ཉེ་ཆར། ལྷ་ས་ཉང་བྲན་བྱང་ལམ་དམངས་ཕན་ཉེན་རྟོག་ཞབས་ཞུའི་ས་ཚིགས་ཁོངས་གཏོགས་ཀྱི་ཇ་ཁང་གཅིག་ལ་མེ་ཤོར་བ་རེད།

ཉང་བྲན་བྱང་ལམ་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱི་མི་དམངས་ཉེན་རྟོག་པས་གནས་ཚུལ་དེ་ཤེས་རྗེས་འཕྲལ་དུ་མེ་གསོད་ཡོ་ཆས་འཁྱེར་ཏེ་ས་ཆ་དེར་བསྐྱོད་པ་རེད། དེ་གར་སླེབས་རྗེས་མི་དམངས་ཉེན་རྟོག་པས་མཐའ་འཁོར་གྱི་མང་ཚོགས་ཁ་གྲམ་དུ་བཅུག་པ་དང་སྐར་མ་30སོང་རྗེས་མེ་རྦད་དེ་བསད་པ་རེད།

གནས་ཚུལ་ཐོན་རྗེས་མི་དམངས་ཉེན་རྟོག་པས་བརྟག་དཔྱད་བྱས་པ་བརྒྱུད་སོལ་རླངས་བླུགས་སྣོད་ནས་སོལ་རླངས་དོན་པ་དེ་ནི་མེ་སྐྱོན་ཐོན་པའི་རྒྱུ་མཚན་གཙོ་བོ་ཡིན་པ་རེད།

མི་དམངས་ཉེན་རྟོག་པས་གྲོང་མིར་དྲན་སྐུལ་བྱས་དོན། གལ་སྲིད་སོལ་རླངས་བླུགས་སྣོད་ནས་སོལ་རླངས་དོན་ཚེ་དངངས་སྐྲག་བྱེད་རྒྱུ་མེད། ཡང་དག་པའི་ཐབས་ཤེས་ནི་འཕྲལ་དུ་སོལ་རླངས་བླུགས་སྣོད་ཀྱི་ཁ་བཀག་སྟེ་རླུང་འགྲོ་ས་ཡོད་པ་བྱེད་པ་དང་། ཉེན་ཟོན་ཐིག་འཐེན་པ་དང་མི་ཁ་གྲམ་དུ་འཇུག་པའི་བྱེད་ཐབས་སྤྱོད་པ་དང་དུས་མཚུངས་སྤྱི་བདེ་མེ་ཟོན་སྡེ་ཚན་ལ་སྙན་སེང་ཞུ་དགོས། འབར་རླངས་ཀྱིས་ཁེངས་སྐབས་གློག་སྤོར་བ་དང་ལག་ཁྱེར་ཁ་པར་རྒྱག་པ་སོཌ་གཏན་ནས་བྱེད་མི་རུང་ལ་བུད་མེད་ཀྱིས་ཅུར་ཏ་ཏིང་ཙོག་གྱོན་རྒྱུ་མེད། གོང་གསལ་གྱི་བྱེད་སྟངས་ཚང་མས་མེ་འབར་ནས་འབར་གས་བྱུང་སྲིད།

ཇི་ལྟར་བྱས་ནས་སོལ་རླངས་སྣོད་ཀྱི་ཁ་མི་ཤོར་བ་བྱེད་དགོས་སམ་ཞེ་ན། 1.དུས་བཀག་ནང་དག་རྫས་ཆུ་སྤྱད་དེ་སོལ་རླངས་སྒྲིག་ཆས་གཅུས་འཕུར་དང་བཀག་སྒོར་བརྟག་དཔྱད་བྱེད་དགོས་ཤིང་། གལ་སྲིད་ལྦུ་བའམ་ཡང་ན་དྲི་མ་གཞན་དག་ཡོད་པ་ཤེས་ཚེ་བཀག་སྒོ་འགོག་དགོས་པ་དང་འཕྲལ་དུ་ཉམས་གསོ་ས་ཚིགས་ལ་སྙན་སེང་ཞུ་དགོས་པ་དང་། 2.སྦུ་གུ་མཉེན་པོ་གང་བྱུང་དུ་མཐུད་རྒྱུ་མེད་པ། 3.སོལ་རླངས་ཐབ་ཆས་ཀྱི་མཐའ་འཁོར་དུ་འབར་སླའི་དངོས་པོ་འཇོག་མི་རུང་བ་དང་སོལ་རླངས་ཀྱི་བཀག་སྒོ་དང་སོལ་རླངས་ཆུ་ཚོད་མཐའ་འཁོར་དུ་དངོས་པོ་འཇོག་མི་རུང་།