འདི་ནི་ལག་རྟགས་འབྱོར་རྗེས་དགའ་བས་མྱོས་པའི་ཕྲུ་གུ་ཆུང་ཆུང་ཡིན་པ།

ཟླ་9ཚེས་27ཉིན་གྱི་སྔ་དྲོ། 2016ལོའི“སུའུ་ཉིང་དང་མཉམ་དུ་བརྩེ་སེམས་ནུབ་རྒྱུད་ལ་འཆང”ཞེས་པའི་སྤྱི་ཕན་སློབ་སྐྱོར་བྱ་སྤྱོད་ཆེན་པོ་མལ་གྲོ་གུང་དཀར་རྫོང་བཀྲ་ཤིས་སྒང་ཤང་ནན་ཅིང་ཕུགས་རེའི་སློབ་ཆུང་དུ་དངོས་སུ་སྤེལ་འགོ་ཚུགས།

སྒོར་ཁྲི་20ཡི་གཅེས་སེམས་སློབ་སྐྱོར་དངུལ་དང་། དཔེ་དེབ་50000 ཡིག་ཆས་20000 དེ་བཞིན་གྱོན་ཆས་སོགས་ནན་ཅིང་དང་ལྷ་སའི་གསར་འགོད་པ་དང་སུའུ་ཉིང་ཚོགས་པའི་ལས་དོན་མི་སྣས་དགོས་མཁོ་ཆེ་བའི་སློབ་གྲྭར་བསྐྱལ་ནས་སྤྱི་ཚོགས་ལས་རིགས་ཁག་གི་གཅེས་སེམས་མི་སྣའི་ཐུགས་ཁུར་དང་དྲོ་སྐྱིད་ཕྲུ་གུ་ཚོར་མཚོན་པར་བྱས་པ་རེད།

སྐབས་དེ་དུས་ནན་ཅིང་ནས་བོད་དབར་རྒྱང་ཐག་མེད་པར་གྱུར་པ།

ཟླ་9ཚེས་9ཉིན་བོད་ལྗོངས་མལ་གྲོ་གུང་དཀར་རྫོང་གི་སློབ་མས་ཞལ་འདེབས་སློང་བའི་གྲོས་འདོན་ཡི་གེ་ཞིག་ལུང་ཧུའུ་དྲ་ཚིགས་གི་དྲ་ངོས་ཐོག་བཏོན་པ་དང་སྦྲགས་2016ལོའི“སུའུ་ཉིང་དང་མཉམ་དུ་བརྩེ་སེམས་ནུབ་རྒྱུད་ལ་འཆང”ཞེས་པའི་སྤྱི་ཕན་སློབ་སྐྱོར་བྱ་སྤྱོད་ཆེན་པོའང་སྤེལ་འགོ་ཚུགས་པ་རེད། ཅང་སུའུ་ནན་ཅིང་དང་བོད་ལྗོངས་ལྷ་སའི་ལས་དོན་མི་སྣའི་ཐུན་མོང་འབད་བརྩོན་འོག ད་ཐེངས་ཀྱི་སྤྱི་ཕན་བྱེད་སྒོ་མཐར་སྤེལ་ཡོད།

