟུངས་ཁྲག་ཉམས་ཚབས་ཆེ་བ་སོགས་ལྷན་སྐྱེས་དབང་སྐྱོན་ཐོན་ཚད་མངོན་གསལ་དོད་པོས་དམའ་རུ་ཕྱིན་ཡོད།