རྒྱུན་དུ་ཉི་འོད་དྲག་པོའི་འོག་ཏུ་སྡོད་ཡུན་རིང་ན་ངོ་ལྤགས་ལ་ཕོག་ཐུག་ཆེན་པོ་བཟོ་བ་ཕུད་མཐོང་ཚོར་དྲ་སྐྱིར་རྨས་སྐྱོན་བཟོ་ཞིང་། དེས་མིག་རྩ་ནས་ཁྲག་ཐོན་པ་དང་མིག་གི་ནད་གཞི་གཞན་སློང་རྐྱེན་བྱས་ནས་མཐར་མིག་ཤེད་རིམ་བཞིན་ཉམས་འགྲོ་ཡི་ཡོད། དེར་བརྟེན་ལོ་ན་ཆུང་དུས་ནས་བཟུང་འཚོ་བའི་གོམས་གཤིས་ལ་འགྱུར་ལྡོག་དང་རང་གིས་རང་ལ་གཅེས་སྐྱོང་བྱེད་ཤེས་པ་བྱས་ན་ལོ་ན་མཐོ་རུ་འགྲོ་སྐབས་མིག་ཤེད་ཉམས་པའི་སྣང་ཚུལ་མི་ཐོན་པ་དང་དེ་མིན་གྱི་ནད་གཞི་གཞན་སྔོན་འགོག་བྱེད་ཐུབ། གཞན་ཡང་དར་མ་དང་གཞོན་ནུའི་ཁྲོད་མིག་ཆུ་བར་མེད་ཐོན་མཁན་མི་ཉུང་བ་ཞིག་ཡོད་པ་དེ་དག་ལོ་ཆུང་དུས་ནས་ཉི་འོད་དྲག་པོའི་འོག་ཡུན་རིང་ལུས་པའི་རྒྱུ་རྐྱེན་ཡིན་པས་ཉི་འོད་དྲག་པོའི་འོག་ལས་ཀ་དང་འགྲོ་སྐྱོད་བྱེད་སྐབས་ངེས་པར་དུ་འོད་འགོག་མིག་ཤེལ་རྒྱག་དགོས་པ་དང་ཡང་ན་ཞྭ་མོ་གྱོན་ནས་མིག་ལ་ཉི་འོད་མི་ཕོག་པ་བྱེད་དགོས།