འདི་ནི་ལྷ་ས་གྲོང་ཁྱེར་ཁྲེང་ཀོན་ཆུས་གླིང་ཕྲན་གཉིས་ཀྱི་ཁྲོམ་གཞུང་སྡེ་ཁུལ་ འཕྲོད་བསྟེན་ཞབས་ཞུའི་ལྟེ་གནས་ཀྱི་སྨན་དོན་མི་སྣས་སྡེ་ཁུལ་གྱི་གྲོང་མིར་ སྨན་བཅོས་ཞབས་ཞུ་བྱེད་པའི་གནས་ཚུལ་ཡིན་པ།
ཉེ་བའི་ལོ་ཤས་རིང་ལྷ་ས་གྲོང་ཁྱེར་གྱིས“ཚང་མར་གཞི་རྩའི་སྤྱི་པའི་འཕྲོད་བསྟེན་ཞབས་ཞུ་ཡོད་པ”དམིགས་ཡུལ་དུ་བྱས་ཏེ་གྲོང་ཁྱེར་གྱི་སྡེ་ཁུལ་འཕྲོད་བསྟེན་ཞབས་ཞུའི་ལས་ཀར་སྐུལ་འདེད་ཤུགས་ཆེན་བཏང་ནས་གྲོང་ཁྱེར་གྱི་འཕྲོད་བསྟེན་ཞབས་ཞུའི་མ་ལག་གི་རྣམ་པ་གསར་པ་ཧུར་ཐག་ངང་འཛུགས་བཞིན་ཡོད། མིག་སྔར་ལྷ་ས་གྲོང་ཁྱེར་ཡོངས་སུ་གྲོང་ཁྱེར་སྡེ་ཁུལ་འཕྲོད་བསྟེན་ཞབས་ཞུའི་ལྟེ་གནས་རྩ་བའི་ཆ་ནས་ཁྱབ་ཡོད།