དེང་སྐབས་ལས་དོན་དང་འཚོ་བའི་དགོས་མཁོས་མི་རྣམས་ལ་ངལ་ཞིང་དུབ་པའི་ཚོར་བ་ཡོང་གི་ཡོད།
དེ་ཡང་མི་མང་པོས་རང་ཉིད་ཀྱིས་དགའ་བ་དང་རང་ཉིད་ལ་འཚམ་པའི་ལས་ཀ་མི་བྱེད་པར་གཞན་གྱི་བློ་ལ་བབ་པའི་ལས་ཀ་བྱེད་དགོས་ཀྱི་ཡོད།
རིགས་གཅིག་མཁས་པས། གལ་ཏེ་དོན་ཞིག་རང་ཉིད་ཀྱིས་མི་གཞན་ལས་དུས་ཚོད་ཉུང་བ་བཏང་སྟེ་གྲུབ་འབྲས་གཞན་ལས་ལེགས་པ་གཏོད་ཐུབ་ཚེ་ལས་ཀ་དེ་རང་ཉིད་ལ་འཚམ་ཤོས་ཡིན་པའི་དྲན་སྐུལ་བྱས་ཡོད།
གཅིག འཚོ་བ་དང་ལས་ཀ་དལ་བྲེལ་རན་པོ་དགོས། བྱ་བ་གང་ཡང་མི་སྒྲུབ་པར་སྡོད་མི་ཉན་ལ། ལས་ཀ་ཁོ་ན་བྱས་ཏེ་ངལ་གསོ་རྒྱག་མི་ཤེས་པའང་བྱ་རྒྱུ་མེད་པས་ལས་ཀ་དང་ངལ་གསོ་མཐའ་གཉིས་སུ་མ་ལྷུང་བ་བྱེད་དགོས།
གཉིས། གལ་འགངས་ཆེ་བའི་དོན་དག་ཅིག་སྒྲུབ་སྐབས་ཁ་པར་དང་དྲ་བ་སོགས་ཚང་མ་བཀག་ནས། བློ་གཅིག་སེམས་གཅིག་གིས་ལས་ཀ་ཆུ་ཚོད་གཉིས་གསུམ་བྱས་པའི་ལས་ཕྱོད་དེ་ཉིན་གང་ལས་ཀ་བྱས་པའི་ལས་ཕྱོད་ལས་ཆེ་བ་ཡོད།
གསུམ། མི་ཚེའི་དོན་དག་གལ་ཆེ་ཆུང་དབྱེ་འབྱེད་བྱེད་ཤེས་པ་དགོས། བྱ་གཞག་དང་བརྩེ་དུང་། ཁྱིམ་ཚང་སོགས་གང་ཞིག་གལ་ཆེ་བ་ཡིན་མིན་རང་གིས་རང་ལ་དྲི་བ་ནན་པོ་འདོན་དགོས། གལ་ཏེ་འདི་ལྟར་བྱས་ན་ཕྱིན་ཆད་འགྱོད་པ་སྐྱེ་སྲིད་དམ་ཞེས་པའི་དྲི་བ་ཡང་ཡང་བཏོན་ཏེ། རང་ཉིད་ཀྱིས་གལ་འགངས་ཆེ་ཤོས་སུ་བརྩི་བའི་དོན་དག་དེ་གང་ཡིན་མིན་ཤེས་པ་བྱེད་དགོས་སོ།