ཉེ་ཆར་ལྷོ་ཁ་གྲོང་ཁྱེར་སྤྱི་བདེ་ཅུས་ཉེས་དོན་མྱུལ་ཞིབ་ཉིང་ལག་རུ་ཁག་གིས་མི་དམངས་ཉེན་རྟོག་པ་སྒྲིག་འཛུགས་བྱས་ནས་ཚོད་ལྟའི་སློབ་ཆུང་དུ“བུད་མེད་དང་བྱིས་པར་གཅེས་སྐྱོང་དང་བསླུས་ཚོང་ལ་ངོ་རྒོལ་བྱེད”ཅེས་པའི་བརྗོད་དོན་གཙོ་བོའི་དྲིལ་བསྒྲགས་བྱེད་སྒོ་སྤེལ་བ་རེད།
བྱེད་སྒོ་སྤེལ་རིང་སྤྱི་བདེའི་མི་དམངས་ཉེན་རྟོག་པས་དྲིལ་བསྒྲགས་འགྲེམས་པང་བཙུགས་ནས་སློབ་ཕྲུག་དང་ཁྱིམ་བདག་ཚོར་ཁྲིམས་ལུགས་ཁྲིམས་སྲོལ་དྲིལ་བསྒྲགས་བྱས་པ་དང་གྱོད་དཔེ་དངོས་འཆད་ཁྲིད་བྱེད་པ་སོགས་ལ་བརྟེན་ནས་སློབ་མ་དང་ཁྱིམ་བདག་ཚོར་ཇི་ལྟར་བྱས་ནས་བསླུས་ཚོང་གི་ཉེས་གསོག་བྱེད་སྤྱོད་ལ་ཁ་གཏད་བཅག་ནས་རང་ཉིད་ལ་སྲུང་སྐྱོང་བྱེད་པའི་ཤེས་བྱ་སྒྲོག་འགྲེལ་བྱས་ཡོད། དེ་དང་ཆབས་ཅིག་མི་དམངས་ཉེན་རྟོག་པས་བྱེད་སྒོ་སྤེལ་ཡུལ་གྱི་དགེ་སློབ་དང་ཁྱིམ་བདག་ཚོ་དང་ཕན་ཚུན་སྤེལ་རེས་བྱས་པ་མ་ཟད། དགེ་སློབ་ཀྱིས་བཏོན་པའི་བསླུས་ཚོང་སྐོར་གྱི་གནད་དོན་20ལྷག་ཙམ་ལ་ལན་བརྒྱབ་པ་དང་། བྱེད་སྒོའི་ཐོག“བསླུས་ཚོང་སྔོན་འགོག”གི་དྲིལ་བསྒྲགས་དཔྱད་གཞིའི་ཡིག་རིགས་500ལྷག་ཙམ་སྤྲད་ཅིང་། འདི་ནི་མི་དམངས་ཉེན་རྟོག་པས་སློབ་མར“བསླུས་ཚོང་སྔོན་འགོག”གི་ཤེས་བྱ་འཆད་ཁྲིད་བྱེད་པའི་གནས་ཚུལ་ཡིན་པ།