གཟའ་འཁོར་འདིའི་ནང་རང་ལྗོངས་སུ་ལྷགས་པ་ཆེན་པོ་རྒྱག་པའི་གནམ་གཤིས་བསྟན་མང་བ་དང་དྲོད་ཚད་འཕར་ཆག་ཆེ་བ།

གཅིག  གཟའ་འཁོར་འདིའི་གནམ་གཤིས་སྔོན་བརྡ། （ཟླ་12ཚེས་21ཉིན་ནས་ཟླ་12ཚེས་27ཉིན་བར）

གཟའ་ཕུར་བུ་ནས་སྤེན་པའི་བར་ནག་ཆུའི་དབུས་ཤར་རྒྱུད་དང་། ཆབ་མདོའི་བྱང་རྒྱུད། ཉིང་ཁྲི་བཅས་སུ་སྤྲིན་པ་མང་པོ་འཁོར་ནས་གནམ་འཐིབ་རྒྱུ་དང་ས་ཆ་ཁག་གཅིག་ལ་གངས（ཆར་པ）ཆུང་བ་འབབ་རྒྱུ། ས་ཁུལ་གཞན་དག་ལ་སྤྲིན་པ་ཉུང་བ་ནས་མང་དུ་འགྲོ་རྒྱུ། གཟའ་མཇུག་ཏུ་རང་ལྗོངས་ཀྱི་ནུབ་ཕྱོགས་ནས་ཤར་ཕྱོགས་སུ་དྲོད་ཚད་ཧྲེ་ཧྲི་ཏུའུ་4ནས་8བར་ཆག་རྒྱུ་དང་ས་ཆ་ཁག་གཅིག་ལ་དྲོད་ཚད་ཆག་ཚད་ཧྲེ་ཧྲི་ཏུའུ་10ཟིན་རྒྱུ། གཟའ་འཁོར་འདིའི་ནང་བོད་བྱང་ཐང་རྒྱུད་དང་། གཞིས་རྩེའི་ལྷོ་རྒྱུད། ལྷོ་ཁའི་ལྷོ་རྒྱུད་བཅས་སུ་ལྷགས་པ་ཆེན་པོ་རིམ་པ་8ཙམ་རྒྱག་རྒྱུ་དང་ཡར་ཀླུང་གཙང་པོའི་ལུང་གཞུང་རྒྱུད་ཀྱི་ས་ཁུལ་དུ་ལྷགས་པ་རིམ་པ་5ཙམ་རྒྱག་རྒྱུ།

གཉིས།  གྲོས་འགོ

1.གཟའ་འཁོར་འདིའི་ནང་ལྷགས་པོ་ཆེན་པོ་རྒྱག་པའི་ཉིན་གྲངས་མང་དུ་འགྲོ་རྒྱུ་དང་། ཆར་ཆུ་འབབ་ཉུང་བ། གནམ་གཤིས་སྐམ་ཐན་ཆེ་བ། མེ་སྐྱོན་གྱི་རིམ་པ་མཐོ་ཙམ་ཡོད་པས་ནགས་ཚལ་དང་རྩྭ་ཐང་གི་མེ་ཟོན་ལ་ཤུགས་སྣོན་རྒྱག་དགོས་པ་དང་། གྲོང་ཁྱེར་གྱི་ཡུལ་མིས་བདེ་འཇགས་ངང་མེ་སྤྱོད་རྒྱུར་དོ་སྣང་བྱེད་དགོས། ལྷགས་པ་ཆེན་པོ་རྒྱག་པའམ་ཡང་ན་བྱེ་རླུང་འཚུབ་ནས་འགྲིམ་འགྲུལ་དང་ཕྱི་རོལ་གྱི་སྒྲིག་བཀོད་སོགས་ཐད་ཤུགས་རྐྱེན་ངན་པ་ཐེབས་རྒྱུར་དོ་སྣང་བྱེད་དགོས།

2.ས་བབ་མཐོ་བའི་ས་ཁོངས་སུ་མི་ཕྱུགས་ཀྱི་གྲང་འགོག་དྲོད་སྲུང་ལས་དོན་ཐད་དོ་སྣང་བྱེད་དགོས།