བོད་ལྗོངས་སློབ་གསོ་ཐིང་གིས་ཁྱབ་བསྒྲགས་བྱས་པའི་རྒྱུ་ཆ་གཞིར་བཟུང་ན།མིག་སྔར།བོད་ལྗོངས་ཡོངས་སུ་རིམ་པ་མི་འདྲ་བའི་རིགས་སོ་སོའི་སློབ་གྲྭ༡༦༩༦དང་དཔེ་ཁྲིད་བྱེད་གནས༣༨༨ཡོད་པ་རེད།བསྡོམས་རྩིས་བྱས་པ་ལྟར་ན་ལྗོངས་ཡོངས་སུ་རྨོངས་སེལ་མི་གྲངས་ཁྲི༡༨༡.༥དང་ཡིག་རྨོངས་བ་མི་གྲངས་ཁྲི༡.༢ཡོད་ཅིང་།ན་གཞོན་ཡིག་རྨོངས་བའི་གྲངས་ཚད་བརྒྱ་ཆའི༠.༥༧ལ་སླེབས་ཡོད།
བོད་ལྗོངས་སློབ་ཆེན་གྱི་མཐར་ཕྱིན་ལ་ཉེ་བའི་ཞིབ་འཇུག་སློབ་མས་ཕོ་བྲང་པོ་ཏ་ལའི་ཐང་ཆེན་དུ་དྲན་རྟེན་གྱི་མཉམ་པར་ལེན་བཞིན་པ།
རྒྱུས་ལོན་བྱས་པ་ལྟར་ན།བོད་ལྗོངས་ཡོངས་སུ་སྤྱིར་བཏང་གི་མཐོ་རིམ་སློབ་གྲྭ༦ཡོད།དེའི་ཁྲོད་ཆེད་སྦྱོང་སློབ་གྲྭ༣དང་འབྲིང་རིམ་ལས་རིགས་སློབ་གྲྭ༩དེ་བཞིན་སློབ་འབྲིང༡༢༥བཅས་ཡོད།དེའི་ཁྲོད་ལོ་བཅུ་གཉིས་ལམ་ལུགས་ཀྱི་སློབ་གྲྭ༣དང་ལོ་དགུའི་ལམ་ལུགས་ཀྱི་སློབ་གྲྭ༣།མཐོ་རིམ་སློབ་འབྲིང༢༢།སློབ་འབྲིང་ཁོ་ན་ཅན༤།དམའ་རིམ་སློབ་འབྲིང༩༣།སློབ་ཆུང༩༢༩།དམིགས་བསལ་སློབ་གྲྭ༥།བྱིས་པ་ཁང༧༢༢བཅས་ཡོད་པ་རེད།རིམ་པ་མི་འདྲ་བའི་རིགས་སོ་སོའི་རྒྱུན་སྡོད་སློབ་མ་བསྡོམས་པས་༦༠༨༥༠༦ཡོད།དེའི་ཁྲོད་ཞིབ་འཇུག་སློབ་མ༡༤༢༨ཡོད་པ་དང་།སྤྱིར་བཏང་གི་དངོས་གཞི་དང་ཆེད་སྦྱོང་སློབ་མ༣༣༤༧༤ཡོད།(ཆེད་སྦྱོང་སློབ་མ༡༡༣༡༥)འབྲིང་རིམ་ལས་རིགས་སློབ་མ༡༦༧༡༩།མཐོ་འབྲིང་སློབ་མ༥༥༦༦༩།དམའ་འབྲིང་གི་སློབ་མ༡༢༤༢༩༥།སློབ་ཆུང་སློབ་མ༢༩༥༡༤༢།དམིགས་བསལ་སློབ་གྲྭའི་སློབ་མ༦༥༦།བྱིས་པ་ཁང་གི་ད་ཡོད་མི་གྲངས༨༡༡༢༣བཅས་ཡོད།
མིག་སྔར།བོད་ལྗོངས་ཀྱི་སློབ་ཆུང་གི་སློབ་གྲྭར་ཞུགས་ཚད་བརྒྱ་ཆའི༩༩.༦༤དང་དམའ་འབྲིང་གི་སློབ་གྲྭར་ཞུགས་ཚད་བརྒྱ་ཆའི༩༨.༩༡།མཐོ་འབྲིང་གི་སློབ་གྲྭར་ཞུགས་ཚད་བརྒྱ་ཆའི༧༣.༣༧།མཐོ་རིམ་སློབ་གསོའི་སློབ་གྲྭར་ཞུགས་ཚད་བརྒྱ་ཆའི༢༧.༧༦།སློབ་ན་མ་སོན་གོང་གི་སློབ་གསོའི་སློབ་གྲྭར་ཞུགས་ཚད་བརྒྱ་ཆའི༥༩.༡༡རེད།
