སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དར་སྤེལ་བཏང་ནས་སྐབས་བཅུ་གསུམ་པའི་རྒྱལ་ཡོངས་ལུས་རྩལ་འགྲན་ཚོགས་ཀྱི“རྒྱལ་ཡོངས་ལུས་རྩལ་གྱིས་དམངས་ལ་ཕན་པ་འདོགས། སྐྱོན་བྲལ་ཀྲུང་གོ”ཞེས་པའི་བརྗོད་བྱ་གཙོ་བོ་མངོན་ཆེད། ལྗོངས་ཏང་ཨུད་དྲིལ་བསྒྲགས་པུའུ་དང་། ལྗོངས་ལུས་རྩལ་ཅུས། ལྗོངས་ཤེས་དཔལ་གཞུང་ལས་ཁང་བཅས་ཀྱིས་ལྗོངས་ནང་ཁུལ་གྱི་རིམ་པ་ཁག་དང་རིགས་ཁག་གི་སྨྱན་སྦྱོར་ཚན་པ་དང་མཉམ་དུ“ང་རྒྱལ་ཡོངས་ལུས་རྩལ་འགྲན་ཚོགས་ནང་ཞུགས་རྒྱུ་ཡིན། ང་དང་ལུས་རྩལ་དབར་གྱི་གཏམ་རྒྱུད་གླེང་ནས་བོད་ཀྱི་ལུས་རྩལ་པ་ཡག་ཤོས་འཚོལ་བ”ཞེས་པའི་བྱེད་སྒོ་སྤེལ་བ་དང་དེའི་དམིགས་ཡུལ་ནི་བོད་ཀྱི་ལུས་རྩལ་གྱི་ཕུལ་བྱུང་མི་སྣ་ཁག་གཅིག་ཤེས་རྟོགས་གཏིང་ཟབ་ཀྱིས་དམངས་ཡོངས་ལུས་སྦྱོང་དང་དམངས་ཡོངས་བདེ་ཐང་མཉམ་འདྲེས་དམ་ཟབ་ཐུབ་རྒྱུར་སྐུལ་འདེད་གཏོང་རྒྱུ་དེ་ཡིན།

བྱེད་སྒོ་དེ་ལྗོངས་ཡོངས་ཀྱི(ཚོགས་ཆུང)“བོད་ཀྱི་ལུས་རྩལ་པ་ཡག་ཤོས”30དང“བོད་ཀྱི་ལུས་རྩལ་གྱི་དམངས་ཁྲོད་གྲགས་ཅན་མི་སྣ”40འཚོལ་བ་དང“ང་དང་ལུས་རྩལ་དབར་གྱི་གཏམ་རྒྱུད”30བསྡུ་ལེན་བཅས་བྱ་རྒྱུར་ཕྱོགས་ཡོད། དེ་ཉིན་ནས་ཟླ་6པའི་ཚེས་15ཉིན་བར་སྤྱི་ཚོགས་ལས་རིགས་ཁག་གིས་རང་ལྗོངས་ཀྱི་མང་ཚོགས་ལུས་རྩལ་དང་། རྩལ་འགྲན་ལུས་རྩལ། རི་འཛེག་ལུས་རྩལ། ལུས་རྩལ་ཐོན་ལས། ལུས་རྩལ་རིག་གནས་སོགས་ཐད་ཀྱི་ཕུལ་བྱུང་བྱས་རྗེས་སྐོར་སྦྲག་སྒམ་xzzmtyr2017@163.comནང་བསྐུར་ཆོག ཞིབ་ཕྲའི་བླང་བྱ་ནི་ཡིག་འབྲུ་1500ཡི་ནང་ཚུན་དང་། པར་རིས་12 བརྙན་ལམ་སྐར་མ་5ནང་ཚུན་བཅས་ཡིན།

དཔྱད་འདེམས་བྱས་འབྲས་དེ་བོད་ཀྱི་ལུས་རྩལ་སྐད་འཕྲིན་སྤྱི་རྟགས་ལས་སྟེགས་བརྒྱུད་ཁྱབ་བསྒྲགས་བྱ་རྒྱུའི་ཁར“བོད་ཀྱི་ལུས་རྩལ་པ་ཡག་ཤོས”དང“བོད་ཀྱི་ལུས་རྩལ་གྱི་དམངས་ཁྲོད་གྲགས་ཅན་མི་སྣའི”གཟི་བརྗིད་མཚན་སྙན་ལག་ཁྱེར་དང“ང་དང་ལུས་རྩལ་དབར་གྱི་གཏམ་རྒྱུད”ཀྱི་དཔྱད་རྩོམ་བསྡུ་ལེན་བྱེད་སྒོར“ཚུད་པའི་བྱ་དགའི”གཟི་བརྗིད་མཚན་སྙན་གྱི་ལག་ཁྱེར་ཡང་སྤྲོད་རྒྱུ་རེད། ལྗོངས་ནང་ཁུལ་གྱི་རིམ་ཁག་སྨྱན་སྦྱོར་གྱིས་སྤྱི་ཚོགས་ལ“བོད་ཀྱི་ལུས་རྩལ་པ་ཡག་ཤོས”དང“བོད་ཀྱི་ལུས་རྩལ་གྱི་དམངས་ཁྲོད་གྲགས་ཅན་མི་སྣའི་སྔོན་ཐོན་བྱས་རྗེས”སམ་ཡང་ན“ང་དང་ལུས་རྩལ་དབར་གྱི་གཏམ་རྒྱུད”ཀྱི་ཕུལ་བྱུང་བརྩམས་ཆོས་འདོན་རྒྱུ་རེད། “བོད་ཀྱི་ལུས་རྩལ་པ་ཡག་ཤོས”ཀྱི་འཐུས་མིར་ད་དུང་རང་ལྗོངས་ཀྱི་སྐབས་བཅུ་གསུམ་པའི་རྒྱལ་ཡོངས་ལུས་རྩལ་འགྲན་ཚོགས་ཀྱི་ཕྱོགས་སྡོམ་གཟེངས་བསྟོད་བྱེད་སྒོའི་ནང་ཞུགས་རྒྱུའི་གོ་སྐབས་ཡོད།