ལྷ་ས་གྲོང་ཁྱེར་སློབ་ཆུང་དང་པོའི་དགེ་རྒན་གཡུ་སྒྲོན་ལགས་ཀྱིས་སློབ་མའི་སྦྱོང་ཚན་བཅོས་བཞིན་པ།
ཉེ་ལམ་ལོ་ཤས་རིང་། རང་ལྗོངས་ཀྱིས་དགེ་རྒན་དཔུང་ཁག་གི་འཛུགས་སྐྱོང་ལས་དོན་དེ་ལྗོངས་ཡོངས་ཀྱི་སློབ་གསོ་བསྒྱུར་བཅོས་དང་འཕེལ་རྒྱས་གཏོང་བའི་སྤྱི་ཁོག་ནང་བཞག་ནས། འབྲེལ་ཡོད་ལམ་ལུགས་འཐུས་སྒོ་ཇེ་ཚང་དུ་བཏང་བ་དང་དགེ་རྒན་གྱི་ཐོབ་ཐང་མཐོ་རུ་གཏོང་བ། དགེ་རྒན་གྱི་སྤྱོད་ཚུལ་འཛུགས་སྐྱོང་དེ་དགེ་རྒན་དཔུང་ཁག་འཛུགས་སྐྱོང་ལས་དོན་གྱི་ལས་འགན་ཨང་དང་པོར་བརྩི་རྒྱུ་མཐའ་འཁྱོངས་བྱེད་པ། རྐང་འཛིན་དགེ་རྒན་དང་རིག་གཞུང་ཚན་ཁག་གི་སྣེ་ཁྲིད་དགེ་རྒན་གསོ་སྐྱོང་བྱ་རྒྱུར་ཤུགས་སྣོན་བརྒྱབ་ནས། དགེ་རྒན་དཔུང་ཁག་གི་ཆེད་ལས་ཆུ་ཚད་དང་སློབ་ཁྲིད་ནུས་པ་རྒྱུན་ཆད་མེད་པར་གོང་མཐོར་བཏང་བས་གྲུབ་འབྲས་བཟང་པོ་ཐོབ་ཡོད།།