འགྲེང་འཁོར་གཏོང་མཁན་གྱི་བྱིས་པ།

སྟག་རྩེ་ཆུས་ལྟེ་བའི་སློབ་ཆུང་གི་དགེ་སློབ་ཚོས་སྤྲོ་སྣང་ལུས་རྩལ་བྱེད་སྒོ་སྣ་ཚོཌ་སྤེལ་བཞིན་པ།

 ཉེ་ཆར། རང་སྐྱོང་ལྗོངས་ལུས་རྩལ་ཅུས་དང་རང་སྐྱོང་ལྗོངས་སློབ་གསོ་ཐིང་གིས་གཙོ་གཉེར་བྱས་པའི་རང་སྐྱོང་ལྗོངས་ཀྱི་ལུས་རྩལ་ཀུན་གཏོད་བར་མཐོངས་རི་ཁུལ་བྱེས་བགྲོད་ལུས་རྩལ་ཁུལ་གྱིས་གཉེར་འགན་འཁུར་བའི་2020ལོའི“བོད་རང་སྐྱོང་ལྗོངས་ཀྱི་ལུས་རྩལ་རྣམ་གྲངས་སློབ་གྲྭར་ཁྱབ་གདལ་གཏོང་བའི”བྱེད་སྒོ་སྟེ། ལྷ་ས་གྲོང་ཁྱེར་སྟག་རྩེ་ཆུས་ལྟེ་བའི་སློབ་ཆུང་ས་ཚིགས་དང་སྟག་རྩེ་ཆུས་ལྟེ་བའི་སློབ་ཆུང་གི་ལུས་རྩལ་འགྲན་ཚོགས་སྐབས་ལྔ་པ་སྟག་རྩེ་ཆུས་ལྟེ་བའི་སློབ་ཆུང་དུ་གཉེར་བ་རེད།

བྱེད་སྒོ་སྤེལ་རིང་། རང་སྐྱོང་ལྗོངས་ལུས་རྩལ་ཅུས་ཀྱིས་སྟག་རྩེ་ཆུས་ལྟེ་བའི་སློབ་ཆུང་ལ་རིན་ཐང་སྒོར་ཁྲི་1ཙམ་རི་བའི་ལུས་རྩལ་ཡོ་ཆས་ཞལ་འདེབས་བརྒྱབ་པར་རྐང་རྩེད་སྤོ་ལོ་དང་། བྱ་སྒྲོའི་སྤོ་ལོ། ཐག་མཆོང་། ཐེ་པེད་སོགས་ཚུད་ཡོད་ལ་དེས་དགེ་སློབ་ཚོ་ལུས་རྩལ་འགྲན་ཚོགས་ལ་ཞུགས་རྒྱུར་ཡོ་ཆས་ཀྱི་འགན་ལེན་བྱས་པ་དང་ཆབས་ཅིག བོད་རང་སྐྱོང་ལྗོངས་ཀྱི་ལུས་རྩལ་ཀུན་གཏོད་བར་མཐོངས་རི་ཁུལ་བྱེས་བགྲོད་ལུས་རྩལ་ཁུལ་གྱི་རྒྱལ་ཁབ་རིམ་པའི་ཕུལ་བྱུང་ལུས་རྩལ་པ་དང་། བྱེས་བགྲོད་ལུས་རྩལ་བ། བྱང་ཚད་མཐོར་གཏོང་རྩལ་ཁྲིད་པ་ཚེ་རིང་དོན་གྲུབ་དང་དངོས་གྲུབ་སོགས་རྩལ་ཁྲིད་པ་10ཡིས་སློབ་གྲྭ་དེའི་སློབ་མ་སྒྲིག་འཛུགས་བྱས་ཏེ་དུས་ཡུན་ཉིན་གཅིག་གི་བོད་ཀྱི་སྲོལ་རྒྱུན་ལུས་རྩལ་དང་བྱང་ཚད་མཐོར་གཏོང་གི་གསོ་སྦྱོང་བྱས་ཤིང་། དེར་ཞུགས་མཁན་མི་900ཙམ་ཡོད་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོ་སྤེལ་བའི་དམིགས་ཡུལ་ནི་དེ་བས་སྣ་མང་ཕུན་སུམ་ཚོགས་པ་དང་ཆེད་ལས་ཀྱི་གཞོན་ནུ་ལོ་ཆུང་གི་ལུས་རྩལ་བྱེད་སྒོའི་རྩལ་ནུས་སློབ་གྲྭར་ཁྱབ་གདལ་བཏང་སྟེ་གཞོན་ནུ་ལོ་ཆུང་ཚོས་ལུས་རྩལ་གྱི་རྩལ་ནུས་གཅིག་ཁོང་དུ་ཆུད་པར་བྱས་ནས་རང་ལྗོངས་ཀྱི་སློབ་གྲྭ་ཁག་ཏུ“ལུས་རྩལ་དང་སློབ་གསོ་མཉམ་འདྲེས”དེ་བས་ལེགས་པ་ཐུབ་ཆེད་རེད།