1.གཟུགས་པོའི་ལྗིད་ཚད་ལ་ཚོད་འཛིན་བྱེད་དགོས།   གཟུགས་པོའི་ལྗིད་ཚད་མཐོ་དྲགས་ན་མཆིན་པས་ལས་ཀ་བྱེད་རྒྱུ་ཁག་ཏུ་སོང་ནས་མཆིན་པར་ཚིལ་ལུ་བསྡུ་རྒྱུ་མཐོ་རུ་འགྲོ་གི་ཡོད། གལ་ཏེ་གཟུགས་པོ་རྨང་གཞིའི་ཚིལ་ལུ་འདུས་ཚད་ཉུང་དུ་སོང་ན་མཆིན་པའི་ཚིལ་ལུ་ཡང་ཉུང་དུ་འགྲོ་ཐུབ་པ་མ་ཟད་མཆིན་ནད་ཡོད་པའི་ནད་པའི་མཆིན་ནུས་བསྡུར་གྲངས་རིམ་ཀྱིས་མཐོ་རུ་འགྲོ་གི་ཡོད།  དེར་བརྟེན་ཟས་སྤྱོད་ཚད་མཐུན་དང་ལུས་སྦྱོང་ཡག་པོ་བྱེད་རྒྱུ་དེ་གལ་ཆེའོ།

2.ཁྲག་རྒྱུན་གྱི་འབག་བཙོག་བགོ་བའི་ཡོ་བྱད་སྤྱོད་རྒྱུར་ཡིད་གཟབ་བྱེད་དགོས།   ཁྲག་བླུགས་པའི་དགོས་པ་མེད་པར་ཁྲག་བླུགས་པ་དང་།  ཁབ་རྒྱག་པ།  རྣ་ཅོག་ལ་ཨི་ཁུང་འབིགས་པ།  མི་གཞན་དང་སོ་ཁྲུ་དང་རྨ་ར་བཞར་བྱེད་མཉམ་སྤྱོད་བྱེད་པ་སོགས་ལས་བྱུང་བའི་ཁྲག་རྒྱུན་གྱི་འབག་བཙོག་བགོ་རྒྱུར་ཡིད་གཟབ་བྱེད་དགོས།

3.བཟའ་འཐུང་གི་འཕྲོད་བསྟེན་ལ་དོ་སྣང་བྱེད་དགོས།   ཆུ་གྲང་མོ་བཏུང་རྒྱུ་མེད་ལ་མཚོ་ཟས་རྗེན་པ་ཡང་བཟའ་རྒྱུ་མེད་པ་སྟེ་དེ་དག་ལས་Aརིགས་ཀྱི་མཆིན་དུག་བགོ་གི་ཡོད།

4.ཐ་མག་དང་ཆང་རག་འཛེམས་དགོས།   ཆང་རག་བཏུང་དྲགས་ན་མཆིན་པ་ཚིལ་འགྱུར་མཐོ་རུ་འགྲོ་བ་དང་ཆང་བཅུད་རང་བཞིན་གྱི་མཆིན་ནད་ཕོག་སླ་བས་མཆིན་ནད་ཡོད་པའི་མི་རྣམས་ཀྱིས་ངེས་པར་དུ་ཆང་རག་འཛེམས་དགོས།

5.གཉིད་གདང་ངེས་ཉལ་དགོས།   མི་དར་མའི་ཉིན་གཅིག་གི་ནང་གཉིད་ཉལ་བའི་ཚད་གཞི་ནི་ཆུ་ཚོད་བརྒྱད་ཡིན་པ་དང་།  རྒྱུན་དུ་ཆུ་ཚོད་23གྱི་གཡས་གཡོན་དུ་ཉལ་དགོས་པ་དང་ཚན་དགུང་གི་ཆུ་ཚོད་དང་པོ་ནས་གསུམ་པའི་བར་གཉིད་ཐིང་ངེར་ཁུག་པའི་དུས་ཚོད་ཡིན་པས་དེའི་སྐབས་སུ་མཆིན་ཁྲག་གསོ་བའི་དུས་ཚོད་ཡག་ཤོས་དེ་ཡིན།  དེར་བརྟེན་མི་རྣམས་ཀྱིས་མཚན་མོ་གཉིད་མ་ཉལ་བར་བསྡད་ན་མཆིན་པར་ཕོག་ཐུག་གཏོང་སྲིད།

6.རྨོངས་ཚོད་ཀྱིས་སྨན་བཟའ་རྒྱུ་མེད།   ཟས་པའི་སྨན་རིགས་དག་མཆིན་པ་བརྒྱུད་ནས་དུག་སེལ་བྱེད་ཀྱི་ཡོད་པས་རྣམ་ཀུན་འཚོ་བའི་ནང་སྨན་པས་སྤྲད་པའི་སྨན་ཤོག་ཕུད་རང་འཚམས་ཀྱིས་སྨན་བཟའ་རྒྱུ་མེད་པ་སྟེ་སྨན་རིགས་སྣ་ཚོགས་མཉམ་དུ་ཟས་ན་སྨན་རྫས་ཀྱི་ནུས་པ་ཕན་ཚུན་འདྲེས་ནས་མཆིན་པའི་རྙིང་ཚབ་གསར་འབྱེད་ཀྱི་ནུས་པར་འགོག་རྐྱེན་བཟོ་སྲིད། <br>བོད་རང་སྐྱོང་ལྗོངས་བོད་སྐད་ཡིག་དྲིལ་བསྒྲགས་དོ་དམ་གཞུང་ལས་ཁང་གིས་རོགས་གཉེར་བྱས།