གཅིག   གཟའ་འཁོར་འདིའི་གནམ་གཤིས་སྔོན་བརྡ（ཟླ་8ཚེས་8ཉིན་ནས་ཟླ་8ཚེས་14ཉིན་བར）

གཟའ་ཟླ་བ་ནས་ཕུར་བུ་བར་གཞིས་རྩེ་དང་། ལྷོ་ཁའི་ལྷོ་རྒྱུད། མངའ་རིས། ནག་ཆུའི་ནུབ་རྒྱུད་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ། ས་ཁུལ་གཞན་དག་ལ་ཆར་པ་ཆུང་བའམ་ཡང་ན་འབྲུག་ཆར་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། གཟའ་པ་སངས་ནས་ཉི་མ་བར་གཞིས་རྩེ་དང་། མངའ་རིས། ནག་ཆུའི་དབུས་ནུབ་རྒྱུད་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ། ས་ཁུལ་གཞན་དག་ལ་ཆར་པ་ཆུང་བའམ་ཡང་ན་འབྲུག་ཆར་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ།

གཉིས།   གྲོས་འགོ

1.རང་ལྗོངས་ཀྱི་ས་ཆ་མང་ཆེ་བར་ཆར་པ་རྒྱུན་མཐུད་འབབ་རྒྱུ་ཡིན་པས་ཤྭ་འོད་དང་། རི་ཉིལ་བ། འདམ་རྡོའི་ཆུ་རུད་སོགས་ཀྱི་ས་གཤིས་གནོད་འཚེ་ཐོན་རྒྱུར་དོགས་ཟོན་བྱེད་དགོས་པ་དང་། གཤོངས་ས་དང་ཆུས་བསྣུབས་སླ་བའི་ས་ཁུལ་གྱི་ཞིང་ནང་དུ་ཆུ་ལོག་འགོག་པ་དང་འཁྱིལ་ཆུ་ཕྱིར་འབུད་ལས་དོན་ཡག་པོ་སྒྲུབ་དགོས།

2.ནག་ཆུ་དང་ཡར་ཀླུང་གཙང་པོའི་རྒྱུད་དུ་གཏད་རྒྱུག་གི་གནམ་གཤིས་བསྟན་མང་བས་ཐོག་འགོག་རྒྱུ་དང་སེར་བ་འགོག་རྒྱུའི་འབྲེལ་ཡོད་ལས་དོན་ཡག་པོ་སྒྲུབ་དགོས།