ཆབ་མདོ་གྲོང་ཁྱེར་ཚོད་ལྟའི་སློབ་ཆུང་དུ་སླེབས་སྐབས། གཡུ་ལྟར་སྔོ་བའི་ལྗོན་ཤིང་ཁྲོད་གནས་པའི་སློབ་ཁྲིད་ཐོག་ཁང་མངོན་གསལ་དོད་ལ། སློབ་ཁྲིད་ཐོག་ཁང་གི་གྱང་ལྡེབས་སུ་ཕྲུ་གུ་ཚང་མ་བདེ་སྐྱིད་ལྡན་པའི་འཚོ་བ་སྐྱེལ་རྒྱུ་ཡོང་ཆེད་རྨང་གཞི་འདིང་དགོས་ཞེས་པའི་ཡིག་ཕྲེང་དམར་པོ་ཞིག་མི་རྣམས་ཀྱི་མིག་ལམ་དུ་འཆར།

སློབ་སྤྱི་ཝུའུ་ཞའོ་ལུང་གིས་སློབ་གྲྭ་དེ་ནི་1951ལོར་བཙུགས་པ་དང་སྐབས་དེར་ཆབ་མདོ་སློབ་ཆུང་ཟེར། དམག་སྡེ་བཅོ་བརྒྱད་པའི་འགོ་ཁྲིད་རྒན་གྲས་བོད་རང་སྐྱོང་ལྗོངས་ཏང་ཨུད་ཀྱི་དེ་སྔའི་ཧྲུའུ་ཅི་ཨང་དང་པོ་དབྱིན་ཧྥ་ཐང་གིས“གངས་ལྗོངས་ས་མཐོའི་ཤེས་ལྡན་མི་སྣའི་འབྱུང་གནས་དང་པོ”ཞེས་པའི་མཚན་སྙན་གནང་ལུགས་དང་2014ལོའི་ལོ་མཇུག་ཏུ་ཆབ་མདོ་གྲོང་ཁྱེར་ཚོད་ལྟའི་སློབ་ཆུང་ལ་མིང་འགྱུར་ལུགས་སྐོར་ངོ་སྤྲོད་བྱས་བྱུང་།

ལོ་60འདས་རྗེས། ད་ཆ་ཆབ་མདོ་སློབ་ཆུང་དེ་སྨྱན་མང་སློབ་ཁྲིད་ཁང་དང་། རི་མོ་ཁང་། རོལ་དབྱངས་ཁང་། ཞབས་བྲོ་ཁང་། ཚོད་ལྟ་ཁང་སོགས་ནུས་པ་ཆ་ཚང་བའི་དེང་རབས་ཀྱི་སློབ་གྲྭར་གྱུར་པ་དང་སྔོན་མ་སློབ་མ་60ལྷག་ཙམ་ལས་མེད་པ་ནས་ད་ཆ་སློབ་མ་2000བར་མང་དུ་ཕྱིན་ཏེ་གསོན་ཤུགས་ལྡན་པའི་སློབ་གྲྭ་ཞིག་ཏུ་གྱུར།

སློབ་གསེང་རིང་སློབ་གོས་གྱོན་པའི་སློབ་མ་རྣམས་ལུས་རྩལ་ཐང་དུ་འཛོམས་ནས་དགའ་སྤྲོའི་ངང་པི་ཝང་ཞབས་བྲོ་འཁྲབ་ཅིང་། “ང་ཚོའི་སློབ་གྲྭས་མངོན་མིན་རིག་གནས་ཤུལ་བཞག་ཡིན་པའི་པི་ཝང་ཞབས་བྲོ་ཁྱབ་གདལ་གཏོང་ཆེད། སློབ་གསེང་རིང་པི་ཝང་ཞབས་བྲོ་འཁྲབ་ཏུ་བཅུག་ནས་སློབ་མ་ཚང་མ་བྱེད་སྒོའི་ནང་ཞུགས་སུ་འཇུག་གི་ཡོད། 2012ལོར་སློབ་གྲྭས་གསར་གཏོད་རང་བཞིན་གྱི་སྒོ་ནས་པི་ཝང་ཞབས་བྲོ་དེ་ལུས་རྩལ་དུ་བརྩིས་པ་དང་ཞིབ་འཇུག་དང་འཚོལ་ཞིབ་ཞིབ་ཕྲ་བྱས་རྗེས། དགེ་རྒན་ཚོས་ཕྲུ་གུ་ཚོར་འཚམ་པའི་པི་ཝང་ཞབས་བྲོ་བརྩམས་པར་བརྟེན་སློབ་མ་ཚོའི་དགའ་བསུ་ཐོབ་ཡོད”ཅེས་སློབ་གྲྭའི་སློབ་ཁྲིད་གཞུང་དོན་ཁང་གི་ཀྲུའུ་རེན་གཞོན་པ་ཝུའུ་ལི་མེ་ཡིས་བཤད།

