མང་ཚོགས་དབུལ་སྒྲོལ་ཕྱུག་འགྱུར་གྱི་ནང་སྐྱེས་སྒུལ་ཤུགས་སྔར་བས་ཆེ་རུ་གཏོང་ཆེད། ཉེ་དུས་ཉིང་ཁྲི་གྲོང་ཁྱེར་ཞིང་འབྲོག་ཅུས་ཀྱིས་འབྲས་ཤིང་འདེབས་འཛུགས་ཀྱི་ལག་རྩལ་རིགས་གཅིག་མཁས་ཅན་སྒྲིག་འཛུགས་བྱས་ནས་སྣང་རྫོང་གྲོང་མདའ་གྲོང་རྡལ་གྲོང་མདའ་གྲོང་ཚོར་འབྲས་ཤིང་འདེབས་འཛུགས་ཀྱི་ལག་རྩལ་སྦྱངས་པ་རེད། འབྲས་ཤིང་འདེབས་འཛུགས་རྟེན་གཞིར་རིགས་གཅིག་མཁས་ཅན་གྱིས་འབྲས་ཤིང་རྩ་སྤོས་དང་། སྣ་ཁ་འདེམས་པ། འབྲས་ཤིང་ལྡུམ་རར་གཡོག་བྱེད། ནད་དང་གནོད་འབུའི་གནོད་འཚེ་འགོག་བཅོས་སོགས་ཐད་ནས་འགྲེལ་བཤད་ཞིབ་ཕྲ་བརྒྱབ་པ་མ་ཟད། འབྲས་ཤིང་ལྡུམ་རའི་ས་རྒྱུ་དང་། བརླན་ཚད། ལུད་བཅས་དང་དེ་བཞིན་འབྲས་ཤིང་གཡོག་བྱེད་བྱེད་སྐབས་ཀྱི་དོ་སྣང་བྱེད་དགོས་རིགས་སོགས་ཐད་ནས་དབྱེ་ཞིབ་ཞིབ་ཕྲ་བྱས་པ་དང་། ཤིང་འབྲས་འདེབས་འཛུགས་དང་གཡོག་བྱེད་བྱེད་སྐབས་འཕྲད་པའི་ཞིང་དུད་ཚོའི་དཀའ་གནད་བསལ་བ་རེད། འདི་ནི་རིགས་གཅིག་མཁས་ཅན་གྱིས་མང་ཚོགས་ཚོར་འབྲས་ཤིང་འདེབས་འཛུགས་ཀྱི་འབྲེལ་ཡོད་ཤེས་བྱ་སློབ་བཞིན་པ།