འདི་ནི་གཞིས་རྩེ་གྲོང་ཁྱེར་གྱི་སློབ་གྲྭའི་རྐང་རྩེད་སྤོ་ལོའི་རིམ་གསུམ་རིམ་མཚུངས་འགྲན་བསྡུར་དང་སྐབས་དང་པོའི་དམའ་འབྲིང་གི་རྐང་རྩེད་སྤོ་ལོའི་འགྲན་བསྡུར་སྤེལ་ཡུལ་ཡིན་པ།

སྒྱུར་བཅོས་སྒོ་དབྱེ་བྱས་ནས་ལོ་40སོང་རིང་ནི་གཞིས་རྩེ་གྲོང་ཁྱེར་གྱི་སློབ་གསོའི་བྱ་གཞག་འཕེལ་རྒྱས་མྱུར་པོ་ཕྱིན་པའི་ལོ་40ཡིན་ཞིང་།　ལོ་40རིང་དང་ལྷག་པར་དུ་ཏང་གི་ཚོགས་ཆེན་བཅུ་བརྒྱད་པ་འཚོགས་ཚུན།　གཞིས་རྩེ་གྲོང་ཁྱེར་གྱིས་སློབ་གསོ་དེ་ཉིད་སྔོན་ལ་འཕེལ་རྒྱས་གཏོང་བའི་འཐབ་ཇུས་ཀྱི་གནས་བབ་ཏུ་འཇོག་རྒྱུ་མཐའ་འཁྱོངས་ཀྱིས་སློབ་གསོའི་ཁྱབ་ཁོངས་ཀྱི་ཕྱོགས་བསྡུས་སྒྱུར་བཅོས་ཕྱོགས་ཡོངས་ནས་གཏིང་ཟབ་ཏུ་བཏང་བ་དང་སློབ་གསོ་སྒྱུར་བཅོས་འཕེལ་རྒྱས་ཀྱི་གོམ་སྟབས་སྲ་ཞིང་བརྟན་པོ་ཡོང་བར་སྐུལ་འདེད་བཏང་ཡོད།　གྲོང་ཁྱེར་ཡོངས་ཀྱི་སློབ་གསོ་རིམ་བཞིན་སླར་གསོ་དང་།　ཟམ་མི་ཆད་པར་འཐུས་ཚང་།　ཕྱོགས་ཡོངས་ནས་སྐུལ་འདེད་བཅས་འཕེལ་རྒྱས་ཀྱི་བརྒྱུད་རིམ་དང་།　དཀའ་སྤྱད་འབད་འཐབ་དང་།　དུས་བསྟུན་འཕེལ་རྒྱས།　ཟམ་མི་ཆད་པར་འཕེལ་རྒྱས་བཅས་ཀྱི་སྒྱུར་བཅོས་ཀྱི་དུས་སྐབས།　གོ་སྐབས་དམ་འཛིན་དང་།　དཀའ་ངལ་ཁྱད་བསད།　རང་ངོས་འགྲན་སློང་བཅས་ཀྱི་འགག་སྒྲོལ་གྱི་དུས་མཚམས་བཅས་བརྒྱུད་དེ་ཕྲུ་གུ་ཚང་མར“སློབ་གྲྭ་འགྲིམ་རྒྱུ་ཡོད་པའི”གནད་དོན་ཐག་གཅོད་བྱས་ནས“སློབ་གྲྭ་ཡག་པོ་འགྲིམ”ཐུབ་པའི་དུས་མཚམས་གསར་པ་ཞིག་ཏུ་སླེབས་ཡོད།

སློབ་གྲྭ་ཚང་མ་ཡག་པོ་གཉེར་ཏེ་རིམ་པ་ཁག་དང་རིགས་ཁག་གི་སློབ་གསོར་འཕེལ་རྒྱས་ཆེན་པོ་ཡོང་བར་བྱེད་པ།

སློབ་མ་ཚང་མར་ཕྱོགས་ཏེ་སློབ་གྲྭ་ཚང་མ་ཡག་པོ་གཉེར་ནས་ཕྲུ་གུ་ཚང་མར་འདྲ་མཉམ་དང་སྤུས་ལེགས་ཀྱི་སློབ་གསོ་མྱོང་ཐུབ་པ་བྱ་རྒྱུ་ནི་གཞིས་རྩེ་གྲོང་ཁྱེར་གྱི་རྒྱ་ཆེའི་མི་དམངས་མང་ཚོགས་ཀྱི་སེམས་གཏིང་གི་འདུན་པ་རེད།

