ཕྲུ་གུ་སྐྱེས་རྗེས་ཀྱི་ཆུ་ཚོད་གཅིག་ཙམ་ནི་མ་བུའི་བརྩེ་དུང་འཕེལ་བའི་གོ་སྐབས་ཡག་ཤོས་ཤིག་ཡིན། ཕྲུ་གུ་སྐྱེས་རྗེས་འཕྲལ་མར་འོ་མ་འཐེན་དུ་བཅུག་ཚེ་གསར་སྐྱེས་ཕྲུ་གུའི་ཨ་མས་ཕྲུ་གུར་ཨ་མའི་བརྩེ་དུང་དང་དོ་ཁུར་དེ་བས་མང་བ་བྱེད་ཐུབ་པ་དང་དེ་བཞིན་ཕྲུ་གུར་འོ་མ་ཡུན་རིང་ཙམ་སྟེར་ཐུབ། གལ་སྲིད་འོ་མ་སྟེར་ཐེངས་ཐོག་མ་དེ་དུས་འགྱངས་བྱས་ཚེ་ཆུ་ཚོད་ཁ་ཤས་ཡིན་རུང་ཨ་མའི་འོ་མ་སྟེར་མི་ཐུབ་པའི་ཉེན་ཁ་ཆེ་རུ་འགྲོ་གི་ཡོད། གཞན་ཡང་འོ་མ་འཐེན་པ་དེས་འོ་མ་འདོན་རྒྱུར་གནོན་ཤུགས་ཕོག་ནས་ཤ་མ་སྐྱེ་རྒྱུ་དང་ཁྲག་ཉུང་དུ་འདོན་རྒྱུར་ཕན་པ་ཡོད།