སྤྱང་ལུག་བརྒྱ་བཟས་ན་འཆི་ལྟས།

མདའ་ཟེར་ཁ་ལངས་ན་ཆག་ལྟས།

སྤྲང་ཕྲུག་གསོས་ནས་བུ་རྒྱུད་མི་ཡོང་།

སྤྱང་ཀི་གསོས་ནས་སྒོ་ཁྱི་མི་ཉན།

ཕོ་ཡ་རབས་མ་རབས་སྤྱོད་པས་ཤེས།

ཡུལ་ས་ཕྱོགས་གང་ཡིན་སྐད་ཀྱིས་ཤེས།

ཕོ་རོག་གཟབ་མཆོར་སྤྲས་ནའང་།

མཛེས་པའི་རྨ་བྱར་འགྱུར་མི་སྲིད།

ཕྱི་གོས་ཆེན་རྩམ་ཁུག　།

ནང་སྦང་མའི་རྩམ་པ།

བུ་དཔའ་བོ་སློག་ཧྲུལ་སྦུག་ཏུ་ཡོད།

མཚོན་རྣོན་པོ་ཀོ་ཤུབས་ནང་ན་ཡོད།

བུང་བར་མེ་ཏོག་འཚོལ་བ་དང་།

ངང་པར་ཆུ་རྐྱལ་བསླབ་མི་དགོས།

བྱ་ཁྭ་ཏས་ཏག་ཏག་ཟེར་བ་འདི།

ཡུལ་འདི་ན་མི་སྡོད་ཟེར་མི་རེད།

བྱིའུ་ཆུང་གསུང་སྐད་སྙན་ཡང་།

སྐུ་ཤ་རྒྱ་སྲང་དོ་རེད།

བྱེ་མའི་ཆངས་བུ་ཞིག་པ་དེ།

བྱེད་པོ་གཞན་ལ་བལྟོས་མི་དགོས།

འབྲུག་ངར་སྐད་ཆེ་ན་ཐང་རྟགས།

དགྲ་ཁ་བཙན་ཆེ་ན་འགྲིག་རྟགས།

འབྲུག་འུར་སྒྲ་ཆེ་ཡང་སྟོང་པ་ཡིན།

འཇའ་ཁ་དོག་ལེགས་ཀྱང་ཡལ་ནས་འགྲོ།

འབྲོང་བྲེ་སེར་ཁལ་འཁྱེར་ཡོང་བ་མིན།

སྟག་དམར་ཡག་སྒོ་ཁྱི་ཡོང་བ་མིན།

མར་མེ་གཟིམས་ཁར་འོད་ཆེ།

བསོད་ནམས་ཟད་ཁར་འུར་ཆེ།

མི་སྒུར་པོར་བསམ་པ་དྲང་པོ།

དུང་དཀར་པོའི་ཁོག་པ་འཁྱོག་པོ།

མི་བློ་ཉེས་ཁར་རྒོད་ཡར་ཡར།

རྟ་བློ་ཉེས་ཁར་འཚུབ་ཡར་ཡར།