ཟླ་6ཚེས་1ཉིན། གངས་ལྗོངས་གནས་མཆོག་གྲོང་དུ་ཉི་འོད་རབ་ཏུ་འཚེར་ཞིང་། མི་རྣམས་ཀྱི་བཞིན་ལས་འཛུམ་མདངས་འཕྱུར། བྱིས་པ་ཚོས་ལོ་གཅིག་དུས་གཅིག་གི་རང་ཉིད་ལ་དབང་བའི་དུས་ཆེན་བསུས།
དགེ་རྒན་དང་ཁྱིམ་བདག་ཚོས་ཕྲུ་གུ་རྣམས་ཁྲིད་དེ་འཁྲབ་སྟོན་ནང་ཞུགས་པ་དང་དུས་ཆེན་གྱི་ལག་རྟགས་སྤྲོད་པ་སོགས་ཀྱི་བྱེད་སྒོ་སྣ་ཚོགས་སྤེལ།
ལྷ་ས་གྲོང་ཁྱེར་ཚོད་ལྟའི་སློབ་ཆུང་གི་སློབ་ཕྲུག་ཟླ་འོད་ཀྱི་ངོས་ནས་བརྗོད་ན། ད་རེས་ཀྱི་བྱིས་པའི་དུས་ཆེན་དེ་ཆེས་དམིགས་བསལ་ལྡན་པ་ཞིག་རེད། གང་ཡིན་ཞེ་ན། ཉིན་ཤས་གོང་ཁོང་2017ལོའི་བོད་ཀྱི་བྲག་འཛེག་ཕུལ་བྱུང་འགྲན་བསྡུར་ནང་ཞུགས་པས་རེད།
ཁོ་མོ་ནི་ད་ཐེངས་ཀྱི་འགྲན་བསྡུར་ཁྲོད་ཀྱི་ལོ་ཆུང་ཚོགས་ཆུང་གི་བདམས་ཐོན་པའི་གྲས་ཤིག་རེད། འགྲན་བསྡུར་ཐེངས་དང་པོའི་ནང་ཁོ་མོས་སྐར་མ་གསུམ་ལས་མ་འགོར་བར་འགྲན་བསྡུར་ལེགས་སྒྲུབ་བྱུང་བས། བྲག་ལྡེབས་ནས་བབས་རྗེས་དགའ་སྤྲོའི་ངང་འགྲན་བསྡུར་ལ་བློ་ཡིད་ཚིམ་པོ་བྱེད་ཅིང་འདུག
ཟླ་འོད་དང་འདྲ་བར་དེང་དུས་ལོ་ཆུང་བྱིས་པ་མང་པོའི་འཚོ་བ་ནི་སྐྱིད་སྣང་དོད་པ་ཁོ་ན་ཙམ་མིན་པར་ད་དུང་དཔའ་ངར་ཆེན་པོས་མདུན་དུ་སྐྱོད་པའི་འབད་བརྩོན་དང་རྔུལ་ཆུའང་འདུས་ཡོད། དེ་དག་ནི་འཚར་ལོངས་ཁྲོད་ཀྱི་ཞེན་ཆགས་བྱེད་རིན་ཡོད་པའི་སྤྲོ་སྣང་ཆེ་ཤོས་སུ་གྱུར་ཡོད།
ལྷ་ས་གྲོང་ཁྱེར་ཁྲེང་ཀོན་ཆུས་ཧའེ་ཁྲེང་སློབ་ཆུང་གི་ལོ་ཆུང་གདོང་ལེན་རུ་མི་ཚོས་རུ་དར་འོག་དམ་བཅའ་འཇོག་པ།
ཆུ་ཤུར་རྫོང་གི“ལྷ་ས་སྐྱིད་ཆུའི་འགྲམ་གྱི་གསུམ་ལྡན་གྲོང་ཚོའི”བུ་བཅོལ་ཁང་གི་གྲོགས་པོ་ཆུང་ཆུང་རྩེད་འཇོར་རོལ་བཞིན་པ།