སྒྱུ་རྩལ་རྒྱུན་འཛིན་དང་སློབ་མའི་རང་གཤིས་མངོན་པ་བྱེད་པ་དང་དུས་མཚུངས་ཆབ་མདོ་གྲོང་ཁྱེར་ཚོད་ལྟའི་སློབ་ཆུང་གིས་ད་དུང་སློབ་མར་གསར་བརྗེའི་སློབ་གསོ་རྒྱག་རྒྱུར་ཧ་ཅང་མཐོང་ཆེན་བྱེད་ཀྱི་ཡོད། “སློབ་མའི་རྒྱལ་གཅེས་རིང་ལུགས་སློབ་གསོར་ཤུགས་སྣོན་རྒྱག་ཆེད། ང་ཚོས་བོད་ཞི་བས་བཅིངས་འགྲོལ་བཏང་བ་དང་། བོད་ཀྱི་དམངས་གཙོའི་བཅོས་སྒྱུར། བོད་ཀྱི་འཕེལ་རྒྱས་དང་འགྱུར་ལྡོག་སོགས་ཀྱི་ནང་དོན་ཚུད་པའི་གསར་བརྗེའི་དྲིལ་བསྒྲགས་བར་ཁྱམས་ཆེད་མངགས་བཟོས་པ་ཡིན། གཞན་ཡང་ཉིན་ལྟར་སློབ་གསེང་གི་དུས་སུ‘ཉིན་རེའི་སྐར་མ་བཅུའི་ཀུན་སྤྱོད་སློབ་གསོའི’བྱེད་སྒོ་སྤེལ་ནས་རྒན་ལཌ་ཀྱིས་གསར་བརྗེའི་རིག་གནས་སྐོར་ཤོད་ཀྱི་ཡོད”ཅེས་རྒན་ཝུའུ་ལཌ་ཀྱིས་གསར་འགོད་པར་དེ་ལྟར་བཤད།

སློབ་གྲྭ་དེས་ད་དུང་དོན་དངོས་དང་ཟུང་འབྲེལ་བྱས་ནས《ཆབ་མདོ་གྲོང་ཁྱེར་ཚོད་ལྟའི་སློབ་ཆུང་གི་གསར་བརྗེའི་ཀུན་སྤྱོད་སློབ་གསོའི་ལག་བསྟར་ཇུས་གཞི》བཟོས་ཏེ་གསར་བརྗེའི་ཀུན་སྤྱོད་སློབ་གསོ་དེ་སློབ་ཁྲིད་དང་། སྤྱི་ཚོགས་ཀྱི་ལག་ལེན། ཕུགས་བསམ་དད་སེམས་ཀྱི་སློབ་གསོ། “སྤྱི་དམངས་ཀྱི་ཀུན་སྤྱོད་འཛུགས་སྐྱོང” “རྩེ་གྲ་བཅུ”བརྩོན་ལེན་སོགས་དང་ཟུང་འབྲེལ་བྱེད་པ་དང་གསར་བརྗེའི་དེབ་གཅིག་ཀློག་པ་དང་། གསར་བརྗེའི་སྙན་ངག་གཅིག་ཀློག་པ། གསར་བརྗེའི་གནས་མཆོག་ལ་ཐེངས་གཅིག་ལྟ་བ། གསར་བརྗེའི་གློག་བརྙན་ཐེངས་གཅིག་ལྟ་བ་སོགས་ཀྱི་ཐབས་ལ་བརྟེན་ནས་བོད་དང་ལྷག་དོན་དུ་ཆབ་མདོའི་གསར་བརྗེའི་རིག་གནས་ཐོན་ཁུངས་སྔོག་འདོན་དང་གང་ལེགས་སྤྱད་དེ་གསར་བརྗེའི་རིག་གནས་ཐོན་ཁུངས་དེ་སློབ་གསོའི་ཐོན་ཁུངས་སུ་བསྒྱུར་ནས་སློབ་གྲྭའི་ནང་གི་རིག་གནས་ནང་དོན་ཕུན་སུམ་ཚོགས་སུ་གཏོང་བ། གསར་བརྗེའི་སློབ་གསོའི་སྟེགས་བུ་གཏོད་པ། ཀུན་སྤྱོད་སློབ་གསོའི་ཁྱད་ལྡན་སྤུས་རྟགས་གཏོད་པ་བཅས་བྱས་པས། སློབ་མར་དོ་དམ་བྱེད་སྐབས་མི་གཙོ་བོར་འཇིན་པ་དང་སློབ་གསོ་རྒྱག་པའི་བྱ་སྤྱོད་དང་ཁོར་ཡུག་ཚད་ལྡན་ཅན། སློབ་མའི་བྱང་ཚད་མཐོ་རུ་གཏོང་བ་བཅས་བྱེད་ཐུབ་ཡོད།

