ཟླ་6ཚེས་8ནས་10ཉིན་བར་ཀྲུང་གོའི་པེ་ཅིང་རྒྱལ་སྤྱིའི་ཚན་རྩལ་ཐོན་ལས་དངོས་མང་སྟོན་ཚོགས་སྐབས་ཉི་ཤུ་པ་པེ་ཅིང་རྒྱལ་སྤྱིའི་འགྲེམས་སྟོན་ལྟེ་གནས་སུ་གཉེར་བ་རེད། རང་སྐྱོང་ལྗོངས་སྲིད་གཞུང་གི་ཏང་ཙུའི་ཧྲུའུ་ཅི་གཞོན་པ་སྲིད་གཞུང་གི་བློ་འདྲི་བ་མོང་ཏེ་ལིས་བོད་ཀྱི་འཐུས་མི་ཚོགས་པའི་སྣེ་ཁྲིད་དེ་ཚན་རྩལ་ཐོན་ལས་ཀྱི་དངོས་མང་སྟོན་ཚོགས་ལ་ཞུགས་པ་རེད།

ཚན་རྩལ་ཐོན་ལས་ཀྱི་དངོས་མང་སྟོན་ཚོགས་ཐོག་རང་ལྗོངས་ཀྱི་མཐོ་གསར་ལག་རྩལ་གྱི་ཁེ་ལས་དང་ཚན་རྩལ་རྣམ་པའི་ཁེ་ལས་འབྲིང་ཆུང་15ཡི་ཚན་རྩལ་ཞིབ་འཇུག་གི་འབྲས་བུ་དང་ཐོན་རྫས་རྣམ་གྲངས་100ལྷག་ཙམ་འགྲེམས་སྟོན་ལ་ཞུགས་ཡོད། རྣམ་གྲངས་25འོས་སྦྱོར་བྱས་པ་དེ་ཁྱད་ལྡན་ཞིང་འབྲོག་ལས་ལས་སྣོན་ཞིབ་ཚགས་དང་། རིག་གནས་ཡུལ་སྐོར། སྐྱེ་དངོས་སྨན་རྫས། གློག་རྡུལ་ཆ་འཕྲིན། སྔོན་ཐོན་གྱི་བཟོ་སྐྲུན་ལས་རིགས་སོགས་ཁྱབ་ཁོངས་མང་པོ་དང་འབྲེལ་བ་ཡོད། བོད་ལྗོངས་འགྲེམས་ཁུལ་གྱིས་དངོས་རྫས་ཐོན་ཟོག་དང་། འགྲེམས་པང་། སྨྱན་སྦྱོར་མང་བ་དང་དེ་བཞིན་ས་གནས་ས་ཐོག་གི་མྱོང་རོལ་སོགས་རྣམ་པ་མང་པོ་བརྒྱུད་རང་ལྗོངས་ཀྱི་ཚན་རྩལ་གསར་གཏོད་ཀྱི་གྲུབ་འབྲས་དང་ཐོན་ཟོག་ཟུར་ཚད་མང་བའི་སྒོ་ནས་འོས་སྦྱོར་བྱས་པས་བོད་ཀྱི་ཁྱད་ཆོས་ལྡན་པའི་འགྲེམས་སྟེགས་ཇུས་འགོད་དང་ས་མཐོའི་ཁྱད་ལྡན་གྱི་གསར་གཏོད་གྲུབ་འབྲས་དང་ཐོན་རྫས་ཀྱིས་ལྟ་སྐོར་བའི་ཡིད་ཀྱི་བརྟན་པ་དབང་མེད་དུ་འཕྲོག་ཡོད་པ་རེད།