དྲུག་གཅིག་བྱིས་པའི་དུས་ཆེན་གྱི་བྱེད་སྒོར་ཞུགས་མཁན་ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གི་གྲོགས་པོ་ཆུང་ཆུང་།
ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་ཅང་ཁུན་དང་ཧོང་ཞའོ་ཡུང་ཕུགས་རེའི་སློབ་ཆུང་གི་སློབ་ཕྲུག་ཚོས་ལྷ་ས་གྲོང་ཁྱེར་གྱི་ཁག་དང་པོའི་སློབ་གྲྭ་འབྲིང་ཆུང་གི་སྤུས་ཚད་སློབ་གསོའི་སྤྱི་ཚོགས་ལག་ལེན་རྟེན་གཞི་བོད་ལྗོངས་བདུད་རྩི་བོད་སྨན་མ་རྐང་ཚད་ཡོད་ཀུང་སིར་ལྟ་སྐོར་བྱེད་པ།
ལྷ་ས་གྲོང་ཁྱེར་ཚོད་ལྟའི་བུ་བཅོལ་ཁང་གི་གྲོགས་པོ་ཆུང་ཆུང་ཚོས་ཆུ་འཐག་རྩམ་པའི་ལས་རིམ་ལ་ཤེས་རྟོགས་བྱེད་པ།
བོད་དམག་ཁུལ་ཁང་གི་བུ་བཅོལ་ཁང་གི་གྲོགས་པོ་ཆུང་ཆུང་ཚོས་རིག་རྩལ་འཁྲབ་སྟོན་གྱི་སྟ་གོན་བྱེད་བཞིན་པ།
ལྷ་ས་གྲོང་ཁྱེར་ཁྲེང་ཀོན་ཆུས་ཧའེ་ཁྲེང་སློབ་ཆུང་གི་སློབ་ཕྲུག་གིས་དགའ་སྤྲོའི་ངང་གཟེངས་བསྟོད་ལེན་བཞིན་པ།
གྲོགས་པོ་ཆུང་ཆུང་ཚོས་འབྲོག་ཁུལ་གྱི་ལྷས་རའི་སྟེང་དགའ་སྤྲོའི་ངང་རྩེད་མོ་རྩེ་བ།
ལྷ་ས་གྲོང་ཁྱེར་ཁྲེང་ཀོན་ཆུས་ཧའེ་ཁྲེང་སློབ་ཆུང་གིས་ལོ་ཆུང་གདོང་ལེན་རུ་ཁག་གི་གླུ་གཞས་འགྲན་བསྡུར་བྱེད་སྒོ་སྤེལ་བ།
བོད་ལྗོངས་མཁའ་འགྲུལ་ཀུང་སིའི་ལས་དོན་མི་སྣས་ལྷ་ས་གྲོང་ཁྱེར་ཚོད་ལྟའི་སློབ་ཆུང་དུ་དམངས་སྤྱོད་མཁའ་འགྲུལ་གྱི་ཤེས་བྱ་ཁྱབ་གདལ་གཏོང་བའི་བྱེད་སྒོ་སྤེལ་བ།
བོད་ལྗོངས་སྤྱི་བདེ་མཐའ་སྲུང་སྤྱི་ཁྱབ་རུ་ཁག་གི་དམག་མི་དང་ལྷ་ས་གྲོང་ཁྱེར་བྱིས་པའི་ཕན་བདེ་ཁང་གི་ཕྲུ་གུ་ཚོ་རྩེད་མོར་རོལ་བ།
ལྷ་སའི་ལོང་བའི་སློབ་གྲྭའི་གྲོགས་པོ་ཆུང་ཆུང་བསམ་གཏན་གྱིས་དྲུག་གཅིག་བྱིས་པའི་དུས་ཆེན་གྱི་འཁྲབ་སྟོན་ནང་སྦྱོང་བྱེད་བཞིན་པ།