འཕྱོངས་རྒྱས་རྫོང་གི་ལོ་ཆུང་གདོང་ལེན་རུ་མིས་ལོ་ཆུང་གདོང་ལེན་རུ་མིའི་གླུ་གཞས་མཉམ་དུ་ལེན་བཞིན་པ།
འཕྱོངས་རྒྱས་རྫོང་རྒྱལ་སྨན་ཤང་སྐད་གཉིས་བུ་བཅོལ་ཁང་གི་ཕྲུ་གུ་ཚོས་ཞབས་བྲོ་འཁྲབ་བཞིན་པ།
ལྷ་ས་གྲོང་ཁྱེར་ཚོད་ལྟའི་སློབ་ཆུང་གིས་མིག་མངས་བྱེད་སྒོ་སྤེལ་ནས“དྲུག་གཅིག”ལ་རྟེན་འབྲེལ་ཞུས་པ།
བོད་དམག་ཁུལ་ཁང་ལས་ཁུངས་བུ་བཅོལ་ཁང་གིས་གླིང་གཏོང་བྱེད་སྒོ་སྤེལ་ནས“དྲུག་གཅིག”ལ་རྟེན་འབྲེལ་ཞུས་པ།
ལྷ་ས་གྲོང་ཁྱེར་མུ་ཏིག་ས་གཞི་ཆེ་མོའི་བུ་བཅོལ་ཁང་གི་ཕྲུ་གུ་ཚོས“བྱིས་སེམས་ཏང་ལ་ཕྱོགས། བདེ་ཐང་འཚར་ལོངས་བྱེད”ཅེས་པའི་བརྗོད་དོན་གཙོ་བོའི་རིག་རྩལ་འཁྲབ་སྟོན་བྱེད་བཞིན་པ།
ལྷ་ས་གྲོང་ཁྱེར་ཚོད་ལྟའི་སློབ་ཆུང་གི་ཕྲུ་གུ་ཚོས་ཇའི་རིག་གནས་མྱོང་རོལ་བྱེད་བཞིན་པ།
བོད་ལྗོངས་ཉི་འོད་བྱིས་པའི་ལྟ་སྐྱོང་ཁང་གི་ལས་དོན་པས་ལྷ་ས་གྲོང་ཁྱེར་གཙང་རལ་སློབ་ཆུང་གི་སློབ་མར་དུས་ཆེན་གྱི་ལག་རྟགས་སྤྲོད་བཞིན་པ།
ལྷ་ས་གྲོང་ཁྱེར་སྣེའུ་ཁུལ་གསར་བུ་བཅོལ་ཁང་གིས“བྱིས་སེམས་ཏང་ལ་ཕྱོགས་ནས་ལོ་བརྒྱ་འཁོར་བར་རྟེན་འབྲེལ་ཞུ། གཅེས་སེམས་ཕུགས་འདུན་གཏོད་ནས་འཚར་ལོངས་ཡོང་བར་བྱེད”ཅེས་པའི་བརྗོད་དོན་གཙོ་བོའི་རྟེན་འབྲེལ་བྱེད་སྒོ་སྤེལ་བ།
ཟླ་དྲུག་པ་ནི་གླུ་གར་གྱི་རྒྱ་མཚོ་དང་མེ་ཏོག་གི་ཞིང་ཁམས་རེད་ལ་ཕྲུ་གུ་ཚོའི་ནམ་དུས་ཤིག་ཀྱང་རེད། ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་བ་དང་། ཏང་གི་གཏམ་རྒྱུད་ཡག་པོ་བརྗོད་པ། ཏང་ལ་དགའ་ཞེན། རྒྱལ་ཁབ་ལ་དགའ་ཞེན། སྤྱི་ཚོགས་རིང་ལུགས་ལ་དགའ་ཞེན་བཅས་ཀྱི་བརྩེ་སེམས་ཟབ་མོ་མཚོན་པ་དང་རྒྱ་ཆེའི་ལོ་ཆུང་བྱིས་པ་ཚོས་མི་འཚེའི་བགྲོད་ལམ་ཐོག་ཡག་པོ་བསྐྱོད་ཐུབ་པའི་ཁྲིད་སྟོན་བྱ་ཆེད། རང་ལྗོངས་ཀྱི་སློབ་གྲྭ་འབྲིང་ཆུང་དང་བུ་བཅོལ་ཁང་ཁག་གིས“དྲུག་གཅིག”རྒྱལ་སྤྱིའི་བྱིས་པའི་དུས་ཆེན་གོ་སྐབས་སུ་བྱས་ནས། རྣམ་པ་སྣ་ཚོགས་དང་ནང་དོན་ཕུན་སུམ་ཚོགས་པའི་སློབ་གསོའི་བྱེད་སྒོ་རྒྱ་ཁྱབ་སྤེལ་ཏེ་ཕྲུ་གུ་ཚང་མར་དགའ་སྤྲོ་དང་དྲོ་སྐྱིད་སྦྱིན་ནས་སྤྱི་ཚོགས་ཡོངས་ཀྱིས་བྱིས་པར་བརྩི་འཇོག་དང་། བྱིས་པར་དོ་ཁུར། བྱིས་པར་གཅེས་སྐྱོང་བཅས་ཀྱི་རྣམ་པ་བཟང་པོ་ཞིག་བཏོད་ཅིང་། གྲོགས་པོ་ཆུང་ཆུང་ཚོ་བདེ་སྐྱིད་དང་བརྗེད་པར་དཀའ་བའི་དུས་ཆེན་ཞིག་གཏོང་ཐུབ་པ་བྱས་ནས་རྒྱ་ཆེའི་ལོ་ཆུང་བྱིས་པ་ཚོའི་ཏང་གི་བཀའ་དྲིན་དྲན་པ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་སེམས་ཤུགས་དང་ཆོད་སེམས་སྲ་བརྟན་དུ་བཏང་བ་དང་གསར་བརྗེའི་ས་བོན་དང་གསར་བརྗེའི་སྲོལ་བཟང་མི་རབས་ནས་མི་རབས་བར་རྒྱུན་འཛིན་ཐུབ་པར་བྱས་ཡོད།