འདིི་ནི་ལྷ་མོ་ཚེ་རིང་གིས་རྣ་ཤེས་ཉམས་པའི་ཕྲུ་གུའི་འཛིན་གྲྭའི་ལོ་རིམ་དང་པོའི་སློབ་མར་རྩིས་རིག་སློབ་ཚན་ཁྲིད་པའི་གནས་ཚུལ་ཡིན་པ།

འདི་ནི་ལྷ་མོ་ཚེ་རིང་གིས་རྣ་ཤེས་ཉམས་པའི་ཕྲུ་གུའི་འཛིན་གྲྭའི་ལོ་རིམ་དང་པོའི་སློབ་མ་ཚོ་ཁྲིད་དེ་བོད་ལྗོངས་རང་བྱུང་ཚན་རིག་དངོས་མང་བཤམས་སྟོན་ཁང་དུ་ལྟ་སྐོར་ཉམས་ལེན་བྱེད་པའི་གནས་ཚུལ་ཡིན་པ།

2000ལོར་བཙུགས་པའི་ལྷ་ས་གྲོང་ཁྱེར་གྱི་དམིགས་བསལ་སློབ་གསོའི་སློབ་གྲྭ་ནི་བོད་ཀྱི་དམིགས་བསལ་གྱི་བྱིས་པར་དམིགས་ནས་བཙུགས་པའི་སློབ་གསོའི་སྒྲིག་གཞི་ཞིག་རེད་ལ། ལོ་དགུའི་ལམ་ལུགས་ཀྱི་འོས་འགན་སློབ་གསོ་དང་ལས་རིགས་འབྲིང་རིམ་ཆེད་ཚན་ལྡན་ཞིང་། མིག་སྔར་མིག་ཤེད་ཉམས་པའི་ཕྲུ་གུའི་འཛིན་གྲྭ་དང་། འོན་ལྐུགས་འཛིན་གྲྭ་སོགས་བཀོད་སྒྲིག་བྱས་ཡོད་ལ་ཐང་ག་དང་། གཡོས་སྦྱོར། རྫ་ཆས་སོགས་ལས་རིགས་རྩལ་ནུས་ཀྱི་འབྲིང་རིམ་ཆེད་ཚན་སློབ་ཚན་ཡང་བཀོད་སྒྲིག་བྱས་པའི་ཕྱོགས་བསྡུས་རང་བཞིན་གྱི་དམིགས་བསལ་སློབ་གསོའི་སློབ་གྲྭ་ཞིག་ཀྱང་རེད།

འདི་ལོ་ལོ་26ལ་སླེབས་པའི་ལྷ་མོ་ཚེ་རིང་ནི་ལྷ་ས་གྲོང་ཁྱེར་གྱི་དམིགས་བསལ་སློབ་གསོ་སློབ་གྲྭའི་དགེ་རྒན་ཞིག་རེད།

ཆུང་བྱིས་པའི་དུས་ནས་རྣ་ཤེས་ཉམས་པའི་ལྷ་མོ་ཚེ་རིང་གིས་སློབ་གྲྭ་དེ་གའི་སློབ་ཆུང་དང་སློབ་འབྲིང་འགྲིམས་པ་བརྒྱུད། སློབ་གྲྭ་དེའི་སློབ་ཐོན་སློབ་མ་ཁག་དང་པོར་གྱུར་བ་རེད། 2009ལོར་ལྷ་མོ་ཚེ་རིང་ཁྲང་ཀྲོའུ་གྲོང་ཁྱེར་འོན་པའི་སློབ་གྲྭར་རྒྱུགས་འཕྲོད་པ་དང་ལོ་གསུམ་སོང་རྗེས་ནན་ཅིང་དམིགས་བསལ་སློབ་གསོའི་དགེ་འོས་སློབ་གླིང་དུ་རྒྱུགས་འཕྲོད་པ་རེད།

སློབ་ཆེན་ཐོན་རྗེས་ལྷ་མོ་ཚེ་རིང་གིས་ཐེ་ཚོམ་སྤུ་ཙམ་མེད་པར་ཕ་ཡུལ་དུ་ལོག་སྟེ་བོད་ཀྱི“དམིགས་བསལ”སློབ་གྲྭ་དེའི“དམིགས་བསལ”དགེ་རྒན་ཞིག་བྱས་པ་རེད།

ལྷ་མོ་ཚེ་རིང་གིས་ཚད་དང་ལྡན་པའི་ལག་བརྡ་དང་གསོན་ཉམས་དོད་པའི་རྣམ་འགྱུར་ཐོག་ནས་སློབ་ཚན་ཁྲིད་པས་ཕྲུ་གུ་ཚོས་ཧ་ཅང་དགའ་པོ་བྱེད་ཀྱི་ཡོད། “ངའི་སློབ་མ་ཚང་མ་ལག་རྩལ་སྣ་གཅིག་ལ་མཁས་པར་འགྱུར་རྒྱུ་དང་ཚང་མར་རང་ཉིད་ཀྱི་བློ་ལ་བབ་པའི་ལས་ཀ་ཞིག་རག་རྒྱུའི་རེ་བ་ཆེན་པོ་བྱེད་ཀྱི་ཡོད”ཅེས་ལྷ་མོ་ཚེ་རིང་གིས་འཕྲིན་ཐུང་བརྒྱུད་བརྗོད་པ་རེད།