ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གི་གྲོགས་པོ་ཆུང་ཆུང་ཚོས་སློབ་ཁང་དུ“ང་ཡི་མེས་རྒྱལ་ངོས་འཛིན་བྱེད”ཅེས་པའི་ནག་པང་གསར་འགྱུར་གྱི་ནང་དོན་ལ་ལྟ་བཞིན་པ། 

1982ལོར་བསྐྲུན་པའི་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་ནི་མཛེས་སྡུག་ལྡན་པའི་ལྷ་ས་སྐྱིད་ཆུའི་ངོགས་སུ་གནས་ཤིང་། ལྷ་ས་གྲོང་ཁྱེར་དུ་སྔ་ཤོས་བསྐྲུན་པའི་ཉིན་གང་ལམ་ལུགས་ཀྱི་གཞུང་བཙུགས་བུ་བཅོལ་ཁང་ཞིག་རེད། 2017ལོའི་ཟླ་7པ་ནས་བཟུང་བུ་བཅོལ་ཁང་དུ་རིམ་བཞིན་ཚོད་ལྟའི་བུ་བཅོལ་ཁང་ཨ་མ་དང་། གྲོང་ནུབ་ཡན་ལག་བུ་བཅོལ་ཁང་། གྲོང་ཤར་ཡན་ལག་བུ་བཅོལ་ཁང་བཅས“ལྟེ་བ་གཅིག་དང་ཡན་ལག་གསུམ”གྱི་གཅིག་སྡུད་རྣམ་པའི་བུ་བཅོལ་ཁང་གཉེར་སྟངས་ཤིག་རིམ་གྱིས་གྲུབ་ཡོད།

རྒྱལ་གཅེས་རིང་ལུགས་ནི་ཀྲུང་ཧྭ་མི་རིགས་ཀྱི་བསམ་པའི་སྲོག་ཤིང་དང་ཀྲུང་ཧྭ་མི་རིགས་མི་ཉམས་གོང་འཕེལ་དང་གཅིག་ལ་གཅིག་རྒྱུད་ཀྱི་བསམ་པའི་ཁྲག་རྒྱུན་རེད། རྒྱལ་གཅེས་རིང་ལུགས་ཀྱི་བློ་འབྱེད་སློབ་གསོ་སྤེལ་བ་ནི“ཀྲུང་གོའི་ཕུགས་འདུན”གྱི་དུས་རབས་རྒྱབ་ལྗོངས་ཀྱི་དགོས་མཁོ་དང་བུ་བཅོལ་ཁང་གི་ཕྲུ་གུའི་བྱང་ཚད་མཐོ་རུ་གཏོང་བའི་སློབ་གསོའི་ནང་དོན་གལ་ཆེན་ཞིག་ཀྱང་རེད།

ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གི་ཡོན་ཀྲང་པ་སངས་སྒྲོལ་མས་ཕྲུ་གུའི་རྒྱལ་གཅེས་བརྩེ་སེམས་ཟབ་ཏུ་གཏོང་ཆེད། ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་དོན་དངོས་དང་ཟུང་འབྲེལ་བྱས་ཏེ་རྒྱལ་གཅེས་ཀྱི་བརྗོད་དོན་གཙོ་བོའི་སློབ་གསོ་ཁྱབ་ཁོངས་ཆེན་པོ་ལྔ་ཡི་ནང་བཅུག་ནས་སྤྱི་ཚོགས་ཀྱི་ཐོན་ཁུངས་བེད་སྤྱོད་ལུགས་མཐུན་བྱས་ཏེ་ཕྲུ་གུའི་ཁྱིམ་བདག་གི་གཞོགས་འདེགས་འོག་རྒྱལ་གཅེས་རིང་ལུགས་ཀྱི་བློ་འབྱེད་སློབ་གསོའི་བུ་བཅོལ་ཁང་གི་ཀློག་དེབ་འཁྲིད་ཀྱི་ཡོད་ཅེས་ངོ་སྤྲོད་བྱས།

ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་དུ་སྐྱོད་སྐབས། གསར་འགོད་པས་བུ་བཅོལ་ཁང་དུ་རྒྱལ་གཅེས་རིང་ལུཌ་ཀྱི་སློབ་གསོའི་ཁོར་ཡུག་གཏོད་རིང་། བུ་བཅོལ་ཁང་དུ་རྒྱལ་གཅེས་རིང་ལུགས་ཀྱི་སློབ་གསོའི་བརྗོད་དོན་གཙོ་བོའི་ཁོར་ཡུག་གསར་གཏོད་ཀྱི་ཆ་ཤས་མང་པོ་བཀོད་སྒྲིག་བྱས་ཏེ་གྱང་ལྡེབས་སུ་གནམ་བདེ་སྒོ་མོ་ཆེ་དང་ཕོ་བྲང་པོ་ཏ་ལ་སོགས་ཀྲུང་གོའི་མཚོན་བྱེད་རང་བཞིན་གྱི་སྐྲུན་དངོས་ཀྱི་པར་རིས་སྦྱར་ཡོད། པར་རིས་དེ་དག་བརྒྱུད་ཕྲུ་གུ་ཚོས་མེས་རྒྱལ་གྱི་ས་རྒྱ་ཆེ་ཞིང་ཐོན་ཁུངས་ཕུན་སུམ་ཚོཌ་པོ་ཡོད་པ་དང་ཕ་ཡུལ་གྱི་མཛེས་ལྗོངས་ཚོར་བར་བྱས་ཡོད། འཛིན་གྲྭའི་ཁོར་ཡུག་གཏོད་རིང་ཕྲུ་གུ་ཚོས་ལག་པ་སྒུལ་ཏེ་རྒྱལ་དར་དང་པ་ཏྲའི་རི་མོ་འབྲི་བ་དང་འགེལ་ཆས་བཟོས་ཏེ་མ་ཡུམ་མེས་རྒྱལ་ལ་དགའ་ཞེན་ཚད་མེད་བཅངས་པ་མཚོན་པར་བྱས་ཡོད།

པ་སངས་སྒྲོལ་མས་གསར་འགོད་པར་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་ཕྲུ་གུར་སློབ་གསོ་གཏོང་བའི་ཐད་ཀྱི་སློབ་ཚན་དང་སློབ་ཁྲིད་ཀྱི་ནུས་པ་གང་ལེགས་བཏོན་ཏེ་སློབ་ཁྲིད་བྱེད་རིང་རྒྱལ་གཅེས་རིང་ལུགས་ཀྱི་སློབ་གསོ་དེའི་ཁྲོད་མཉམ་འདྲེས་བྱས་ཏེ“འཁྲིད་པ”དང“ཀློག་པ”“ཤོད་པ”“སྒུལ་བ”བཅས་ཟུང་འབྲེལ་གྱི་ཐབས་ལ་བརྟེན་ནས་ཕྲུ་གུར་རྒྱལ་གཅེས་རིང་ལུགས་ཀྱི་སློབ་གསོ་བཏང་ཡོད། བུ་བཅོལ་ཁང་དུ་སློབ་ཚན་འཁྲིད་རིང་ཕྲུ་གུར་རི་མོའི་དཔེ་དེབ་ཀློག་ཏུ་འཇུག་པ་དེའང་སློབ་གསོ་གཏོང་སྟངས་གལ་ཆེན་ཞིག་ཡིན་པས། བུ་བཅོལ་ཁང་གིས་ཆེད་མངགས་འཛིན་གྲྭ་ཁག་ལ་རྒྱལ་གཅེས་རིང་ལུགས་ཀྱི་རི་མོའི་དེབ་ཉོས་ཏེ་ཕྲུ་གུར་རྒན་ལགས་ཀྱིས་འཁྲིད་པའམ་ཡང་ན་རང་ཉིད་ཀྱིས་བརྙན་ལམ་དང་པར་རིས་བལྟས་ཚར་རྗེས་རང་གི་མྱོང་བ་ཤོད་དུ་འཇུག་གི་ཡོད། སློབ་ཁྲིད་སྐབས་དགེ་རྒན་གྱིས་ཕྲུ་གུར་གཞས་གཏོང་བ་དང་། ཞབས་བྲོ་འཁྲབ་པ། རི་མོ་འབྲི་བ་སོགས་སྣེ་ཁྲིད་བྱས་ནས་རྒྱལ་གཅེས་རིང་ལུགས་ཀྱི་སློབ་གསོའི་བྱེད་སྒོ་སྤེལ་གྱི་ཡོད་ཅེས་བརྗོད།

ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་བོད་ཀྱི་དམིགས་བསལ་གྱི་རང་བྱུང་དང་རིག་གནས་ཐོན་ཁུངས་འཚོལ་ཞིབ་གང་ལེགས་བྱས་པའི་རྨང་གཞིའི་ཐོག་རང་ངོས་ཀྱི་བུ་བཅོལ་ཁང་གཉེར་བའི་ཁྱད་ཆོས་ལ་གཞིགས་ནས་བོད་ཀྱི་ཁྱད་ཆོས་ལྡན་པ་དང་བུ་བཅོལ་ཁང་གི་དོན་དངོས་དང་འཚམ་པའི་སློབ་ཚན་བཀོད་སྒྲིག་བྱས་ཡོད། བུ་བཅོལ་ཁང་གི་ཀློག་དེབ“སྲོལ་རྒྱུན་རིག་གནས”དང“རྒྱལ་གཅེས་ཀྱི་སྲུང་དམག་ཆུང་ཆུང”“ང་རང་ཕ་ཡུལ་ལ་དགའ”“མི་རིགས་མཐུན་སྒྲིལ་ཆེན་པོ”བཅས་ཆ་ཤས་བཞི་ལ་དབྱེ་ཡོད། ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་རྒྱལ་གཅེས་རིང་ལུགས་ཀྱི་སློབ་གསོ་བུ་བཅོལ་ཁང་གི་བྱེད་སྒོ་ཁག་ལ་མཉམ་འདྲེས་བྱས་པ་དང་སློབ་དུས་སོ་སོར“ང་རང་མེས་རྒྱལ་སྐྱེད་མར་དགའ”“རྒྱལ་སྲུང་བློ་འབྱེད་སློབ་གསོ”“རྒྱལ་སྟོན་བསུས་ནས་རྒྱལ་དར་སྒྲེང”“མི་རིགས་རིག་གནས་སློབ་གསོ”སོགས་བྱེད་སྒོ་སྣ་ཚོགས་སྤེལ་གྱི་ཡོད། འཚོལ་ཞིབ་དང་ལག་ལེན་ཟམ་མི་ཆད་པ་བྱས་པ་བརྒྱུད། ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་ཕྲུ་གུའི་རྒྱལ་གཅེས་རིང་ལུགས་ཀྱི་བློ་འབྱེད་སློབ་གསོའི་ཉམས་མྱོང་ཕུན་སུམ་ཚོགས་པོ་བསགས་པ་མ་ཟད། གཟི་བརྗིད་མཚན་སྙན་ཡང་ཐེངས་མང་ཐོབ་ཡོད། 2005ལོར་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་ལ“རྒྱལ་གཅེས་རིང་ལུགས་ཀྱི་སློབ་གསོའི་རྒྱལ་ཡོངས་ཀྱི་དཔེ་སྟོན་བུ་བཅོལ་ཁང”གི་མཚན་སྙན་ཐོབ་པ་དང་། 2013ལོ་དང་2019ལོར“ལྷ་ས་གྲོང་ཁྱེར་མི་རིགས་མཐུན་སྒྲིལ་ཡར་ཐོན་དཔེ་བཟང་གི་མཉམ་སྡེབ”ཀྱི་གཟི་བརྗིད་མཚན་སྙན་ཐོབ་པ། 2015ལོ་དང་2020ལོར་ལྷ་ས་གྲོང་ཁྱེར་གྱི“བྱིས་པའི་སེམས་པ་ཏང་ལ་ཕྱོགས”ཞེས་པའི་གླུ་གཞས་འགྲན་བསྡུར་ལ“ཕུལ་བྱུང་སྒྲིག་འཛུགས་བྱ་དགའ”རག་ཡོད། 《བོད་ཀྱི་ཕྲུ་གུའི་རྒྱལ་གཅེས་བློ་འབྱེད་སློབ་གསོའི་ལག་ལེན་འཚོལ་ཞིབ》ཀྱི་གྲུབ་འབྲས་ཀྲུང་གོའི་སློབ་གསོ་གསར་གཏོད་གྲུབ་འབྲས་ཀྱི་དངོས་མང་སྟོན་ཚོགས་སྐབས་ལྔ་པར་བསྟན་རྗེས་དོ་ཁུར་རྒྱ་ཁྱབ་ཐོབ་ཡོད།

འདི་ནི་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གྲོང་ཤར་ཡན་ལག་བུ་བཅོལ་ཁང་གི་གྲོགས་པོ་ཆུང་ཆུང་ཚོས་རྒྱལ་གཅེས་རིང་ལུགས་ཀྱི་སློབ་གསོའི་བྱེད་སྒོར་ཞུགས་བཞིན་པ།

འདི་ནི་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གི་གྲོགས་པོ་ཆུང་ཆུང་ཚོས་གསར་བརྗེའི་རི་མོར་ལྟ་བཞིན་པ།

འདི་ནི་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གི་གྲོགས་པོ་ཆུང་ཆུང་ཚོས《ལེ་ཧྥུང་ལ་སློབ་སྦྱོང་བྱས་ནས་མིག་དཔེ་བཟང་པོ་བྱེད》ཅེས་པའི་ལེ་ཚན་འཁྲབ་བཞིན་པ།

འདི་ནི་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་ཏང་དབུ་བརྙེས་ནས་ལོ་ངོ་100འཁོར་བར་རྟེན་འབྲེལ་ཞུ་བའི་བྱེད་སྒོ་སྤེལ་བ།

འདི་ནི་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གིས་རྐང་རྩེད་སྤོ་ལོའི་མཛའ་གྲོགས་འགྲན་བསྡུར་གཉེར་བ།