ནན་ཅིང་ཕུགས་རེའི་སློབ་ཆུང་གི་སློབ་སྤྱི་ཚེ་བརྟན་བཀྲ་ཤིས་ཀྱིས་སློབ་གྲྭ་འདི་1978ལོར་བཙུགས་པའི་དུས་སུ་དཔལ་སློང་ཁུལ་ལྟེ་བའི་སློབ་ཆུང་ཞེས་བརྗོད་ཀྱི་ཡོད། 1996ལོར་དངོས་སུ་ནན་ཅིང་ཕུགས་རེའི་སློབ་ཆུང་ཞེས་མིང་བསྒྱུར། མིག་སྔར་ཁྱོན་སློབ་མ་734དང་དགེ་རྒན་དང་ལས་བཟོ་42ཡོད་པ་རེད། ད་ཐེངས་ཀྱི་དངོས་ཟོག་དག་སློབ་མའི་དགོས་མཁོར་གཞིགས་ནས་སློབ་མ་མི་རེ་ངོ་རེའི་ལག་ཏུ་སྤྲོད་རྒྱུ་ཡིན་ཞེས་ངོ་སྤྲོད་བྱས། ཁོང་གིས“ལོ་ལྟར་དགུན་ཁ་ནི་ཕྲུ་གུ་ཚོ་འཁྱོལ་ཁག་ཤོས་ཀྱི་དུས་ཤིག་ཡིན། ང་ཚོས་སློབ་ཁང་ནང་དྲོ་གྲང་སྙོམས་སྒྲིག་འཕྲུལ་ཆས་བསྒར་རྩིས་ཡོད། དེ་ལྟར་བྱས་ཚེ་དགུན་ཁ་ཡིན་ནའང་ཕྲུ་གུ་ཚོ་བློ་བདེ་པོའི་སྒོ་ནས་སློབ་སྦྱོང་བྱེད་ཆོག”ཅེས་བཤད།

ཞལ་འདེབས་སྒོར་ཁྲི་20དེ་དག་བཏང་སྟེ་དྲོ་གྲང་སྙོམས་སྒྲིག་འཕྲུལ་ཆས་ཉོས་ནས་རྫོང་གི་ནན་ཅིང་ཕུགས་རེའི་སློབ་ཆུང་ཚུད་པའི་སློབ་ཆུང་དང་བུ་བཅོལ་ཁང་བཞི་ལ་བསྒར་རྒྱུ་ཡིན་པ་རེད།

བསམ་ཤེས་ཐུབ་པའི་ཕྲུ་གུ་ཚོ་ལས་གཅེས་སེམས་མི་སྣར་སེམས་འགུལ་ཆེན་པོ་ཐེབས་པ།

བྱེད་སྒོ་སྤེལ་ཡུལ་དུ། གཅེས་སེམས་མི་སྣས་ནན་ཅིང་གི་ཕྲུ་གུ་ཚོས་བྲིས་པའི་ཤོག་བྱང་རེ་རེ་བཞིན་བཀྲ་ཤིས་སྒང་ཤང་ནན་ཅིང་ཕུགས་རེའི་སློབ་ཆུང་གི་སློབ་མ་ཚོར་སྤྲོད་ཀྱིན་ཁོང་ཚོ་དང་ཅི་གྲོས་མོལ་འཕྲོད་ཡང་བྱས། ཕྲུ་གུ་དེ་དག་བསམ་ཤེས་ཐུབ་ལ་གཅེས་པར་འོས་པ་ཞིག་ཡོད་པ་མཐོང་སྐབས་ཁོང་ཚོར་སེམས་འགུལ་ཐེབས་པ་མ་ཟད། ཧང་ཡང་སངས་བ་རེད།

“དགེ་རྒན་ཡིན་པའི་ང་ཚོས་རྟག་ཏུ་ཕྲུ་གུ་ཚོར་རང་མགོ་རང་ཐོན་དང་། རང་བརྩེ། བློ་སྟོབས་ཆེན་པོ་བཅས་ཡོང་བ་བྱེད་དགོས་པའི་སློབ་གསོ་རྒྱག་གི་ཡོད་ལ་ཁོང་ཚོ་ཡང་སྣང་བ་སྐྱིད་ལ་བག་ཡངས་པོ་ཤ་སྟག་རེད། གཅེས་སེམས་མི་སྣ་ཁོང་ཚོར་ལྟ་བར་ཡོང་སྐབས། ཁོང་ཚོར་རང་ཉིད་ལ་སྣང་ཆེན་དང་དོ་ཁུར་བྱེད་པའི་སྣང་བ་ཞིག་བྱུང་ནས་དགའ་པོ་ཡོང་གི་འདུག ངས་དེ་རིང་ཁོང་ཚོ་སྐྱིད་པོ་བྱུང་བ་ཚོར་གྱི་འདུག”ཅེས་གཡུ་སྒྲོན་གྱིས་བཤད།

