ཉེ་བའི་ལོ་ཤས་རིང་པ་སྣམ་རྫོང་གིས་ཕྱོགས་མང་པོའི་ས་ནས་མ་དངུལ་བརྩོན་ལེན་བྱས་ཏེ་སྔོ་ཚལ་འདེབས་འཛུགས་ཐོན་ལས་འཕེལ་རྒྱས་ཤུགས་ཆེར་བཏང་བ་མ་ཟད། ཚན་རྩལ་མངགས་གཏོང་པ་བཏང་སྟེ་རྒྱ་ཆེའི་འདེབས་འཛུགས་དུད་ཚང་ལ་སྔོ་ཚལ་འདེབས་འཛུགས་ཀྱི་ལག་རྩལ་བསླབས་པ་རེད། 2014ལོའི་ལོ་མཇུག་བར་རྫོང་དེའི་སྔོ་ཚལ་འདེབས་འཛུགས་རྒྱ་ཁྱོན་མུའུ་ཁྲི་1.17ཟིན་པ་དེའི་ནང་ཁྱད་ལྡན་སྔོ་ཚལ་ཐོན་ལས་རྟེན་གཞིའི་རྒྱ་ཁྱོན་མུའུ་1700ཡོད་པ་དང་། ཤིང་འབྲས་དང་སྔོ་ཚལ་རིགས་116ཡོད་པ། ཡིག་ཐོག་སྙན་ཞུ་ཕུལ་ནས་ཁས་ལེན་བྱས་པའི་སྤྱི་གནོད་མེད་པའི་སྔོ་ཚལ་རིགས་15ཡོད་པ་བཅས་ལ་བརྟེན་ས་གནས་དེ་གའི་ཞིང་འབྲོག་མང་ཚོགས་ལ་ཕྱུག་འགྱུར་གྱི་ལམ་བུ་གསར་པ་ཞིག་བྱུང་ཡོད། འདི་ནི་འདེབས་འཛུགས་དུད་ཚང་གིས་ཚན་རྩལ་མངགས་གཏོང་པའི་ས་ནས་འདེབས་འཛུགས་ཀྱི་ལག་རྩལ་སྦྱོང་བའི་གནས་ཚུལ་ཡིན་པ།