མངར་ཟས་ཀྱིས་སོ་ལ་ཐད་ཀར་གནོད་པ་མ་ཡིན་པར་མངར་ཆ་ཟས་རྗེས་སོའི་བར་དུ་ལུས་པའི་མངར་རོ་དེ་དག་ལ་འབུ་ཕྲའི་ནུས་པ་ཐོན་ཏེ་བསྐྱུར་རྩིར་གྱུར་ནས་སོ་ལ་རུལ་སྐྱོན་ཡོང་གི་ཡོད། དེར་བརྟེན་བྱི་རིལ་ཟས་རྗེས་ཕྲུ་གུར་ཁ་ཆུ་བཤལ་གཏོང་དུ་འཇུག་དགོས་པ་དང་ཁ་ཆུ་བཤལ་གཏོང་མི་ཤེས་པའི་ཕྲུ་གུ་ཆུང་ཆུང་ཡིན་ན་བྱི་རིལ་ཟས་རྗེས་ཆུ་ཉུང་ཙམ་འཐུང་དུ་འཇུག་པའམ་ཡང་ན་བཟའ་བཅའི་རིགས་གཞན་ཕྲན་བུ་བསྟེར་ནས་སོའི་བར་དུ་ལུས་པའི་མངར་རོ་གཙང་མ་བཟོ་ཐབས་བྱེད་དགོས། གལ་ཆེ་ཤོས་ནི་ཕྲུ་གུའི་ཁའི་ནང་མངར་ཆའི་རིགས་ཉར་ནས་གཉིད་ཁུག་ཏུ་རྩ་བ་ནས་འཇུག་མི་རུང་།