ཉེ་བའི་ལོ་ཤས་རིང། རང་ལྗོངས་ཀྱི་གྲོང་རྡལ་ཅན་དང་བཟོ་ལས་ཅན་གྱི་འཕེལ་རིམ་ལ་སྐུལ་འདེད་མགྱོགས་མྱུར་གཏོང་བ་དང་སྦྲགས་ཞིང་འབྲོག་ཁུལ་གྱི་ངལ་རྩོལ་ནུས་ཤུགས་ལྷག་མ་འབོར་ཆེན་གྲོང་ཁྱེར་དུ་ལས་མིར་བསྐྱོད་པས་གཞིས་ལུས་གནད་དོན་ཉིན་བཞིན་མངོན་གསལ་དོད་དུའགྲོ་བཞིན་ཡོད་པ་རེད། 2014ལོ་ནས་བཟུང་། རང་ལྗོངས་ཀྱིས་མ་དངུལ་གྲབས་གསོག་ཧུར་ཐག་བྱས་ནས“བྱིས་པའི་སྤྲོ་སྐྱིད་ཁང”20བསྐྲུན་ཏེ་རང་ལྗོངས་ཀྱི་ས་ཁུལ་དང་གྲོང་ཁྱེར་ཁག་ཚང་མར་ཁྱབ་པ་བྱས་ཐོག་གཞིས་ལུས་བྱིས་པ་རྣམས“བྱིས་པའི་སྤྲོ་སྐྱིད་ཁང”གི་དྲོ་སྐྱིད་ལྡན་ལ་སྤྲོ་སྣང་དོད་པའི་ཁྱིམ་ཚང་ཆེ་མོ་དེའི་ནང་སྤྲོ་སྣང་འཕེལ་ཐུབ་པ་དང་བདེ་སྐྱིད་ལྡན་པའི་བྱིས་དུས་ཀྱི་དྲན་སྣང་ཞིག་སྦྱིན་ཐུབ་པར་བྱས་ཤིང་། འདི་ནི་ལྷ་ས་གྲོང་ཁྱེར་སྟོད་ལུང་བདེ་ཆེན་རྫོང་གདོང་དཀར་གྲོང་ཚོའི“བྱིས་པའི་སྤྲོ་སྐྱིད་ཁང”གི་བྱིས་པ་ཚོས་ཞོགས་ཟས་ཟ་བ་དང་འོ་མ་འཐུང་བཞིན་པའི་གནས་ཚུལ་ཡིན་པ།