ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པར་སྔར་བས་གཞོགས་འདེགས་བྱས་ནས། “འབྲས་སྐྲན་གཉིས”ཕོག་པའི་དཀའ་ངལ་ཡོད་པའི་བུད་མེད་ལ་ཏང་དང་སྲིད་གཞུང་དང་། དེ་བཞིན་བུད་མེད་མཉམ་འབྲེལ་ལྷན་ཚོགས་རྩ་འཛུགས་ཀྱི་དྲོ་སྐྱིད་ཚོར་བ་བྱ་ཆེད། ཉེ་ཆར་ལྷ་ས་གྲོང་ཁྱེར་བུད་མེད་མཉམ་འབྲེལ་ལྷན་ཚོགས་ཀྱི་ལས་དོན་མི་སྣས་རྫོང(ཆུས)ཁག་ཏུ་འཚམས་འདྲིའི་བྱེད་སྒོ་སྤེལ་ནས། “འབྲས་སྐྲན་གཉིས”ཕོག་པའི་ནད་པར་ལྟ་བར་ཕྱིན་པ་མ་ཟད། “འབྲས་སྐྲན་གཉིས”ནད་ཀྱི་རོཌ་སྐྱོབ་མ་དངུལ་ཡང་སྤྲད་པ་རེད།
ལྷ་ས་གྲོང་ཁྱེར་བུད་མེད་མཉམ་འབྲེལ་ལྷན་ཚོགས་ཀྱིས་རབ་གསལ་སྡེ་ཁུལ་དང་། དན་བག་སྡེ་ཁུལ། སྟོད་ལུང་བདེ་ཆེན་ཆུས་གནས་ཆུང་ཁྲོམ་གཞུང་རྒྱ་མོ་གྲོང་ཚོ་དང་། གདོང་དཀར་ཁྲོམ་གཞུང་གདོང་དཀར་སྡེ་ཁུལ་སོཌ་སུ“འབྲས་སྐྲན་གཉིས”ཕོག་པའི་ནད་པར་འཚམས་འདྲི་བྱས་པ་དང་རོགས་སྐྱོབ་དངུལ་སྤྲད་པ་རེད། དུད་ཁྱིམ་རེར་ཕྱིན་ནས་ལྷ་ས་གྲོང་ཁྱེར་བུད་མེད་མཉམ་འབྲེལ་ལྷན་ཚོགས་ཀྱི་ལས་དོན་མི་སྣས་ནད་པ་དང་གླེང་མོལ་ཞིབ་ཕྲ་བྱས་ཏེ་ནད་གཞི་དང་མིག་སྔའི་དྲག་སྐྱེད་ཀྱི་སྐོར་ཞིབ་ཕྲ་དྲིས་པ་མ་ཟད། ཀྲུང་དབྱང་གི་དམིགས་བསལ་གྱི་གཟིགས་སྐྱོང་སྲིད་ཇུས་དང་རང་ལྗོངས་ཀྱི་སྨན་བཅོས་ཆ་རྐྱེན་བཟང་པོའི་འོག་ནད་གདོན་ལས་རྒྱལ་བའི་ཡིད་ཆེས་ཡོད་དགོས་པ་དང་། དུས་དང་རྣམ་པ་ཀུན་ཏུ་སྨན་པའི་ངག་ལ་ཉན་ཏེ་སྔ་ཙམ་དྲག་སྐྱེད་ཡོང་བར་འབད་དགོས་པའི་གོ་སྐོན་ཁ་ཏའང་བྱས་པ་རེད།
ཤེས་རྟོགས་བྱུང་བ་ལྟར་ན། ད་རེས“འབྲས་སྐྲན་གཉིས”ཕོག་པའི་ནད་པར་འཚམས་འདྲི་བྱེད་རིང་། ལྷ་ས་གྲོང་ཁྱེར་བུད་མེད་མཉམ་འབྲེལ་ལྷན་ཚོགས་ཀྱིས་ལྷ་ས་གྲོང་ཁྱེར་གྱི་རྫོང(ཆུས)ཁག་གི“འབྲས་སྐྲན་གཉིས”ཕོག་པའི་ནད་པ་23ལ་འཚམས་འདྲི་བྱས་པ་མ་ཟད། མི་རེར་རོགས་སྐྱོབ་མ་དངུལ་སྒོར་ཁྲི་1སྤྲད་པ་རེད།