མིག་སྔར་བོད་རང་སྐྱོང་ལྗོངས་ཀྱིས"རྒྱལ་ཁབ་གཙོ་བྱས་རང་སྐྱོང་ལྗོངས་ཀྱིས་གཅིག་གྱུར་འཆར་འགོད"བྱེད་པའི་སློབ་གསོའི་གྲོན་དངུལ་ཁག་ཐེག་ལམ་ལུགས་འཛུགས་སྐྲུན་བྱས་ཤིང་།"རང་སྐྱོང་ལྗོངས་ཀྱིས་གཅིག་གྱུར་འཆར་འགོད་དང་།རྐྱང་སྒྲིག་སྔོན་རྩིས།སློབ་གྲྭར་སླེབས་རྒྱུ་སྔོན་རྩིས།སློབ་དངུལ་གཞུང་གཉེར"བཅས་ཀྱི་འོས་འགན་སློབ་གསོའི་གྲོན་དངུལ་བདག་གཉེར་ལམ་ལུགས་འཛུགས་སྐྲུན་བྱས་ཡོད།སློབ་གསོའི་མ་དངུལ་གཏོང་ཚད་ཡང་མུ་མཐུད་རྒྱ་བསྐྱེད་གནང་བཞིན་མཆིས་ཏེ།༢༠༠༠ལོ་ནས༢༠༡༣ལོའི་བར།ནོར་སྲིད་སློབ་གསོའི་ལོ་རེའི་མ་དངུལ་གཏོང་ཚད་སྒོར་དུང་ཕྱུར༧.༢༣ནས་དུང་ཕྱུར༡༡༨.༢ལ་འཕར་སྣོན་བྱུང་ཞིང་།སྤྱིའི་མ་དངུལ་གཏོང་ཚད་སྒོར་དུང་ཕྱུར༦༣༠ལྷག་དང་ལོ་རེའི་འཕར་ཚད་བརྒྱ་ཆའི༢༣བརྒལ་ཡོད།དེའི་ཁྲོད་ལོ་རེའི་སློབ་གསོའི་གཞི་རྩའི་འཛུགས་སྐྲུན་བྱེད་པར་སྒོར་དུང་ཕྱུར༡.༢༨ནས་དུང་ཕྱུར༢༣.༤༦བར་འཕར་སྣོན་བྱུང་ཡོད་ཅིང་།མང་ཆེ་བ་ཞིང་ཕྱུགས་ལས་ཁུལ་དུ་བཏང་ཡོད་པ་རེད།
༢༠༡༢ལོའི་ཟླ༡༢པའི་ཚེས༡༠ཉིན།བོད་རང་སྐྱོང་ལྗོངས་མི་དམངས་སྲིད་གཞུང་གིས་འོས་འགན་སློབ་གསོ་དོ་མཉམ་འཕེལ་རྒྱས་ཀྱི"དུས་ཚོད་རེའུ་མིག"སྐུལ་འདེད་བྱེད་རྒྱུ་གཏན་འབེབས་མཛད།༢༠༢༠ལོར་སླེབས་དུས།བོད་ལྗོངས་ཡོངས་སུ་རྫོང་ས་ཁོངས་ནང་ཁུལ་གྱི་འོས་འགན་སློབ་གསོའི་གཞི་རྩའི་འཕེལ་རྒྱས་དོ་མཉམ་མངོན་འགྱུར་ཡོང་སྲིད།
ཉེ་བའི་ལོ་འགའི་རིང་།བོད་རང་སྐྱོང་ལྗོངས་ཀྱིས་སྔ་གཞུག་ཏུ"དབུལ་ཕོངས་ས་ཁུལ་གྱི་འོས་འགན་སློབ་གསོའི་ལས་གཞི"དང་།"ཞིང་གྲོང་གི་འབྲིང་ཆུང་སློབ་གྲྭའི་སྡོད་ཁང་བསྒྱུར་བཀོད་ལས་གཞི"།"ཞིང་གྲོང་གི་རྒྱུན་སྡོད་ལམ་ལུགས་ཀྱི་སློབ་གྲྭ་འཛུགས་སྐྲུན་ལས་གཞི"།"འབྲིང་ཆུང་སློབ་གྲྭའི་བདེ་འཇགས་ལས་གཞི"དཔེ་ཁྲིད་བྱེད་གནས་བསྒྱུར་བཀོད་ལས་གཞི"།"སློབ་ཆུང་གི་ཚད་ལྡན་རང་བཞིན་འཛུགས་སྐྲུན་ལས་གཞི"།"ཞིང་གྲོང་དགེ་རྒན་གྱི་འཁོར་རྒྱུག་ཁང་བ་འཛུགས་སྐྲུན"སོགས་ཀྱི་འཛུགས་སྐྲུན་ལས་གཞི་གལ་ཆེན་རྣམས་ལག་བསྟར་བྱས་ཏེ།རིམ་པ་མི་འདྲ་བའི་རིགས་སོ་སོའི་སློབ་གྲྭའི་སྡོད་ཁང་འཛུགས་སྐྲུན་གྱི་རྒྱ་ཁྱོན་སྨི་གྲུ་བཞི་མ༧༨༩བར་འཕར་སྣོན་བྱུང་།