སློབ་ཞུགས་གོང་གི་སློབ་གསོ་ཁྱབ་གདལ་མྱུར་པོ་བཏང་བ།　2018ལོར།　བུ་བཅོལ་ཁང་དུ་ཡོད་མུས་ཀྱི་བྱིས་པ་22870ཟིན་པ་དང་།　2020ལོར་སླེབས་སྐབས།　གྲོང་ཁྱེར་ཡོངས་ཀྱི་སློབ་ཞུགས་གོང་གི་སློབ་གསོའི་བུ་བཅོལ་ཁང་དུ་བྱིས་པ་ཞུགས་ཚད་90％ཡན་ཟིན་པ་བྱ་རྒྱུའི་དམིགས་ཚད་མངོན་འགྱུར་ཐུབ་པ་བྱ་རྒྱུ་རེད།

འོས་འགན་སློབ་གསོར་སྐུལ་འདེད་ཏན་ཏིག་བཏང་བ།　སྤྱི་པའི་སློབ་གསོའི་ཐོན་ཁུངས་བཀོད་སྒྲིག་ལུགས་མཐུན་བྱ་རྒྱུ་རྨང་གཞིར་བྱེད་པ་དང་སློབ་ལོ་ལོན་པའི་བྱིས་པ་དང་གཞོན་ནུ་ལོ་ཆུང་གི་སློབ་ཞུགས་གོ་སྐབས་འདྲ་མཉམ་ཡོང་རྒྱུ་སྔོན་འགྲོར་བྱས་ནས་འོས་འགན་སློབ་གསོ་དོ་སྙོམས་འཕེལ་རྒྱས་ལ་ཕྱོགས་ཡོངས་ནས་སྐུལ་འདེད་བཏང་བ་རེད།　མིག་སྔར།　གྲོང་ཁྱེར་ཡོངས་ཀྱི་སློབ་ཆུང་ལ་འགྲོ་མུས་ཀྱི་སློབ་མ་72104དང་དམའ་འབྲིང་ལ་འགྲོ་མུས་ཀྱི་སློབ་མ་30401ཡོད་པ་རེད།

མཐོ་འབྲིང་སློབ་གསོ་འཕེལ་རྒྱས་མྱུར་པོ་བཏང་བ།　མིག་སྔར་གྲོང་ཁྱེར་ཡོངས་སུ་མཐོ་འབྲིང་དཀྱུས་མ་7དང་།　རྒྱུན་གཏན་ལམ་ལུགས་ཀྱི་སློབ་གྲྭ་1　མཐོ་འབྲིང་དཀྱུས་མར་འགྲོ་མུས་ཀྱི་སློབ་མ་12575བཅས་ཡོད་པ་རེད།

དམིགས་བསལ་སློབ་གསོར་མཐོང་ཆེན་དང་ཤུགས་སྣོན་བརྒྱབ་པ།　གཞིས་རྩེ་གྲོང་ཁྱེར་གྱི་དམིགས་བསལ་སློབ་གསོའི་སློབ་གྲྭ་གཞི་རྟེན་དུ་བྱས་ཏེ་དམིགས་བསལ་སློབ་གསོ་ལེགས་གཏོང་གི་འཆར་གཞི་ལག་ལེན་ཤུགས་ཆེན་བསྟར་ནས་ལོང་བ་དང་།　འོན་ལྐུགས།　ཤེས་སྒྲིབ་བཅས་ཀྱི་བྱིས་པ་སློབ་གྲྭར་ཞུཌ་ཚད་རྒྱུན་མཐུད་ངང་མཐོ་རུ་བཏང་ཡོད།　མིག་སྔར།　སློབ་གྲྭ་དེར་དགེ་རྒན་དང་ལས་བཟོ་57དང་།　སློབ་གྲྭར་འགྲོ་མུས་ཀྱི་སློབ་མ་225ཡོད་པ་དེ་དག་འཛིན་གྲྭ་16ལ་དབྱེ་ཡོད་པ་རེད།

དམངས་གཉེར་སློབ་གསོ་ཚད་ལྡན་ངང་འཕེལ་རྒྱས་བཏང་བ།　དམངས་གཉེར་སློབ་གྲྭའི་གཞོགས་འདེགས་དོ་དམ་ལ་ཕྱོགས་ཡོངས་ནས་ཤུགས་སྣོན་དང་སློབ་གཉེར་བྱ་སྤྱོད་ཚད་ལྡན་དུ་བཏང་སྟེ་དམངས་གཉེར་སློབ་གྲྭ་སྐྱོན་བྲལ་ངང་འཕེལ་རྒྱས་ཡོང་རྒྱུར་སྐུལ་འདེད་བཏང་ཡོད།　མིག་སྔར།　གྲོང་ཁྱེར་ཡོངས་སུ་བུ་བཅོལ་ཁང་དང་།　སློབ་ཆུང་།　དམའ་འབྲིང་།　མཐོ་འབྲིང་བཅས་ཀྱི་དམངས་གཉེར་སློབ་གྲྭ་5ཡོད་པར་ཁྱོན་དགེ་རྒན་དང་ལས་བཟོ་52དང་སློབ་གྲྭར་འགྲོ་མུས་ཀྱི་སློབ་མ་752ཡོད་པ་རེད།

