རྒྱུན་དུ་མི་ཁག་གཅིག་ལྕགས་ཆས་རིགས་ལ་ལག་པ་འཆང་མ་ཐག་གློག་འཁྱུད་པ་དང་། ལྷག་པར་དུ་གནམ་གཤིས་སྐམ་ཤས་ཆེ་བའི་དགུན་དཔྱིད་དུས་གནས་ཚུལ་དེ་མང་པོ་འཕྲད་ཀྱི་ཡོད། དེ་ནི་མ་གཞི་ནས་མིའི་ལུས་པོ་ནི་གློག་འདྲེན་ནུས་པའི་དངོས་པོ་ཞིག་ཡིན་པ་དང་། གཟུགས་པོའི་ནང་ཆུའི་གྲུབ་ཆ་ཡོད་ལ། ལུས་ཡོངས་ཀྱི་ཕྲ་ཕུང་རྣམས་ཀྱང་ཆུ་ལས་གྲུབ་པ་ཤ་སྟག་ཡིན་པས། ཆུ་དེ་དག་ནང་གློག་འབྱེད་ནུས་པ་ཤུགས་ཆེན་ལྡན་ཡོད་པ་མ་ཟད། གློག་ཤུགས་རྡུལ་ཕྲན་ཡང་མང་པོ་ལྡན་པས་གལ་ཏེ་མི་དང་གློག་ལྡན་དངོས་པོ་གཉིས་ཐུག་ཚེ་ལུས་ཆུའི་ནང་གི་གློག་ཤུགས་རྡུལ་ཕྲན་དེ་རྣམས་ཕྱོགས་གཅིག་ཏུ་འགུལ་སྐྱོད་བྱུང་བ་དང་། གློག་འབྱེད་ནུས་པས་གློག་ཚད་འདྲེན་ཏེ་ལུས་ཆུ་བརྒྱུད་ལུས་ལ་གློག་འཁྱུད་སླ་བའི་གནས་ཚུལ་ཐོན་གྱི་ཡོད། དེར་བརྟེན་གློག་འཁྱུད་སླ་བའི་མིས་དབྱར་དུས་དྲག་ཆར་གཏོང་བ་དང་འབྲུག་སྐད་སོགས་རྒྱག་སྐབས་ལྕགས་ཆས་སོགས་ལུས་ཐོག་ཏུ་འཁྱེར་རྒྱུ་མེད།