བརྩེ་བ་ཆུ་ཐིགས་ལྟར་འདུས་ནས་རྒྱ་མཚོ་ཆགས་པ།

ཕྲུ་གུ་ཚོས་རས་དམར་པོ་རིང་པོའི་ཐོག་རང་ཉིད་ཀྱི་མིང་ནན་ཏན་ངང་བྲིས། མི་རིང་བའི་གངས་རིའི་རྩེ་མོར་ཆགས་པའི་འཁྱགས་པ་དག་ཉི་འོད་འཕྲོས་ནས་རིམ་གྱིས་བཞུར་ཏེ་འོད་སྣང་ཆེམ་ཆེམ་དུ་འཕྲོ་བ་ལས་རི་གཤམ་དུ་འཚོ་བའི་ཕྲུ་གུ་ཚོའི་ཟོལ་མེད་ཀྱི་བཀའ་དྲིན་བསམ་ཤེས་བྱེད་ལུགས་མཚོན་གྱི་ཡོད།

དབྱང་ལུང་ཤིའུ་ཡིས་དང་ཐོག་ལས་གཏོད་བྱེད་དུས་ནས་ད་བར་དུ་སུའུ་ཉིང་གིས་སྤྱི་ཚོགས་ཅན་གྱི་ཁེ་ལས་ཤིག་གཉེར་རྒྱུ་མཐའ་འཁྱོངས་བྱས་པས། འཕེལ་རྒྱས་ཁྲོད་རང་ཉིད་ཀྱི་དམིགས་བསལ་ཁྱད་ཆོས་ལྡན་པའི་སྤྱི་ཕན་རོགས་སྐྱོར་རྣམ་པ་ཆགས་ཡོད་ཅེས་ངོ་སྤྲོད་བྱས། “དེར་བརྟེན་ལུང་ཧུའུ་དྲ་བའི་ཐོག་བཏོན་པའི་གྲོས་འགོ་མཐོང་མ་ཐག་ང་ཚོའི་ཀུང་སིས་དང་ལེན་ཞུས་པ་དང་འབྲེལ་བོད་ཀྱི་ཕྲུ་གུ་ཚོར་དངུལ་དང་དངོས་ཟོག་སློང་བའི་བྱ་སྤྱོད་ཀྱང་སྤེལ་འགོ་བཙུགས་པ་དང་། ལུང་ཧུའུ་དྲ་བ་དང་སུའུ་ཉིང་གི་ལས་སྟེགས་བརྒྱུད་མི་དེ་བས་མང་བ་གཅེས་སེམས་སློབ་སྐྱོར་བྱ་སྤྱོད་ནང་ཞུགས་རྒྱུའི་སྐུལ་སློང་བྱས་པ་མ་ཟད། ད་དུང་ང་ཚོས་རྒྱལ་ཡོངས་ཀྱི་གྲོང་ཁྱེར་15ནས་གཅེས་སེམས་མི་སྣའི་འཐུས་མི་8བདམས་ཏེ་ཀུང་སིའི་འགོ་ཁྲིད་དང་མཉམ་དུ་གཅེས་སེམས་དངུལ་དང་དངོས་ཟོག་བོད་དུ་སྐྱེལ་བར་ཡོང་བ་ཡིན”ཞེས་དབྱང་ལུང་ཤིའུ་ཡིས་བཤད།

གཅེས་སེམས་མི་སྣ་ཚོ་སླར་ཡང་རླངས་འཁོར་བསྡད་དེ་མལ་གྲོ་གུང་དཀར་རྫོང་རུ་ཐོག་ལྟེ་བའི་སློབ་ཆུང་དང་དེ་བཞིན་མལ་གྲོ་གུང་དཀར་རྫོང་གི་སློབ་གྲྭ་གཞན་ལ་འཚམས་འདྲི་བྱེད་པར་བསྐྱོད། ད་ཐེངས་ང་ཚོ་བོད་དུ་སྡོད་པའི་དུས་ཚོད་རིང་པོ་མེད་ཀྱང“བརྩེ་སེམས་ནུབ་རྒྱུད་ལ་འཆང”ཞེས་པའི་བྱེད་སྒོ་སྤེལ་མཚམས་གཏན་ནས་འཇོག་གི་མིན།