(1)ཐ་མག་དང་ཆང་རག་གཅོད་དགོས། ཕྲུ་གུ་སྐྱེ་རྩིས་ཡོད་པའི་སྐྱེས་པས་ཟླ་3གོང་ནས་ཐ་མག་དང་ཆང་རག་གཅོད་དགོས་པ་དང་བུད་མེད་ཀྱིས་ཟླ་1གོང་ནས་ཐ་མག་དང་ཆང་རག་གཅོད་དགོས།

(2)སྦགས་བཙོག་ཆེ་བའི་ཁོར་ཡུག་དང་རྒྱང་ཐག་རིང་དུ་གཏོང་དགོས། རྫས་འགྱུར་དངོས་རྫས་ཀྱི་རྒྱུ་རྐྱེན་ཐད། ཞིང་སྨན་དང་། སྨན་རྫས་ཀྱི་གྲུབ་ཆ་སོགས་བཟོ་ལས་ཀྱི་སྦགས་བཙོག་དངོས་པོ་དང་། འབུ་སྨན། བཟའ་བཅའི་སྦྱོར་རྟ། དབྱང་གཅིག་ཐཱན་འགྱུར། རླངས་སྣུམ། བཀྲག་རྩི། དུག་རྫས་སོགས་ཀྱིས་སྦྲུམ་བུའི་འཚར་སྐྱེས་ལ་གནོད་འཚེ་ཕོག་ནས་ཕྲུ་གུ་ཡ་མ་གཟུགས་ལ་འགྱུར་སྲིད་ལ། སྦྲུམ་མའི་ཕྲུ་གུ་ཤོར་བ་དང་། སྐྱེ་ཤོར་ཐེབས་པ། འཆི་བ་སོགས་ཀྱང་ཡོང་སྲིད། ལྷག་པར་དུ་ཕྲུ་གུ་མ་འཁོར་གོང་ཁང་པ་མཛེས་བཟོའི་ཁོར་ཡུག་དང་རྒྱང་ཐག་རིང་ཙམ་བྱ་རྒྱུར་དོ་སྣང་ཆེན་པོ་བྱེད་དགོས། ཕྲུ་གུ་སྐྱེ་རྩིས་ཡོད་སྐབས་ཉུང་མཐར་ཡང་ཟླ་3གོང་ནས་བུད་མེད་ལ་རླུང་འབྲུམ་དང་། བེ་གེ ཆུ་འབྲུམ་སོགས་ནད་འགོག་ནུས་པ་ཇི་ཙམ་ཡོད་མེད་བརྟག་དཔྱད་བྱེད་དགོས་པ་དང་གལ་ཏེ་ནད་འགོག་ནུས་པ་མེད་ན་སྔོན་འགོག་སྨན་ཁབ་རྒྱག་དགོས།

(3)ཉེན་ཁ་ཆེ་བའི་ལས་ཀ་བྱ་རྒྱུ་མེད་པ་དང་དཀའ་ལས་ཁག་དྲགས་རྒྱུ་མེད། སྦྲུམ་མས་ཉེན་ཁ་ཆེ་བའི་ལས་ཀ་བྱེད་མི་རུང་ལ་མཐོ་འཛེགས་ལས་སྒྲུབ་བམ་ཡང་ན་ཆུའི་ནང་ལས་ཀ་དེ་བས་བྱེད་མི་རུང་།