དེང་སྐབས་བརྙན་འཕྲིན་ལེ་ཚན་ནང་ན་གཞོན་དང་བྱིས་པས་དགའ་པོ་བྱེད་པའི་ལྟད་མོའི་ལེ་ཚན་ཤིན་ཏུ་ཕུན་སུམ་ཚོགས་པས་ན་གཞོན་དང་ཕྲུ་གུ་ཚོས་དེ་དག་བལྟས་རྗེས་ཤེས་ཚད་མཐོ་རུ་འགྲོ་བ་དང་མཐོང་རྒྱ་ཆེ་རུ་འགྲོ་བར་ཕན་ཐོགས་ཆེན་པོ་ཡོད་མོད། འོན་ཀྱང་བརྙན་འཕྲིན་ལྟ་བའི་སྐབས་སུ་རང་ཉིད་ཀྱི་མིག་ལ་གཅེས་སྤྲས་བྱ་རྒྱུར་དོ་སྣང་བྱེད་རྒྱུ་ནི་གལ་ཤིན་ཏུ་ཆེ།
དང་པོ། དུས་རྒྱུན་ནས་བརྙན་འཕྲིན་ལྟ་སྐབས་་བརྙན་འཕྲིན་དང་བར་ཐག་ཉུང་མཐར་ཡང་སྨི་གཉིས་ཡན་འཇོག་དགོས།
གཉིས་པ། བརྙན་འཕྲིན་རྒྱུན་མཐུད་ནས་ཆུ་ཚོད་གཅིག་ཡན་བལྟས་རྗེས་ཉུང་མཐར་ཡང་ངལ་གསོ་སྐར་མ་ལྔ་ནས་བཅུའི་བར་རྒྱག་དགོས་པ་མ་ཟད། ཉིན་རེར་བརྙན་འཕྲིན་ལྟ་བའི་དུས་ཚོད་རིང་དྲགས་རྒྱུ་མེད།
གསུམ་པ། བརྙན་འཕྲིན་ལྟ་དུས་ཡག་ཤོས་བྱུང་ན་རྒྱབ་ཏུ་ཤེལ་ཏོག་ཆུང་བའི་གློག་ཅིག་སྤར་ན་མིག་ལ་མ་གནོད་པའི་ཁྱད་པར་ཆེན་པོ་ཡོད།