རི་སྐྱེས་སྔོ་ཚོད་ནང་འཚོ་བཅུད་མང་ཞིང་བྲོ་བ་ཆེ་བས་ཀུན་གྱིས་བཟའ་འདོད་མོད། འོན་ཀྱང་མི་ཁ་ཅིག་གིས་རི་སྐྱེས་སྔོ་ཚོད་བཀོག་རྗེས་འཕྲལ་དུ་བཟས་སྟབས་དུག་ཕོག་པ་མི་ཉུང་བ་བྱུང་ཡོད། སྨྱན་སྦྱོར་ཐོག་གནས་ཚུལ་དེ་འདྲ་ཞིག་བཏོན་ཡོད་པ་སྟེ། ཧའར་པིན་གྲོང་ཁྱེར་གྱི་གྲོང་མི་ཀྲོའུ་ཟེར་བ་ཞིག་གིས་ཉིན་ཤས་གོང་རིའི་སྒང་ནས་རི་སྒོག་བཀོག་སྟེ་ཁྱིམ་དུ་ལོག་རྗེས་སྲན་སྣུམ་དང་མཉམ་དུ་བཟས་འཕྲལ་སྐར་མ་འགའ་ཡང་མི་འགོར་བར་མགོ་ན་བ་དང་། སྐྱུག་མེར་ལངས་བ། བསྐྱུགས་པ་སོགས་བྱས་པས་ནང་མིས་ཁོ་པ་སྨན་ཁང་ལ་འཕྲལ་དུ་སྐྱེལ་དགོས་བྱུང་བ་རེད།
དོན་དངོས་ཐོག རྒྱལ་ཡོངས་ས་ཆ་ཁག་ཏུ་ཀྲོའུ་ཟེར་བའི་ནད་པ་འདྲ་བ་རི་སྐྱེས་སྔོ་ཚོད་བཟས་ནས་དུག་ཕོག་མཁན་མང་པོ་ཡོད། ཧའར་པིན་གསོ་རིག་སློབ་ཆེན་སྨན་ཁང་བཞི་པའི་སྨན་པ་མཁས་པས“རི་སྐྱེས་སྔོ་ཚོད་བྲོ་བ་ཆེ་ཡང་ཟ་དུས་ཡིད་གཟབ་བྱ་དགོས། རྒྱུས་མངའ་མེད་པའི་རི་སྐྱེས་སྔོ་ཚོད་བཀོག་ནས་བཟའ་མི་ཉན། དེ་དག་མང་ཆེ་བར་དུག་ཤེད་ཆེན་པོ་ལྡན་ཡོད”ཅེས་བཤད། སྨན་པ་མཁས་པ་དེས། རི་སྐྱེས་སྔོ་ཚོད་བཟའ་སྙམ་ན་ངེས་པར་དུ་ཆུ་གཙང་མའི་ནང་སྦོང་བ་དང་གཙང་མ་ཆགས་པ་བྱེད་དགོས། གལ་སྲིད་གྲང་ཚལ་འདྲ་བཟོས་ཚེ་སྔོན་ལ་ཆུ་ཁོལ་མར་སྦངས་ནས་བཟའ་དགོས་པའི་དྲན་སྐུལ་བྱས་ཡོད།