གཅིག  གཟའ་འཁོར་འདིའི་གནམ་གཤིས་སྔོན་བརྡ། （ཟླ་11ཚེས་21ནས་ཟླ་11ཚེས་27ཉིན་བར）

གཟའ་ཟླ་བ་ནས་ཕུར་བུ་བར། མངའ་རིས་སུ་སྤྲིན་པ་མང་པོ་འཁོར་རྒྱུ་དང་། ས་ཁུལ་གཞན་དག་ལ་གནམ་དྭངས་བ་ནས་སྤྲིན་པ་ཉུང་ཉུང་འཁོར་རྒྱུ། གཟའ་པ་སངས་ནས་ཉི་མ་བར། མངའ་རིས་དང་ནག་ཆུའི་ནུབ་རྒྱུད་དུ་སྤྲིན་པ་མང་པོ་འཁོར་རྒྱུ་དང་ས་ཆ་ཆ་ཤས་ལ་གངས་སིམ་སིམ་འབབ་རྒྱུ། ས་ཁུལ་གཞན་དག་ལ་སྤྲིན་པ་ཉུང་བ་ནས་མང་དུ་འགྲོ་རྒྱུ། གཟའ་འཁོར་འདིའི་ནང་བོད་བྱང་ཐང་རྒྱུད་དང་གཞིས་རྩེའི་ལྷོ་ནུབ་རྒྱུད་ཀྱི་ས་ཆ་ཆ་ཤས་ལ་ལྷགས་པ་ཆེན་པོ་རིམ་པ་7ཡས་མས་རྒྱག་རྒྱུ་དང་། ཡར་ཀླུང་གཙང་པོ་རྒྱུག་ཁུལ་དུ་སྐབས་རེ་ལྷགས་པ་རིམ་པ་5ཡས་མས་རྒྱག་རྒྱུ།

གཉིས། གྲོས་འགོ

1.གཟའ་འཁོར་འདིའི་ནང་ལྷགས་པ་ཆེན་པོ་རྒྱག་མང་བ་དང་ཆར་ཆུ་འབབ་ཉུང་བས་མེ་སྐྱོན་རིམ་པ་ཅུང་མཐོ། དེར་བརྟེན་ནགས་ཚལ་དང་རྩྭ་རའི་མེ་ཟོན་ལས་དོན་ཡག་པོ་སྒྲུབ་དགོས། གྲོང་ཁྱེར་དུ་མེ་སྤྱོད་སྐབས་བདེ་འཇགས་ལ་དོ་སྣང་བྱེད་དགོས།

2.རྒྱང་ཚོར་ལྟ་དཔྱད་ཚད་ལེན་གྲངས་གཞི་གསར་ཤོས་ལས་མངོན་པར། ནག་ཆུ་དང་། ཆབ་མདོ་དང་ཉིང་ཁྲིའི་འབྲེལ་མཚམས་སུ་གངས་གསོག་ཐེབས་ཡོད་པས་ཕྱིར་བསྐྱོད་སྐབས་འགྲིམ་འགྲུལ་བདེ་འཇགས་ལ་དོ་སྣང་བྱེད་དགོས།