“ང་ནི་སྡེར་གཙང་བྱ་སྤྱོད་ནང་ཞུགས་མཁན་ཞིག་ཡིན་པས་ངས་ཁ་ལག་རྩ་བ་ནས་འཕྲོ་བརླག་གཏོང་གི་མིན”“ལྕེ་ཐོག་གི་ཆུད་ཟོས་བཀག་འགོག་བྱ་རྒྱུ་དེ་རང་ཉིད་ནས་འགོ་འཛུགས་དགོས” ཉེ་ཆར། བོད་ལྗོངས་ཞིང་འབྲོག་སློབ་གླིང་གིས“གྲོན་ཆུང་ལག་བསྟར་ནན་པོ་དང་འཕྲོ་བརླག་ལ་ངོ་རྒོལ་བྱེད”ཅེས་པ་བརྗོད་དོན་གཙོ་བོར་བྱས་པའི་གསལ་བརྡ་གསར་པ་ཞིག་བཏོན་པ་རེད། ནང་དོན་མདོར་བསྡུས་པའི་གསལ་བརྡ་དེ་བཏོན་མ་ཐག་དགེ་རྒན་དང་སློབ་མ་ཚོའི་དགའ་བསུ་ཐོབ་ཡོད།
འདི་ལོ་ཚུན་བོད་ལྗོངས་ཞིང་འབྲོག་སློབ་གླིང་གིས་འགྲེམས་པང་དང་། བརྡ་ཆའི་བྱང་བུ། གློག་རྡུལ་བརྙན་ལམ་སོགས་སྨྱན་སྦྱོར་ལ་བརྟེན་ནས་རྣམ་པ་སྣ་ཚོགས་ཀྱི་དྲིལ་བསྒྲགས་བྱས་ཏེ་དགེ་སློབ་ཚོས་གྲོན་ཆུང་བྱེད་པའི་གོམས་གཤིས་བཟང་པོ་འཇགས་རྒྱུར་སློབ་གསོ་ཁྲིད་སྟོན་བྱས་ཡོད། དུས་ངེས་མེད་ཐོག་སློབ་མའི་བཞུགས་མོལ་ཚོགས་འདུ་འཚོགས་པ་དང་སྐད་འཕྲིན་གྲོགས་ཚོགས་བརྒྱུད་སློབ་གྲྭའི་ནང་གི་སློབ་མ་ཚོར་བཟའ་བཅའི་བདེ་འཇགས་དང་གྲོན་ཆུང་དར་སྤེལ་གཏོང་རྒྱུའི་སྐོར་གྱི་རྩོམ་ཡིག་བསྐུར་ཏེ“སྡེར་གཙང་བྱ་སྤྱོད”ཀྱི་དྲིལ་བསྒྲགས་དང་སློབ་གསོའི་ལས་དོན་ཡག་པོ་བསྒྲུབས་ཡོད། དུས་བཀག་ཐོག་སློབ་མ་སྒྲིག་འཛུགས་བྱས་ནས་ཐབ་ཚང་དུ་བསྐྱོད་དེ་མ་བཅོས་རྒྱུ་ཆ་ཉོ་སྒྲུབ་དང་། བཟའ་བཅའ་ལས་སྣོན་དང་བཟོ་སྟངས། ལྟོ་སྣོད་དུག་སེལ་སོགས་ཀྱི་བརྒྱུད་རིམ་ཤེས་རྟོགས་བྱས་ཏེ་སློབ་མས་ཟ་ཁང་གི་ལས་བཟོའི་ལས་ཀའི་གནས་ཚུལ་ལ་ལྟ་སྐུལ་དང་ཞིབ་བཤེར་བྱེད་དུ་བཅུག་པ་རེད།