ཤིན་ཧྭ་གསར་འགྱུར་ཁང་ནས་གློག་འཕྲིན་འབྱོར་གསལ། ཀྲུང་གོ་ཚན་ཞིབ་མི་སྣའི་ཞིབ་འཇུག་གསར་ཤོས་ཐོག་ནས་གནམ་གཤིས་དྲོ་རུ་ཕྱིན་པ་དེས་མཐོ་གྲང་གི་སྣོད་བཅུད་མ་ལག་གི་ཐོན་སྐྱེད་ནུས་ཤུགས་ཀྱི་བརྟན་གནས་རང་བཞིན་ལ་ཤུགས་རྐྱེན་ཐེབས་རྐྱེན་གྱི་ལམ་སྲོལ་གསལ་པོར་བསྟན་མཚོ་བོད་ས་མཐོའི་གནམ་གཤིས་མགྱོགས་མྱུར་དྲོ་རུ་ཕྱིན་ནས་མཐོ་གྲང་རྩྭ་ཐང་གི་བརྟན་གནས་རང་བཞིན་ལ་ཤུགས་རྐྱེན་ཐེབས་རྒྱུ་ཡིན་པ་མངོན་པར་བྱས་ཡོད།
ཞིབ་འཇུག་འབྲས་བུ་ནས་དྲོད་ཚད་མཐོ་རུ་ཕྱིན་ཏེ་མཐོ་གྲང་རྩྭ་ཐང་ཚོམ་བུའི་བརྟན་གནས་རང་བཞིན་ཆུང་དུ་སོང་བ་དང་ཆར་པ་བབས་ཚུལ་འགྱུར་ལྡོག་ཕྱིན་ནས་རྩྭ་ཐང་ཚོམ་བུའི་བརྟན་གནས་རང་བཞིན་ལ་ཤུགས་རྐྱེན་མངོན་གསལ་དོད་པོ་ཐེབས་མེད་པ་མངོན་ཡོད། གཞན་ཡང་ཞིབ་འཇུག་བྱས་ནས་དྲོད་ཚད་མཐོ་རུ་ཕྱིན་པ་དང་ཆར་ཆུ་ཉུང་དུ་ཕྱིན་ནས་སྐྱེ་དངོས་རིགས་ཀྱི་སྣ་མང་རང་བཞིན་མངོན་གསལ་དོད་པོས་ཉུང་དུ་སོང་ཡང་རྩྭ་ཐང་ཚོམ་བུའི་བརྟན་གནས་རང་བཞིན་ཆུང་དུ་སོང་བ་དང་སྐྱེ་དངོས་རིགས་ཀྱི་སྣ་མང་རང་བཞིན་དབར་འབྲེལ་བ་མངོན་གསལ་དོད་པོ་མེད་པ་ཤེས་རྟོགས་བྱུང་ཡོད།
“ཞིབ་འཇུག་དེའི་དོན་སྙིང་ནི་ཡུན་རིང་ནང་ཚོད་ལྟ་བྱས་པའི་གྲངས་གཞི་བརྒྱུད་གནམ་གཤིས་དྲོ་རུ་ཕྱིན་ནས་མཐོ་དྲང་གི་སྣོད་བཅུད་མ་ལག་གི་ཐོན་སྐྱེད་ནུས་པའི་བརྟན་གནས་རང་བཞིན་ལ་ཤུགས་རྐྱེན་ཐེབས་རྐྱེན་འདོན་རྒྱུ་དེ་ཡིན། དེའི་ཐོག་ནས་མཚོ་བོད་ས་མཐོའི་གནམ་གཤིས་མགྱོགས་མྱུར་དྲོ་རུ་ཕྱིན་ཏེ་མཐོ་གྲང་རྩྭ་ཐང་གི་བརྟན་གནས་རང་བཞིན་ལ་ཤུགས་རྐྱེན་ཐེབས་པ་མངོན་ཡོད”ཅེས་པེ་ཅིང་སློབ་ཆེན་གྱི་གྲོང་ཁྱེར་དང་ཁོར་ཡུག་སློབ་གླིང་གི་དགེ་རྒན་ཆེ་མོ་བ་དང་ཀྲུང་གོ་ཚན་རིག་ཁང་ནུབ་བྱང་ཞིབ་འཇུག་ཁང་གི་ནུབ་བྱང་ས་མཐོའི་སྐྱེ་དངོས་ཞིབ་འཇུག་སུའོ་ཡི་ཞིབ་འཇུག་པ་ཧོ་ཅིན་ཧྲེང་གིས་བཤད།