ཉིན་ཤས་གོང་། ལྷ་ས་གྲོང་ཁྱེར་ཁྲེང་ཀོན་ཆུས་དོག་སྡེ་ཤང་གསང་ཡིབ་སྡེ་ཁུལ་གྲོང་ལྷན་གྱི་རོགས་རམ་འོག་གསང་ཡིབ་སྡེ་ཁུལ་དུ་བཅའ་སྡོད་ལས་དོན་རུ་ཁག་གིས་རིན་མེད་གསབ་སྦྱོང་འཛིན་གྲྭ་འཚོགས་པར་་སྡེ་ཁུལ་གྲོང་མི་མང་ཚོགས་ཀྱིས་ཁས་ལེན་དང་གདེང་འཇོག་བཟང་པོ་བྱས་པ་རེད།
ལས་དོན་རུ་ཁག་གི་རུ་དཔོན་ལིའུ་ཞུའེ་མེ་ཡིས་ངོ་སྤྲོད་བྱས་པར་གཞིགས་ན། སྡེ་ཁུལ་དུ་བཅའ་སྡོད་ལས་དོན་རུ་ཁག་གིས་གྲོང་ཚོར་བཅའ་སྡོད་བྱ་ཡུལ་གྱི་བུ་ཕྲུག་རང་ཉིད་ཀྱི་བུ་ཕྲུག་ལྟར་བརྩི་བ་དང་བྱ་བ་དངོས་སྒྲུབ་པ་དང་དཀའ་གནད་སེལ་བའི་ལས་ཀའི་རྩ་དོན་ལ་གཞིགས་ཏེ། ཆེད་དོན་མ་དངུལ་བཏང་ནས་སྡེ་ཁུལ་གྱི་དཀའ་ངལ་ཡོད་པའི་ཁྱིམ་ཚང་གི་སྤྱོད་ཡོན་གཉིས་ལྡན་གྱི་སློབ་ཆེན་སློབ་མ་ཟུར་ཁྲིད་དགེ་རྒན་ལ་གདན་དྲངས་པ་རེད། སླད་ཕྱིན་སྡེ་ཁུལ་གྱི་སློབ་ཆུང་སློབ་མས་དབྱར་གསེང་རིང་དང་སློབ་འགོ་ཚུགས་རྗེས་ཀྱི་གཟའ་སྤེན་པ་དང་གཟའ་ཉི་མར་གསབ་སྦྱོང་འཛིན་གྲྭར་གསབ་སྦྱོང་བྱ་ཆོག་པ་དང་། གསབ་སྦྱོང་འཛིན་གྲྭ་གཉེར་ནས་ཕྲུ་གུ་ཚོར་སློབ་ཚན་ཟུར་ཁྲིད་དང་། སློབ་སྦྱོང་བྱེད་རིང་ཁོང་ཚོར་འཕྲད་པའི་དཀའ་གནད་སེལ་རོགས་བྱ་རྒྱུ་རེད།