ཐོག་མཐའ་བར་གསུམ་དུ་དགེ་རྒན་དཔུང་ཁག་འཛུགས་སྐྱོང་རྨང་གཞིའི་རང་བཞིན་གྱི་འདུ་འགོད་གལ་ཆེ་ཤོས་སུ་བརྩིས་པ།

གཞིས་རྩེ་གྲོང་ཁྱེར་གྱིས་འཐབ་ཇུས་ཀྱི་མཐོ་ཚད་ཐོག་ནས་དགེ་རྒན་ལས་དོན་གྱི་ཤིན་ཏུ་གལ་འགངས་ཆེ་བའི་རང་བཞིན་ངོས་འཛིན་ཐུབ་པ་བྱས་ཏེ་དགེ་རྒན་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་རྒྱུ་དེ་རྨང་གཞིའི་ལས་དོན་ལ་བརྩིས་ནས་དམ་འཛིན་དང་།　སྒྱུར་བཅོས་གཙོ་རྐང་དུ་བྱེད་པ།　གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས།　དགེ་རྒན་ལ་ཐབས་ཤེས་དང་བསམ་བློ་གཏོང་རོགས་དང་།　དོན་དངོས་སྒྲུབ་པ།　བྱ་བཟང་སྒྲུབ་པ་བཅས་ཧུར་ཐག་བྱས་པས་བསམ་བློ་ཀུན་སྤྱོད་དང་ལས་སྒོའི་བྱང་ཚད་མཐོ་བའི་དགེ་རྒན་གི་དཔུང་ཁག་ཅིག་རིམ་བཞིན་སྟོབས་ཆེར་ཕྱིན་ཡོད།

1978ལོར།　ས་ཁུལ་ཡོངས་སུ་སློབ་ཆུང་གི་དགེ་རྒན་དང་ལས་བཟོ་2146དང་།　སློབ་འབྲིང་གི་དགེ་རྒན་དང་ལས་བཟོ་200ཡོད་པ་དང་།　1998ལོར།　སློབ་ཆུང་གི་ཆེད་བསྐོས་དགེ་རྒན་2218དང་སློབ་འབྲིང་གི་ཆེད་བསྐོས་དགེ་རྒན་627ཡོད་པ།　2008ལོར།　ས་ཁུལ་ཡོངས་སུ་སློབ་ཆུང་གི་ཆེད་བསྐོས་དགེ་རྒན་4490དང་སློབ་འབྲིང་གི་ཆེད་བསྐོས་དགེ་རྒན་2382ཡོད་པ།　2018ལོར།　གྲོང་ཁྱེར་ཡོངས་ཀྱི་རིམ་པ་ཁག་དང་རིགས་ཁག་གི་སློབ་གྲྭར་ལས་གནས་ཐོག་ཡོད་པའི་དགེ་རྒན་དང་ལས་བཟོ་9703ཡོད་པར་སློབ་རྒྱུས་ཚད་ལོན་ཚད་100%ཟིན་པའི་ནང་མཐོ་རིམ་གོ་མིང་གི་དགེ་རྒན་དང་རིམ་པ་དང་པོའི་དགེ་རྒན་4780ཡོད་པ་རེད།

སློབ་གསོའི་ཁོངས་གཏོགས་ཀྱི་མི་དོན་ལམ་ལུགས་སྒྱུར་བཅོས་ཟབ་གཏོང་དང་།　དགེ་རྒན་གྱི་གོ་མིང་སྒྱུར་བཅོས་ལ་སྐུལ་འདེད་གཏིང་ཟབ།　དགེ་རྒན་གྱི་འཚོ་བའི་ཁ་གསབ་སྲིད་ཇུས་ལག་བསྟར།　དགེ་རྒན་གསབ་སྣོན་དང་སྤེལ་རེས་ལམ་སྲོལ་འཐུས་ཚང་།　དགེ་རྒན་གྱི་ལས་སྒོ་གསོ་སྐྱོང་ལ་ཤུགས་སྣོན།　གྲོང་ཁྱེར་དང་གྲོང་གསེབ་ཀྱི་དགེ་རྒན་ལས་བཟོའི་སྒྲིག་ཁོངས་ཚད་གཞི་གཅིག་གྱུར་ལ་སོགས་པའི་སྲིད་ཇུས་བྱ་ཐབས་རབ་དང་རིམ་པས་དགེ་རྒན་ལ་ཕན་པ་བཏགས་ཡོད།

