ནད་དེའི་བསྡོངས་ཟླ་གཙོ་བོ་རླུང་ཡིན་པས་རྒྱུན་དུ་ཡིད་ལ་མྱ་ངན་དང་།　ཁོང་ཁྲོ་སོགས་མི་བྱེད་པ་དང་།　　ལས་བྲེལ་ཆེ་བའི་རིགས་དང་ཉི་མར་ཡུན་རིང་བསྲེགས་པ་སོགས་ཀྱི་སྤྱོད་ལམ་སྤངས་དགོས་པ་མ་ཟད།　　གཉིད་དུས་ཐོག་ཏུ་ལོག་པ་དང་རྒྱུན་དུ་བསིལ་དྲོད་སྙོམས་ལ་གསོ་རླུང་འདང་ངེས་ཡོད་པ།　　གནས་གཙང་ཞིང་ཡིད་དུ་འོང་བའི་གྲོགས་ལ་སོགས་པ་བསྟེན་པར་བྱའོ།　　ཁ་ཟས་སུ་ཆང་རག་དང་།　　ཇ་གར་པོ་དང་ཚྭ་མཐོ་པོ་སོགས་ཀྱི་རིགས་སྤང་དགོས་ལ།　　　འཚོ་བཅུད་ལྡན་ལ་ཚིལ་ཞག་ཉུང་བའི་རིགས་བསྟེན་པར་བྱའོ།