“ང་ཚོས་ད་དུང་སློབ་མ་ཚོའི་རང་གཤིས་མངོན་པར་གསལ་ཐུབ་པ་དང་སྤྲོ་སྣང་འཕེལ་རྒྱུར་མཐོང་ཆེན་བྱས་ཏེ་སློབ་མ་ཚོའི་ཕྱོགས་བསྡུས་བྱང་ཚད་མཐོ་རུ་བཏང་ཡོད། ང་ཚོས་གཟའ་འཁོར་རེའི་གཟའ་ལྷག་པ་དང་གཟའ་ཕུར་བུའི་ཕྱི་དྲོའི་སློབ་ཚན་གསུམ་པ་དེ་སློབ་མའི་མོས་པ་སྐྱེད་སྲིང་བྱེད་པར་བརྩིས་ཏེ་བོད་རྒྱ་ཡིག་གཟུགས་དང་། རི་མོ། ལག་ཤེས་བཟོ་རྩལ། བོད་རྒྱའི་དེབ་ཀློག་པ། རྒྱང་བསྒྲགས་གཏོང་བ། ཞབས་བྲོ་སོགས་སློབ་ཁྲིད་བྱེད་པ་དང་སློབ་ཁྲིད་དགེ་རྒན་གྱི་ལས་སྒོ་བྱང་ཆུབ་ལ་འཇོན་ཐང་ཡང་ཆེན་པོ་ཡོད”ཅེས་སློབ་སྤྱི་ཝུའུ་ཞའོ་ལུང་གིས་དེ་ལྟར་ངོ་སྤྲོད་བྱས་བྱུང་།

ལོ་ངོ་60ལྷག་ཙམ་རིང་ཆབ་མདོ་གྲོང་ཁྱེར་ཚོད་ལྟའི་སློབ་ཆུང་ལ་སྔ་རྗེས་སུ“རྒྱལ་ཡོངས་མི་རིཌ་མཐུན་སྒྲིལ་ཡར་ཐོན་གྱི་སྔོན་ཐོན་མཉམ་སྡེབ”སོགས་རྒྱལ་ཁབ་རིམ་པའི་གཟི་བརྗིད་མཚན་སྙན་ཁག་15ཐོབ་པ་དང་རང་སྐྱོང་ལྗོངས་ཀྱི“སྐེ་དར་དམར་པོའི་དཔེ་སྟོན་སློབ་གྲྭ”དང“ཤེས་དཔལ་སློབ་གྲྭ”སོགས་རང་སྐྱོང་ལྗོངས་རིམ་པའི་གཟི་བརྗིད་མཚན་སྙན་ཁག་14ཐོབ་ཡོད་པ་རེད།

ད་ཆ་ཆབ་མདོ་གྲོང་ཁྱེར་ཚོད་ལྟའི་སློབ་ཆུང་དེ་བོད་ཀྱི་རྩེར་སོན་སློབ་གྲྭར་འགྱུར་རྒྱུ་དང་སློབ་མའི་རང་གཤིས་མངོན་པར་གསལ་བ་ཡོང་ཆེད་འབད་འཐབ་བྱེད་བཞིན་ཡོད་པ་རེད།