སྲིད་ཇུས་ཀྱི་འགན་ལེན་དང་མ་དངུལ་འཇོག་པར་བརྟེན་ནས་སྤུས་ཚད་མཐོར་གཏོང་གིས་ཕྲུ་གུ་ཚང་མ་ཕྱོགས་ཡོངས་ནས་འཕེལ་རྒྱས་ཡོང་བར་བྱས་པ།

སློབ་གསོར་རྒྱུན་མཐུད་མ་དངུལ་གཏོང་བ་ནི་ས་ཁུལ་ཞིག་གི་སློབ་གསོའི་བྱ་གཞག་སྔོན་ལ་འཕེལ་རྒྱས་བཏང་ཡོད་མེད་ལ་གདེང་འཇོག་བྱེད་པའི་དམིགས་ཚད་གལ་ཆེན་ཞིག་ཏུ་གྱུར་ཡོད།

ལོ་40ཡི་རིང་དང་ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན།　གཞིས་རྩེ་གྲོང་ཁྱེར་གྱིས་སློབ་གསོའི་རྨང་གཞིའི་འཛུགས་སྐྲུན་ལ་མ་འཇོག་བྱེད་ཚད་རྒྱུན་མཐུད་ངང་མཐོ་རུ་བཏང་ནས་སློབ་གསོའི་རྨང་གཞིའི་འཛུགས་སྐྲུན་རྣམ་གྲངས་1551ལག་ལེན་བསྟར་བར་ཁྱོན་མ་དངུལ་སྒོར་ཁྲི་450483.6བཏང་ཡོད།

གྲོང་གསེབ་ཀྱི་སློབ་གྲྭ་འབྲིང་ཆུང་གི་ཉེན་ཁང་སྒྱུར་བཀོད་ལས་གྲྭ་དང་།　གྲོང་གསེབ་ཀྱི་སློབ་གྲྭ་འབྲིང་ཆུང་གི་ཞག་སྡོད་ལམ་ལུགས་ཀྱི་སློབ་གྲྭ་འཛུགས་སྐྲུན་ལས་གྲྭ　སློབ་ཆུང་གི་ཚད་ལྡན་ཅན་གྱི་འཛུགས་སྐྲུན་ལས་གྲྭ　སློབ་གྲྭ་འབྲིང་ཆུང་གི་ཉལ་ཁང་བདེ་འཇཌ་ལས་གྲྭ　མཐོ་རིམ་སློབ་འབྲིང་དཀྱུས་མ་གསར་སྐྲུན་དང་རྒྱས་སྐྲུན་ལས་གྲྭ　འབྲིང་རིམ་ལས་རིགས་སློབ་གྲྭའི་རྨང་གཞིའི་ནུས་པ་འཛུཌ་སྐྲུན་ལས་གྲྭ　རྫོང་གི་བུ་བཅོལ་ཁང་འཛུགས་སྐྲུན་ལས་གྲྭ　གྲོང་ཚོ་རིམ་པའི་སློབ་ཁྲིད་ས་ཚིགས་སྒྱུར་བཀོད་ལས་གྲྭ་སོགས་རབ་དང་རིམ་པ་ལག་ལེན་བསྟར་བར་མ་དངུལ་གཏོང་ཤུགས་ཆེ་རུ་བཏང་བས་སློབ་གཉེར་གྱི་ཆ་རྐྱེན་ལེགས་སུ་ཤུགས་ཆེན་ཕྱིན་པ་མ་ཟད།　སློབ་ཁྲིད་སྐས་རིམ་གསར་པ་ཞིག་ཏུ་སླེབས་རྒྱུར་རམ་འདེགས་ཀྱང་ཐུབ་ཡོད།

འདི་ནི་གཞིས་རྩེ་གྲོང་ཁྱེར་གྱི“ཚོགས་སྒྲིག་རྣམ་པའི”སློབ་གསོའི་ཤེས་ལྡན་མི་སྣའི་བོད་སྐྱོར་ལས་དོན་གྱི་ཕྱོགས་བསྡུས་གཟེངས་བསྟོད་ཚོགས་ཆེན་འཚོག་ཡུལ་ཡིན་པ།