སྤྱི་གནོད་མེད་པའི་ཞིང་ལས་ཐོན་ཟོག་ནི་ཐོན་ཁུལ་གྱི་ཁོར་ཡུག་དང་། ཐོན་སྐྱེད་ཀྱི་རྒྱུད་རིམ། ཐོན་ཟོག་གི་སྤུས་ཚད་བཅས་རྒྱལ་ཁབ་ཀྱི་འབྲེལ་ཡོད་ཚད་གཞི་དང་ཚད་ལྡན་གྱི་རེ་བ་དང་མཐུན་ཞིང་། ཁས་ལེན་དཔང་འདོན་བྱས་ནས་ཚད་མཐུན་གྱི་ཁས་ལེན་དཔང་འདོན་ལག་ཁྱེར་རག་པ་མ་ཟད་སྤྱི་གནོད་མེད་པའི་ཞིང་ལས་ཐོན་ཟོག་གི་མཚོན་རྟགས་སྤྱོད་ཆོག་པའི་ལས་སྣོན་མ་བྱས་པའམ་ཡང་ན་ལས་སྣོན་རགས་ཙམ་བྱས་པའི་བཟའ་བཅའི་ཞིང་ལས་ཐོན་ཟོག་ལ་ཟེར།
ལྷད་མེད་བཟའ་བཅའ་ནི་རྒྱུན་བསྲིང་ངང་འཕེལ་རྒྱས་གཏོང་བའི་རྩ་དོན་གཞིར་བཟུང་དམིགས་བཙུགས་ཐོན་སྐྱེད་བྱེད་ཐབས་ལྟར་ཐོན་སྐྱེད་བྱེད་པ་དང་ཆེད་དམིགས་སྒྲིག་གཞིས་ངོས་འཛིན་བྱས་པ་བརྒྱུད་ལྷད་མེད་བཟའ་བཅའི་མཚོན་རྟགས་ཀྱི་ཚོང་རྟགས་སྤྱོད་ཆོག་པའི་སྦགས་བཙོག་མེད་པའི་བདེ་འཇགས་དང་། སྤུས་ལེགས། འཚོ་བཅུད་རིགས་ཀྱི་བཟའ་བཅར་ཟེར།
སྐྱེ་ལྡན་བཟའ་བཅའ་ཞེས་པའི་མིང་ཚིག་དེ་དབྱིན་ཡིག་གི་Organic Foodནས་ཐད་བསྒྱུར་བྱས་པ་ཞིག་དང་སྐད་ཡིག་གཞན་དག་ཁྲོད་ཀྱང་སྣོད་བཅུད་དམ་ཡང་ན་སྐྱེ་དངོས་བཟའ་བཅའ་སོགས་ཀྱི་མིང་ཚིག་ཡོད། སྐྱེ་ལྡན་བཟའ་བཅའ་ནི་སྐྱེ་ལྡན་ཞིང་ལས་ཐོན་སྐྱེད་མ་ལག་ལས་བྱུང་བ་དང་སྐྱེ་ལྡན་ཞིང་ལས་ཐོན་སྐྱེད་ཀྱི་རེ་བ་དང་དེ་མཚུངས་ཀྱི་ཚད་གཞི་ལྟར་ཐོན་སྐྱེད་དང་ལས་སྣོན་བྱས་པ་ཞིག་ཡིན་པ་མ་ཟད་ཁྲིམས་མཐུན་དང་རང་ཚུགས་ཀྱི་སྐྱེ་ལྡན་བཟའ་བཅའ་ཁས་ལེན་དཔང་འདོན་གྱི་སྒྲིག་གཞིའི་ངོས་འཛིན་ཐོབ་པའི་ཞིང་ཞོར་ཐོན་ཟོག་དང་དེ་བཞིན་ལས་སྣོན་ཐོན་ཟོག་ལ་ཟེར།