ཉེ་བའི་ལོ་ཤས་རིང་རང་ལྗོངས་ཀྱིས་ལས་ཞུགས་ལ་སྐུལ་འདེད་ཤུགས་ཆེན་གཏོང་བའི་འཐབ་ཇུས་མཐའ་འཁྱོངས་བྱས་ཏེ། མཐོ་སློབ་སློབ་ཐོན་སློབ་མ་སྲིད་གཞུང་དུ་ལས་ཞུགས་དང་ཁྲོང་རར་ལས་ཞུགས་བྱ་རྒྱུའི་དབར་གྱི་འབྲེལ་བ་ཐག་གཅོད་ཡག་པོ་བྱེད་པ་དང་། ལས་སྟེགས་སྣ་ཚོགས་སྐྲུན་པ། ལས་ཞུགས་ཐབས་ལམ་རྒྱ་ཆེར་གཏོང་བ། ལས་ཞུགས་སྤུས་ཚད་མཐོ་རུ་གཏོང་བ་བཅས་བྱས་ནས་མཐོ་སློབ་སློབ་ཐོན་སློབ་མའི་ལས་ཞུགས་ལས་གཏོད་ལ་སྐུལ་འདེད་ནུས་ལྡན་བཏང་བ་རེད།
ཉེ་ཆར་ལྷ་ས་གྲོང་ཁྱེར་མི་སྤྱི་ཅུས་ཀྱིས་ལྷ་ས་གྲོང་ཁྱེར་གྱི་གྲོང་མིའི་ཞབས་ཞུ་ལྟེ་གནས་ཀྱི་ཐང་ཆེན་དུ་མཐོ་སློབ་སློབ་ཐོན་སློབ་མའི་དཔྱིད་དུས་ཀྱི་ཆེད་དོན་གདན་ཞུའི་ཚོགས་འདུ་དང་དམངས་གཉེར་ཁེ་ལས་ཀྱི་གདན་ཞུའི་གཟའ་འཁོར་གྱི་བྱེད་སྒོ་སྤེལ་ཞིང་། འདི་ནི་ལས་ཀ་འཚོལ་མཁན་སློབ་ཆེན་སློབ་མས་ལས་མི་བསྡུ་མཁན་ལས་ཁུངས་ཀྱི་གནས་ཚུལ་འདྲི་བཞིན་པ།