2003ལོའི་ཟླ་10ཚེས་1ཉིན་ནས་བཟུང་། རྒྱལ་ཡོངས་སུ་གཉེན་སྒྲིག་ཐོ་འགོད་ཁྲིམས་སྲོལ་ལག་བསྟར་བྱས་པ་དེས་གཉེན་སྒྲིག་ཐོ་འགོད་ཀྱི་བརྒྱུད་རིམ་དང་ཆ་རྐྱེན་ཧ་ཅང་སྟབས་བདེ་ཆགས་ཡོད་སྟབས། གཉེན་སྒྲིག་མ་བྱས་གོང་གཟུགས་པོར་བརྟག་དཔྱད་བྱེད་རྒྱུའི་ཐད་གཏན་འབེབས་ནན་པོ་བྱས་མེད་ཅིང་གཉེན་སྒྲིག་གོང་གཟུགས་པོར་བརྟག་དཔྱད་དེ་བཙན་དབང་ནས་རང་མོས་ཐོག་འགྱུར་བ་དེའི་ཐོག་ནས་མིའི་ཀུན་སྤྱོད་ཀྱི་ཐུགས་ཁུར་དང་སྤྱི་ཚོགས་གོང་འཕེལ་ཕྱིན་པ་ཡང་མཚོན་ཡོད། ཡིན་ནའང་འདིས་གཉེན་སྒྲིག་མ་བྱས་གོང་གཟུགས་པོར་བརྟག་དཔྱད་བྱ་རྒྱུ་དེ་གལ་ཆེ་མ་ཡིན་པ་མཚོན་མེད།

(1)གཉེན་སྒྲིག་མ་བྱས་གོང་གཟུགས་པོར་བརྟག་དཔྱད་བྱས་པ་དེས་ཚད་མཐོའི་ངང་ནས་རིམས་ནད་ཐོན་རྒྱུར་བཀག་འགོག་བྱེད་ཐུབ་པ་མ་ཟད། ཕྱི་རབས་ཀྱི་བདེ་ཐང་དང་མི་རིགས་ཀྱི་བདེ་ཐང་གི་བྱང་ཚད་གོང་མཐོར་གཏོང་རྒྱུར་ཕན་ཐོགས་ཧ་ཅང་ཆེན་པོ་ཡོད།

(2)གཉེན་སྒྲིག་མ་བྱས་གོང་གཟུགས་པོར་བརྟག་དཔྱད་བྱས་པ་དེས་ཆུ་མ་ཤོར་གོང་གི་ཆུ་རགས་བརྒྱབ་པ་ལྟར་ཕོ་མོའི་ཕྱོགས་གཉིས་པོའི་བདེ་ཐང་གི་མངོན་མེད་རྐྱེན་ངན་སྔ་ཙམ་ཤེས་རྟོགས་ཐུབ།

(3)གཉེན་སྒྲིག་མ་བྱས་གོང་གཟུགས་པོར་བརྟག་དཔྱད་བྱེད་པ་དེས་བཟའ་ཚང་གཉིས་པོར་མཚན་མའི་བདེ་ཐང་སྐོར་གྱི་དགོས་ངེས་སློབ་གསོ་གཏོང་ཐུབ།

གཉེན་སྒྲིག་བྱེད་རྩིས་ཡོད་པའི་ཕོ་མོ་གཉིས་པོས་ཕྱོགས་གཉིས་ལ་འགན་འཁུར་བ་དང་། མ་འོངས་པའི་ཁྱིམ་ཚང་དང་ཕྱི་རབས་ལ་འགན་འཁུར་བ། མི་རིགས་དང་རྒྱལ་ཁབ་ལ་འགན་འཁུར་བའི་རྣམ་པའི་ཐོག་ནས་རང་འགུལ་ངང་སྨན་ཁང་དུ་གཉེན་སྒྲིག་མ་བྱས་གོང་གཟུགས་པོར་བརྟག་དཔྱད་བྱེད་དགོས།