བོད་རང་སྐྱོང་ལྗོངས་བཟོ་ཚོང་ཅུས་ཀྱི་བསྡོམས་རྩིས་གསར་ཤོས་ཀྱི་གྲངས་གཞི་ལས་མངོན་པར།　མིག་སྔར་བོད་ཀྱི་ཞིང་འབྲོག་པའི་ཆེད་ལས་མཉམ་ལས་ཁང་3604བར་འཕེལ་རྒྱས་ཕྱིན་པ་དང་ཁྱོན་མ་དངུལ་སྒོར་དུང་ཕྱུར་25.46བཏང་བ་དེ་དུས་མཚུངས་ལས་64.41%དང་36.95%འཕར་ཡོད།　ད་ཕན་ལོ་ཤས་རིང་།　བོད་ཀྱི་ཞིང་འབྲོག་པའི་ཆེད་ལས་མཉམ་ལས་ཁང་གིས་ས་གནས་ཀྱི་ཁྱད་ལྡན་ཐོན་ལས་དང་ལེགས་ཆའི་ཐོན་ལས་ལ་དམིགས་ཏེ་ཞིང་འབྲོག་མང་ཚོགས་སྒྲིག་འཛུགས་བྱས་ཏེ་ཁྱད་ལྡན་ཐོན་སྐྱེད་གཉེར་བའི་ཐོག་ཆེད་ལས་གྲོང་ཚོ་དང་ཆེད་ལས་དུད་ཚང་སྣེ་ཁྲིད་བྱས་པར་བརྟེན་ཁྱད་ལྡན་ཐོན་ལས་ཁུལ་དང་ཐོན་ལས་ཚོགས་པ་ཆགས་ནས་ཞིང་འབྲོག་ལས་ཀྱི་ཐོན་སྐྱེད་ས་ཁོངས་ཅན་གྱི་ཁྱབ་ཚུལ་དང་གཞི་ཁྱོན་ཅན་གྱི་ཐོན་སྐྱེད་ལ་སྐུལ་མ་ཐེབས་ཤིང་།　འདི་ནི་བོད་ལྗོངས་ལྷ་ས་གྲོང་ཁྱེར་ཁོངས་མལ་གྲོ་གུང་དཀར་རྫོང་སྣམ་འཐག་ཆེད་ལས་ཁང་གི་ཞིང་པས་འཐག་ལས་ལག་རྩལ་འགྲན་པའི་གནས་ཚུལ་ཡིན་པ།